E-chwaraeon

4 esports players in a competition arena

Diddordeb mewn gemau cyfrifiadurol? Dysgwch am y sgiliau sydd eu hangen arnoch, a'r cyfleoedd gyrfa mewn e-chwaraeon.

Gemau fideo cystadleuol yw e-chwaraeon (chwaraeon electronig). Mae gan e-chwaraeon chwaraewyr proffesiynol, dyfarnwyr (a elwir hefyd yn weinyddwyr) ac asiantau fel unrhyw gamp. Ond mae llawer o gyfleoedd eraill ar gyfer gyrfaoedd a gwirfoddoli hefyd.

Mae mwyafrif y bobl yn dechrau drwy ymuno â chymuned ar-lein ar gyfer gêm fideo. O'r fan honno cewch wybod am gystadlaethau, cynghreiriau a thwrnameintiau. Mae rhai ysgolion hefyd yn cymryd rhan mewn cystadlaethau echwaraeon.

Y sgiliau rydych yn eu hennill drwy gymryd rhan mewn e-chwaraeon

Drwy gymryd rhan mewn e-chwaraeon byddwch yn ennill sgiliau gwerthfawr a all drosglwyddo i lawer o wahanol swyddi. Gallwch ychwanegu eich sgiliau e-chwaraeon neu eich sgiliau chwarae gemau fideo a'ch profiad ar eich CV a'ch ffurflenni cais. Gallwch siarad am y sgiliau rydych wedi'u hennill drwy e-chwaraeon a chwarae gemau fideo mewn cyfweliadau swydd.

Dyma rhai o'r sgiliau rydych chi'n eu hennill o e-chwaraeon:

Gwaith tîm
Cyfathrebu
Datrys problemau
Gwneud Penderfyniadau
Sgiliau TG
Arwain
Dyfalbarhad (Parhau i ymarfer a gwella)
Gwytnwch (Dysgu rhoi cynnig arall arni ar ôl methiant)
Medrusrwydd llaw (Defnyddio'ch dwylo'n fedrus)
Gallu meddwl ac ymateb yn gyflym
Sgiliau dadansoddol (Arsylwi, dysgu gwybodaeth newydd, dod o hyd i batrymau, a chymhwyso'r hyn rydych chi'n ei wybod)
Meddwl yn strategol (Asesu sefyllfa'n glir a gallu meddwl a chynllunio ymlaen llaw)
Aml-dasgio