Cofnodion Cyfarfod Bwrdd CCDG 22 Gorffennaf 2025

Mae Bwrdd Career Choices Dewis Gyrfa (CCDG) yn cyfarfod bob chwarter. Mae'r Bwrdd yn gyfrifol am lywodraethu a chydymffurfio â'r cod llywodraethu corfforaethol. Isod mae cofnodion cyfarfod Bwrdd CCDG a gynhaliwyd ar 22 Gorffennaf 2025.

Yn bresennol

• Erica Cassin (Cadeirydd)
• Andrew Clark
• Helen White
• Joni Ayn-Alexander
• Kate Daubney
• Rhian Roberts (RhR)
• Viv Laing
• Tony Smith
• Azza Ali

O Gyrfa Cymru

• Nikki Lawrence
• Ruth Ryder (RR)
• Amie Field

Llywodraeth Cymru

• Sam Evans

• Absennol

• Neil Surman
• Dave Mathews (DM)
• Natalie Richards
• Rokib Uddin
• Richard Thomas

Ysgrifenyddiaeth:

Donna Millward(DMM)

1. Ymddiheuriadau/datganiadau o fuddiant

Cafwyd ymddiheuriadau gan Neil Surman, Dave Mathews (DM), Natalie Richards, Rokib Uddin a Richard Thomas

Ni nodwyd unrhyw ddatganiadau o fuddiant newydd.

2. Cofnodion y cyfarfod blaenorol, 21 Mai 2025

Cymeradwywyd cofnodion y cyfarfod blaenorol fel cofnod cywir.

3. Materion sy'n codi

Cam Gweithredu 1. Dosbarthu'r adroddiadau terfynol o bwyllgorau'r Senedd i aelodau'r Pwyllgor Perfformiad ac Effaith cyn gynted ag y byddant ar gael. Mae'r cam gweithredu hwn i'w symud ymlaen i gyfarfod nesaf Bwrdd CCDG.

Cam Gweithredu 2. Y Cadeirydd i ysgrifennu at yr holl weithwyr i ddiolch iddynt a chydnabod eu hymdrechion a'u cyflawniadau. Mae'r cam gweithredu hwn i'w symud ymlaen i gyfarfod nesaf Bwrdd CCDG.

4. Diweddariad y Cadeirydd – Ar Lafar

4.1 Newidiadau i'r Tîm Gweithredol
Croesawodd y Cadeirydd AF i'r bwrdd yn ffurfiol, gan gydnabod ei rôl newydd fel Cyfarwyddydd dros dro.

4.2 Recriwtio i’r Bwrdd
Rhoddodd y Cadeirydd yr wybodaeth ddiweddaraf i'r aelodau am y broses barhaus o recriwtio aelodau bwrdd newydd. Mae'r cyfweliadau wedi dod i ben a bydd yr argymhelliad yn cael ei anfon at y Gweinidog i'w gymeradwyo.

Cadarnhaodd y Cadeirydd fod aelod cyfetholedig wedi'i benodi ac y bydd yn ymuno â'r Pwyllgor Perfformiad ac Effaith.

4.3 Is-bwyllgorau
Rhoddodd y Cadeirydd yr wybodaeth ddiweddaraf i'r aelodau am y newidiadau i Gadeiryddion yr Is-bwyllgorau.

5. Adroddiad y Prif Weithredydd

Trafododd yr aelodau yr adroddiad a ddosbarthwyd yn flaenorol.

5.1 Risgiau Cwmni Allweddol
Mae'r adroddiad yn tynnu sylw at bum risg allweddol sy'n parhau i fod yn ddigyfnewid o'r adroddiad blaenorol.

Trafododd aelodau'r bwrdd y risgiau cwmni allweddol a chodi cwestiynau am atgyfeiriadau diogelu a chyfrifoldeb y bwrdd yn y maes hwn. Gofynnwyd am fanylion ychwanegol am liniaru risg a statws seiberddiogelwch. Trafododd yr aelodau y materion a godwyd a chytunodd i gynnwys y manylion yn adroddiad y Prif Weithredydd yn y dyfodol.

5.2 Cyfraniad Yswiriant Gwladol cyflogwr
Cafodd y Bwrdd wybod bod Llywodraeth Cymru wedi cadarnhau y bydd yn ariannu'r cyfraniadau Yswiriant Gwladol ychwanegol ar gyfer 2025/26

Mynegodd aelodau'r bwrdd bryder ynghylch sefyllfa’r gyllideb/y sefyllfa ariannol barhaus os na fydd y cyllid ychwanegol hwn yn parhau mewn blynyddoedd i ddod.

5.3 Dyfarniad Cyflog
Mae Unsain wedi cyflwyno ei hawliad cyflog ar gyfer 2025/26

5.4 Ymgysylltu â Rhanddeiliaid
Mae'r Prif Weithredydd yn cynnal cyfarfodydd rheolaidd gyda rhanddeiliaid allweddol, gan gynnwys Medr. Mae'r Prif Weithredydd a'r Cyfarwyddydd Cyflenwi Gwasanaethau yn mynychu cyfarfod wyneb yn wyneb gyda Medr i drafod cydweithredu strategol ymhellach.

5.5 Newidiadau i'r Tîm Gweithredol
Cadarnhaodd y Prif Weithredydd fod AF wedi'i benodi'n Gyfarwyddwr Cyflenwi Gwasanaethau dros dro. Mae’r broses o recriwtio pennaeth gwasanaethau dros dro i bobl ifanc wedi cychwyn.

5.6 Strategaeth Newydd
Bydd diweddariad ar strategaeth newydd yn cael ei roi o dan yr eitem agenda parhaol.

5.7. Newidiadau/trawsnewidiadau allweddol
Roedd yr adroddiad yn cwmpasu gwahanol welliannau gweithredol a phrosiectau trawsnewidiol.

5.7.1 Swyddi Dyfodol Cymru 
Mae prosiect Swyddi Dyfodol Cymru wedi cwblhau gwaith ar bob un o'r 16 sector.

5.7.2 Canolfan Deallusrwydd Data
Roedd Llywodraeth Cymru wedi ariannu darn arall o waith mewn perthynas â datblygu canolfan deallusrwydd data Gyrfa Cymru. Nid oedd cyllid wedi'i gymeradwyo ar gyfer creu canolfan deallusrwydd data yn llawn a fyddai'n gofyn am adnoddau ychwanegol.

5.8 Gwasanaethau Rhanddeiliaid
Gofynnodd y Gweinidog ac Ysgrifennydd y Cabinet dros Addysg i Gyrfa Cymru barhau i ariannu profiad gwaith wedi'i deilwra (TWE) ond o'r amlen cyllideb graidd bresennol. Yn y flwyddyn ariannol hon, dim ond mewn un rhan o Gymru yr oedd TWE ar gael, ond mae bellach yn cael ei ehangu i’r Gogledd yn sgil penodi i swydd cyfwerth ag amser llawn ychwanegol.

5.9 Gwobrau CDI 2025
Yn ddiweddar, enillodd cynghorydd gyrfa Cymru’n Gweithio y categori "Gweithiwr Proffesiynol Datblygu Gyrfa sy’n Gweithio mewn Lleoliadau Heblaw Addysg" yng Ngwobrau'r Sefydliad Datblygu Gyrfaoedd (CDI) 2025.

5.10 Dangosyddion Perfformiad Allweddol
Cafwyd diweddariad ar Ddangosyddion Perfformiad Allweddol y cwmni. Nododd yr Aelodau nad oes unrhyw bryderon ar hyn o bryd; bod perfformiad ar y trywydd iawn, ond ei bod yn gynnar yn y flwyddyn adrodd.

6. Diweddariad Llywodraeth Cymru

6.1 Adroddiad yr OECD ar Brofiad Gwaith wedi'i Deilwra
Comisiynodd Llywodraeth Cymru y Sefydliad ar gyfer Cydweithrediad a Datblygiad Economaidd (OECD) i adolygu'r rhaglen profiad gwaith wedi'i deilwra. Bydd yr adroddiad yn cael ei gyhoeddi cyn bo hir.

Cam Gweithredu 3. Cynrychiolydd Llywodraeth Cymru i rannu’r ddolen i adroddiad yr OECD gydag aelodau'r bwrdd unwaith y bydd ar gael.

6.2 Adroddiad Gwaith mewn Carchardai
Mae tîm Llywodraeth Cymru sy'n gyfrifol am waith mewn carchardai wedi llunio adroddiad ar rôl Cymru’n Gweithio mewn carchardai. Disgwylir cyhoeddi’r adroddiad ym mis Hydref.

Cam Gweithredu 4. Cynrychiolydd Llywodraeth Cymru i rannu’r ddolen i’r adroddiad ar rôl Cymru’n Gweithio mewn carchardai gydag aelodau'r bwrdd pan fydd ar gael. 

6.3 Holiadur Omnibws – Ymwybyddiaeth Brand
Canfu arolwg mewnol Llywodraeth Cymru ostyngiad mewn ymwybyddiaeth o'r brand "Cymru’n Gweithio", yn enwedig ymhlith pobl ifanc 16–24 oed. Nodwyd bod Llywodraeth Cymru wedi rhoi'r gorau i ariannu ymgyrchoedd eleni oherwydd pwysau cyllidebol, ond bod y rhai sy'n cael eu cynnal gan Gyrfa Cymru wedi parhau. Nid yw'r gostyngiad mewn ymwybyddiaeth wedi effeithio ar nifer y bobl sy'n defnyddio'r gwasanaeth, sy'n parhau i godi. Mae Llywodraeth Cymru yn ystyried argymhellion ar gyfer gwelliannau marchnata i godi ymwybyddiaeth.

7. Cynnydd Strategaeth Newydd

Rhoddodd y Prif Weithredydd ddiweddariad llafar ar y cynnydd wrth ddatblygu'r strategaeth newydd a thynnodd sylw aelodau'r bwrdd at bwyntiau allweddol a oedd yn cynnwys trafodaethau parhaus gyda'r Uwch Dîm Rheoli ar nodau, strwythur a phecynnau gwaith.

Rhannodd y Prif Weithredydd fewnwelediadau gydag aelodau'r bwrdd o ymchwil a gynhaliwyd gan Beaufort.

Nododd yr aelodau arolwg ysgol sy’n cael ei gynnal i ddeall blaenoriaethau gwasanaeth a'r awydd am wasanaethau digidol.

Tynnodd y Prif Weithredydd sylw at y ffaith y bydd papur strategaeth pellach gydag argymhellion yn cael ei gyflwyno i gyfarfod nesaf y bwrdd.

8. Enillion ar fuddsoddiad / gwerthusiad

Rhoddodd y Prif Weithredydd ddiweddariad llafar ar yr enillion ar fuddsoddiad (ROI) i aelodau'r bwrdd a phwysleisiodd bwysigrwydd dangos effaith y sefydliad.

Soniodd y Prif Weithredydd fod y person a gynhaliodd ddadansoddiad ROI ar gyfer Gyrfa Cymru yn flaenorol wedi cael ei gomisiynu i ddiweddaru ei waith, a chyfeiriodd at ganfyddiadau ROI blaenorol. Byddai'r canfyddiadau wedi'u diweddaru yn cael eu darparu i gyfarfod bwrdd yn y dyfodol unwaith y byddant ar gael.

Cam Gweithredu 5. Y Prif Weithredydd i rannu'r adroddiad ROI blaenorol gydag aelodau'r bwrdd.

Nododd aelodau'r bwrdd fod yr un unigolyn hefyd yn gweithio ar ddadansoddi'r cysylltiad rhwng perfformiad cynghorydd (fel y'i gwelwyd) ac enillion boddhad / cymhelliant cwsmeriaid.

Clywodd aelodau'r bwrdd fod Gyrfa Cymru yn parhau ag astudiaeth hydredol sy'n olrhain 400 o bobl ifanc. Tynnodd y Prif Weithredydd sylw at bwysigrwydd yr astudiaeth hon o ran dangos effaith hirdymor.

9. Cyfrifon Rheoli

Cyflwynodd y Cyfarwyddydd Adnoddau a Thrawsnewid y cyfrifon rheoli, gan gadarnhau eu bod wedi cael eu hadolygu a'u cymeradwyo gan y Pwyllgor Cyllid, Archwilio a Risg. Roedd y fersiwn a rannwyd gydag aelodau'r bwrdd yn cynnwys gwelliannau yn seiliedig ar adborth y pwyllgor.

Rhoddodd Cadeirydd y Pwyllgor Cyllid, Archwilio a Risg sicrwydd i aelodau'r bwrdd nad oes unrhyw faterion sy'n gofyn am sylw'r bwrdd.

10. Cydraddoldeb, Amrywiaeth a Chynhwysiant / gadael neb ar ôl

Rhoddodd y Cyfarwyddydd Cyflenwi Gwasanaethau ddiweddariad cynhwysfawr, gan ganolbwyntio ar gwsmeriaid, recriwtio a’r gweithlu.

Tynnodd y Cyfarwyddydd Cyflenwi Gwasanaethau sylw at y defnydd o'r dangosfwrdd Cydraddoldeb, Amrywiaeth a Chynhwysiant i fonitro cyfraddau treiddiad gwasanaeth ymhlith gwahanol gymunedau. Mae'r dangosfwrdd yn helpu i sicrhau gwasanaeth teg a nodi meysydd i'w gwella.

10.1 Cwsmeriaid
> Clywodd yr Aelodau fod menywod du, Asiaidd ac ethnig leiafrifol yn grŵp blaenoriaeth, yn unol â Chynllun Gweithredu Cymru Wrth-hiliol.

Amlinellodd y Cyfarwyddydd Cyflenwi Gwasanaethau amryw o fentrau hyfforddi, gan gynnwys hyfforddiant gwrth-hiliaeth gorfodol, hyfforddiant sipsiwn, Roma a theithwyr, a hyfforddiant ymarfer sy'n ystyriol o drawma. Nod y mentrau hyn yw gwella ymwybyddiaeth a chymhwysedd staff mewn materion Cydraddoldeb, Amrywiaeth a Chynhwysiant.

Mae'r polisi Cydraddoldeb, Amrywiaeth a Chynhwysiant wedi'i ddiweddaru a'i gyhoeddi.

Mae'r adroddiad terfynol yn erbyn y Cynllun Cydraddoldeb Strategol presennol wedi'i gymeradwyo gan yr Uwch Dîm Rheoli a'r Bwrdd. Mae’r gwaith o ddatblygu'r Cynllun Cydraddoldeb Strategol nesaf ar y gweill a bydd yn cynnwys ymgynghori â rhanddeiliaid mewnol ac allanol ochr yn ochr â strategaeth y cwmni ac asesiad o effaith strategaeth y cwmni ar gydraddoldeb yn y dyfodol.

Trafododd y Cyfarwyddydd Cyflenwi Gwasanaethau bartneriaethau gyda sefydliadau allanol, fel East, i gefnogi mentrau Cydraddoldeb, Amrywiaeth a Chynhwysiant a bydd yn trefnu mentora amrywiaeth a gwirfoddoli ar gyfer uwch arweinwyr. Nod y partneriaethau hyn yw ymwreiddio gwrth-hiliaeth mewn arweinwyr a datblygu cysylltiadau cymunedol cynaliadwy.

Rhannwyd blaenoriaethau ar gyfer gwella gydag aelodau'r bwrdd, gan gynnwys ffocws o'r newydd ar asesiadau o’r effaith ar gydraddoldeb, gyda hyfforddiant diweddar i reolwyr a chynlluniau i ymwreiddio asesiadau mewn arferion Adnoddau Dynol a chryfhau'r dangosfwrdd Cydraddoldeb, Amrywiaeth a Chynhwysiant.

10.2 Recriwtio
Cynghorwyd aelodau'r bwrdd y byddai adolygiad o arferion recriwtio yn cael ei gynnal dros y 18 mis nesaf, ac y byddai hyn yn cynnwys sicrhau bod arferion yn agored i ddenu cronfa dalent mor eang â phosibl.

10.3 Gweithlu
Mae data gweithlu presennol yn gyfyngedig o ran gwybodaeth am amrywiaeth ond mae cynlluniau ar waith i fynd i'r afael â hyn. Nodwyd bod y data presennol yn dangos cynrychiolaeth gref o fenywod mewn rolau uwch.

10.4 Cyfraniad y Bwrdd
Roedd y papur Cydraddoldeb, Amrywiaeth a Chynhwysiant yn gofyn pedwar cwestiwn i aelodau'r bwrdd a oedd yn canolbwyntio ar gysylltiadau â grwpiau cymunedol, argymhellion ac awgrymiadau.

Trafododd aelodau'r bwrdd bob cwestiwn a gofynnwyd iddynt fyfyrio gydag unrhyw sylwadau/cysylltiadau pellach ar y Cynllun Cydraddoldeb Strategol/Cydraddoldeb, Amrywiaeth a Chynhwysiant.

Cam Gweithredu 6. Aelodau'r Bwrdd i awgrymu cysylltiadau cymunedol a rhoi adborth ar y Cynllun Cydraddoldeb Strategol.

Cytunodd aelodau'r bwrdd ar adroddiadau cynnydd chwe mis, gyda ffocws ar fetrigau meintiol a newid diwylliannol, o bosibl gan ddefnyddio matrics aeddfedrwydd.

11. Adnoddau Dynol – Adroddiad Metrigau Blynyddol

Cyflwynodd y Cyfarwyddydd Adnoddau a Thrawsnewid fformat newydd yr adroddiad metrigau blynyddol Adnoddau Dynol, gan gadarnhau eu bod wedi cael eu rhannu a'u hadolygu gan y Pwyllgor Materion Pobl. Roedd y pwyntiau allweddol a nodwyd yn cynnwys Cydraddoldeb, Amrywiaeth a Chynhwysiant, absenoldeb salwch, recriwtio a data. Canmolodd yr aelodau y dull newydd o adrodd ar y metrigau hyn.

11.1 Cydraddoldeb, Amrywiaeth a Chynhwysiant
Clywodd aelodau'r bwrdd gynlluniau i ganolbwyntio ar wella amrywiaeth a chynhwysiant trwy ymgynghori â grwpiau mewnol ac allanol, gan gynnwys grwpiau cymunedol, i ddeall sut i gyrraedd poblogaethau heb gynrychiolaeth ddigonol yn well.

11.2 Absenoldeb Salwch
Cafodd aelodau'r bwrdd yr wybodaeth ddiweddaraf am y newidiadau sy'n cael eu treialu ar hyn o bryd i helpu i wella lefelau absenoldeb salwch ar draws y cwmni. Nododd aelodau'r bwrdd fod gostyngiad cyffredinol yn cael ei weld yn arbennig mewn perthynas â salwch tymor byr.

11.3 Recriwtio
Clywodd aelodau'r bwrdd fod adolygiad trylwyr o'r broses recriwtio wedi'i gynllunio.

11.4 Data
Nododd aelodau'r bwrdd oedi wrth gynhyrchu dangosfwrdd data gweithlu oherwydd problemau gyda’r system AD, ond mae hyn bellach bron wedi'i ddatrys a bydd ar gael yn fuan.

Rhoddodd y Cadeirydd gydnabyddiaeth a diolch i'r Rheolwr Adnoddau Dynol ar fformat newydd yr adroddiad.

Trafododd aelodau'r bwrdd yr adroddiad metrigau blynyddol a chodi cymwysterau a llwybrau mynediad i gyflogaeth. Trafododd yr aelodau y materion a godwyd.

12. C1. Y Pwyllgor Cyllid, Archwilio A Risg – Cofnodion (Drafft) –10 Mehefin 2025

Rhannwyd cofnodion y cyfarfod diwethaf ac amlinellodd y Cadeirydd bwyntiau allweddol y cyfarfod ar gyfer yr aelodau. 

Clywodd yr aelodau fod hyfforddiant ymwybyddiaeth seiber ar gyfer aelodau'r bwrdd yn cael ei drafod ac y bydd yn cael ei gynnig fel rhan o’r broses o sefydlu aelodau newydd, ac y bydd pob aelod yn cael diweddariadau gloywi rheolaidd o bryd i’w gilydd.

13. C1. Y Pwyllgor Perfformiad Ac Effaith – Cofnodion (Drafft) –  8 Gorffennaf 2025

Rhannwyd cofnodion y cyfarfod diwethaf a thynnwyd sylw at bwyntiau allweddol.

14. C1. Y Pwyllgor Materion Pobl – Cofnodion (Drafft) – 5 Mehefin 2025

Rhannwyd cofnodion y cyfarfod diwethaf, ac amlinellodd y Cadeirydd bwyntiau allweddol y cyfarfod ar gyfer yr aelodau.

15. Unrhyw Fater Arall

Ni nodwyd unrhyw fater arall.

Log Gweithredu

• Cam Gweithredu 1. Dosbarthu'r adroddiadau terfynol o bwyllgorau'r Senedd i aelodau'r Pwyllgor Perfformiad ac Effaith cyn gynted ag y byddant ar gael. Arweinydd NL/AF. Diweddariad i'w ddarparu, Cyn gynted â phosibl.
• Cam Gweithredu 2. Y Cadeirydd i ysgrifennu at yr holl weithwyr i ddiolch iddynt a chydnabod eu hymdrechion a'u cyflawniadau. Arweinydd EC. Diweddariad i'w ddarparu, Cyn gynted â phosibl.
• Cam Gweithredu 3. Cynrychiolydd Llywodraeth Cymru i rannu’r ddolen i adroddiad yr OECD gydag aelodau'r bwrdd unwaith y bydd ar gael. Arweinydd SE. Diweddariad i'w ddarparu, Cyn gynted â phosibl.
• Cam Gweithredu 4. Cynrychiolydd Llywodraeth Cymru i rannu’r ddolen i’r adroddiad ar rôl Cymru’n Gweithio mewn carchardai gydag aelodau'r bwrdd pan fydd ar gael. Arweinydd SE. Diweddariad i'w ddarparu, Hydref 2025
• Cam Gweithredu 5. Y Prif Weithredydd i rannu'r adroddiad ROI blaenorol gydag aelodau'r bwrdd. Arweinydd NL. Diweddariad i'w ddarparu, Cyn gynted â phosibl.
• Cam Gweithredu 6. Aelodau'r Bwrdd i awgrymu cysylltiadau cymunedol a rhoi adborth ar y Cynllun Cydraddoldeb Strategol. Arweinydd Pawb. Diweddariad i'w ddarparu, Cyn gynted â phosibl.

Dim camau gweithredu pellach wedi'u cofnodi

Dogfennau

Efallai y byddech hefyd yn hoffi