Os oes gan eich plentyn ychydig o syniadau gyrfa yn barod, mae hynny'n fan cychwyn da.
Beth i ganolbwyntio arno
Archwiliwch pam mae ganddyn nhw ddiddordeb yn y syniadau sydd ganddyn nhw. Ai diwydiant, rôl, math o waith neu weithle sy'n eu hysbrydoli nhw?
Bydd cael mwy o wybodaeth am swydd yn eu helpu nhw i benderfynu a yw'n rhywbeth y maent am ei wneud. Gallant ystyried a yw'n opsiwn realistig iddynt, unrhyw rwystrau a allai fodoli a sut y gallant eu goresgyn.
Os ydyn nhw'n darganfod mwy, a bod dal diddordeb gyda nhw, gallan nhw feddwl am yr hyn sydd angen iddyn nhw ei wneud nesaf i roi'r cyfle gorau iddyn nhw lwyddo.
Dechrau sgwrs
Dyma gwestiynau y gallech eu gofyn i ddechrau’r sgwrs:
- Beth hoffet ti ei wneud neu ei astudio nesaf?
- Ble wyt ti’n gobeithio y gallai hynny arwain?
- Pa swyddi neu feysydd wyt ti’n meddwl yr hoffet weithio ynddyn nhw?
- Beth wyt ti’n ei wybod am y swyddi hynny a ble ddes ti o hyd i'r wybodaeth honno?
- Beth fyddai angen i ti wybod am swydd i benderfynu os oes gennyt ddiddordeb yn y swydd honno?
Anogwch eich plentyn i feddwl am:
- Y galw yn y dyfodol am y swyddi y mae ganddynt ddiddordeb ynddynt
- Y gystadleuaeth i gael swydd y mae nhw'n meddwl y bydden nhw'n hoffi
- Lleoliad – ble mae'r cyfleoedd hynny? A fyddai angen symud neu deithio?
- Cyflog
- Patrwm gwaith - sut fyddai'ch plentyn yn teimlo am weithio gyda'r nos neu ar benwythnosau?
- Cymwysterau, sgiliau, a llwybrau i mewn i rôl - ydy'r rhain yn ymddangos yn realistig?
Offer i roi cynnig arni
Gwybodaeth am Swyddi
Defnyddiwch Gwybodaeth am Swyddi i gael mwy o wybodaeth am unrhyw swyddi y mae'ch plentyn yn eu hystyried. Cewch wybodaeth am:
- Sut i gael y swydd honno
- Y sgiliau a’r rhinweddau sydd eu hangen
- Pynciau perthnasol
- Swyddi cysylltiedig i’w harchwilio
Cwis Paru Gyrfa
Mae’r Cwis Paru Gyrfa yn cymryd tua 10 munud i'w gwblhau. Bydd yn cynnig rhestr o syniadau gyrfa sy'n gysylltiedig â sgiliau a diddordebau'ch plentyn. Dewch o hyd i syniadau gyrfa eich plentyn ar y rhestr. Oes yna rai eraill efallai nad ydyn nhw'n gyfarwydd â nhw yna gallwch chi'ch dau ddysgu mwy amdanyn nhw?
Swyddi Dyfodol Cymru
Defnyddiwch Swyddi Dyfodol Cymru i archwilio rhai o ddiwydiannau pwysicaf Cymru. Gallwch hefyd ddod o hyd i swyddi a gwybodaeth sgiliau yn ôl rhanbarth ac awdurdod lleol. Dysgwch pa swyddi sydd eu hangen nawr ac yn y dyfodol.
Efallai y byddech hefyd yn hoffi
Dysgwch beth yw gwaith cynghorydd gyrfa, y gwahanol ffyrdd rydyn ni'n cefnogi'ch plentyn a'r manylion sydd gennym amdanynt.
Cyfle i gael awgrymiadau i gefnogi'ch plentyn i wneud penderfyniadau gyrfa da.
Dysgwch sut i ddefnyddio gwybodaeth am y farchnad swyddi i gefnogi syniadau a phenderfyniadau gyrfa eich plentyn ar wahanol gyfnodau.