Mae gan fy mhlentyn syniadau gyrfa clir

Os oes gan eich plentyn syniadau clir am yr yrfa yr hoffai ddilyn, dyma ambell syniad i'w helpu i gyflawni eu huchelgais.

Beth i ganolbwyntio arno

Y camau nesaf a'r gofynion mynediad.

Ydyn nhw wedi gwirio a oes angen iddyn nhw wneud pynciau penodol, neu gyflawni graddau penodol, ar gyfer cyrsiau sydd o ddiddordeb iddyn nhw? A oes ganddyn nhw’r sgiliau a'r cymwysterau sydd eu hangen? A ydyn nhw'n debygol o fodloni unrhyw ofynion mynediad?

Dechrau sgwrs

Dyma gwestiynau y gallech ofyn i ddechrau sgwrs:

• Beth sy'n dy wneud yn gyffrous am yr yrfa hon?
• Wyt ti'n adnabod unrhyw un sy'n gwneud y swydd hon er mwyn i ti gael sgwrs gyda nhw am fwy o wybodaeth?
• Oes unrhyw beth a fyddai'n dy rwystro rhag cael y swydd fyddet ti’n dymuno’i chael? Beth?
• Ydy'r cyfleoedd yn lleol? Os na, ble mae nhw? Fyddet ti’n hapus i symud?
• Os nad yw pethau'n mynd yn ôl y bwriad, wyt ti wedi meddwl am unrhyw ddewisiadau eraill?

Offer i roi cynnig arni

Gwybodaeth am Swyddi

Defnyddiwch Gwybodaeth am Swyddi am wybodaeth fanwl am y swyddi mae'ch plentyn yn eu hystyried. Gallant ddod o hyd i’r:

• Cyflog a’r oriau gwaith
• Y cymwysterau, y sgiliau, a’r rhinweddau sydd eu hangen
• Y galw yn y dyfodol
• Cysylltiadau â ffynonellau gwybodaeth eraill ar gyfer y swydd neu'r diwydiant
• Gwefannau swyddi perthnasol

Defnyddiwch wefannau swyddi i archwilio swyddi sy'n cael eu hysbysebu nawr. Bydd hyn yn eu helpu nhw i ddod o hyd i’r cyflog presennol, y galw, a lleoliad y cyfleoedd. 

Gall ddangos y sgiliau a’r profiad y mae cyflogwyr yn chwilio amdano. Gall hyn helpu i adnabod meysydd datblygu os oes unrhyw fylchau.

Swyddi Dyfodol Cymru

Defnyddiwch Swyddi Dyfodol Cymru i archwilio rhai o ddiwydiannau pwysicaf Cymru. Gallwch hefyd ddod o hyd i swyddi a gwybodaeth sgiliau yn ôl rhanbarth ac awdurdod lleol. Dysgwch pa swyddi sydd eu hangen nawr ac yn y dyfodol.

Efallai y byddech hefyd yn hoffi