Aelodau Bwrdd Gyrfa Cymru

Penodwyd Erica Cassin yn Gadeirydd Bwrdd Gyrfa Cymru ym mis Chwefror 2022 ac mae wedi bod yn aelod o’r Bwrdd ers mis Medi 2020.

Mae ganddi dros 20 mlynedd o brofiad ym maes Adnoddau Dynol, gan gynnwys rolau fel Cyfarwyddwr Adnoddau Dynol ar gyfer cyflogwyr mawr yn y sector preifat yn sectorau gofal iechyd, fferyllol a gwasanaethau ariannol y DU.

Mae Erica yn fedrus wrth arwain newid a thrawsnewid sefydliadol, newid diwylliant, talent a datblygu arweinyddiaeth.

Mae wedi arwain a gweithio gyda thimau mawr, amrywiol, gan feithrin diwylliant o lawer o ymgysylltu, cynhwysiant, grymuso a chydweithredu.

Pan ofynnwyd iddi beth fyddai Erica yn hoffi i Gyrfa Cymru ei gyflawni, dywedodd:

Rwy'n angerddol dros symudedd cymdeithasol a galluogi pobl i gyrraedd eu llawn botensial - byddwn wrth fy modd i Gyrfa Cymru barhau i ysbrydoli, cynghori a grymuso pobl o bob sector o'n cymuned i fynd y tu hwnt i ffiniau canfyddedig a chyflawni eu potensial, yn enwedig y rheini o ardaloedd o amddifadedd, rhai difreintiedig, neu anos eu cyrraedd. Rydw i hefyd yn gobeithio y byddwn yn parhau i ganolbwyntio ar anghenion Cymru ffyniannus yn y dyfodol ac yn helpu pobl i feithrin y sgiliau a'r llwybrau gyrfa sydd eu hangen i ddiwallu'r anghenion hynny fel y gall busnesau yng Nghymru dyfu a ffynnu ar dalent gynhenid."

Cymwysterau

Mae cymwysterau Erica yn cynnwys:

• Cymrawd y Sefydliad Siartredig dros Bersonél a Datblygu
• Tystysgrif Ôl-raddedig mewn Hyfforddi Personol a Busnes
• Baglor mewn Gwyddoniaeth (BSc Anrhydedd) Economeg Ddiwydiannol

Rolau eraill

Rolau eraill Erica:

• Cyfarwyddwr Anweithredol - Awdurdod Porthladd Aberdaugleddau
• Mentor - Sefydliad Symudedd Cymdeithasol
• Ymddiriedolwr - Self Management UK Limited

Mae Andrew Clark wedi bod yn aelod o Fwrdd Gyrfa Cymru ers Awst 2021.

Cyfrifydd Siartredig yw Andrew Clark ac mae ganddo brofiad helaeth o weithio ar lefel bwrdd.

Mae ganddo hefyd brofiad o bolisi cyhoeddus a chyflawni gweithredol yn ymwneud ag addysg, hyfforddiant a sgiliau oedolion yng Nghymru.

Pan ofynnwyd iddo beth fyddai Andrew yn hoffi i Gyrfa Cymru ei gyflawni, dywedodd:

Darparu cyngor gyrfaol cyfredol a pherthnasol i unrhyw un yng Nghymru sydd angen y cymorth hwnnw."

Cymwysterau

Cymwysterau Andrew Clark yw:

• Cymrawd Sefydliad Cyfrifwyr Siartredig Cymru a Lloegr

Rolau eraill

Rolau eraill Andrew Clark:

• Llywodraethwr Coleg Gwent

Mae Azza Ali wedi bod yn aelod o Fwrdd Gyrfa Cymru ers Mehefin 2024.

Mae Azza Ali yn dod â bron i ddau ddegawd o brofiad arwain mewn gwasanaethau cwsmeriaid a rheoli tîm, yn enwedig mewn amrywiaeth a chynhwysiant. Mae ei gyrfa yn rhychwantu rolau yn y sectorau cyhoeddus a phreifat. 

Trwy ei rolau amrywiol, mae Azza wedi dangos ei gallu i lywio amgylcheddau cymhleth a sbarduno newid ystyrlon.

Ar hyn o bryd, mae’n Gydlynydd Cydraddoldeb, Amrywiaeth a Chynhwysiant yn Heddlu De Cymru, lle mae’n datblygu ac yn cynghori ar bolisïau i gefnogi’r sefydliad i ailadeiladu ymddiriedaeth a hyder mewn plismona.

Mae Azza yn eiriolwr amrywiaeth gweithgar, ar ôl sefydlu pwyllgor Amrywiaeth a Chynhwysiant cyntaf Legal & General a gweithio gydag OXFAM CYMRU a Busnes yn y Gymuned. Mae hi wedi cael ei chydnabod am ei chyfraniadau gydag enwebiadau ar gyfer rhestr Arweinwyr y Dyfodol Lleiafrifoedd Ethnig EMpower a gwobrau amrywiaeth amrywiol.

Cymwysterau

Dyma gymwysterau Azza:

• Ymarferydd Rheoli Newid Ebrill 2023
• Diploma Lefel 5 mewn Arweinyddiaeth a Rheolaeth, Hyfforddiant TSW (Tachwedd 2021)
• Cymwysterau Cyfathrebu ac Atebion y Sefydliad Gwasanaethau Cwsmeriaid
• Cymwysterau Gweinyddu Buddsoddiadau
• MBA, Prifysgol Cymru, Ysgol Busnes Caerdydd
• BSc Anrhydedd mewn Peirianneg Amaethyddol, Prifysgol Khartoum

Rolau eraill

Mae Azza wedi bod yn Gydlynydd Cydraddoldeb, Amrywiaeth a Chynhwysiant yn Heddlu De Cymru ers mis Awst 2023. Yn y rôl hon, mae Azza yn datblygu ac yn hyrwyddo polisïau i wella darpariaeth gwasanaethau ac ymgysylltu â rhanddeiliaid.

Bu Azza yn gweithio fel Cynghorydd Gyrfa dan Hyfforddiant gyda Gyrfa Cymru rhwng Mai 2022 a Gorffennaf 2023. Rhoddodd arweiniad ac eiriolaeth, gan rymuso unigolion yn eu penderfyniadau gyrfa.

Cyn hyn, bu Azza yn gweithio i Legal and General fel Rheolydd Gwasanaethau Buddsoddiadau. Hi fu'n rheoli timau, gan ysgogi gwelliannau i brosesau a datblygiad gweithwyr.

Mae Hayley Jacobs wedi bod yn aelod o Fwrdd Gyrfa Cymru ers mis Tachwedd 2025.

Mae Hayley yn arweinydd addysg a gweithredol profiadol.

Hayley yw'r Arweinydd ar gyfer Ysgolion sy'n Canolbwyntio ar y Gymuned yn Rhondda Cynon Taf. Mae hi'n datblygu mentrau sy'n cryfhau cydweithio rhwng ysgolion, teuluoedd a chymunedau.

Cyn hyn, roedd Hayley’n gweithio ym maes iechyd a gofal cymdeithasol lle bu’n rheoli nifer o ganghennau a pherfformiadau rhanbarthol. Ym myd addysg, gwasanaethodd fel Rheolydd Gwella Presenoldeb ac Arweinydd Gyrfa gan ennill cydnabyddiaeth yn genedlaethol fel Arweinydd Gyrfa y Flwyddyn yn y DU yn 2021.

Mae Hayley hefyd wedi cyfrannu at ganllawiau statudol Llywodraeth Cymru fel aelod o'r gweithgor ymarferyddion ar Yrfaoedd a phrofiadau cysylltiedig â gwaith (GPCG).

Mae Hayley yn dod â sgiliau arweinyddiaeth, llywodraethu a phartneriaeth i'r Bwrdd. Mae hi wedi ymrwymo i sicrhau bod Gyrfa Cymru yn cysylltu ysgolion, cyflogwyr a chymunedau er mwyn gwella cyfleoedd a chanlyniadau i bobl ledled Cymru.

Pan ofynnwyd iddi beth fyddai Hayley yn hoffi i Gyrfa Cymru ei gyflawni, dywedodd:

Rwyf am i Gyrfa Cymru ysbrydoli hyder ac uchelgais ym mhob person, gan sicrhau y gallan nhw gael mynediad at gyngor a chyfleoedd o ansawdd uchel i gyflawni eu potensial yn llawn"

Rolau eraill

Rolau eraill Hayley:

• Arweinydd Ysgolion sy'n Canolbwyntio ar y Gymuned – Rhondda Cynon Taf
• Cadeirydd y Llywodraethwyr – Ysgol Bro Taf, Rhondda Cynon Taf
• Llywodraethwr Cymunedol – Ysgol Gyfun Bryn Celynnog, Rhondda Cynon Taf

Mae Helen White wedi bod yn aelod o Fwrdd Gyrfa Cymru ers Ebrill 2021.

Mae’n Brif Weithredwr Cymdeithas Tai Taf ac mae ganddi gefndir cryf ym maes tai.

Arbenigedd Helen yw arweinyddiaeth strategol ar lefelau gweithredol ac anweithredol, yn y sectorau preifat a chyhoeddus.

Mae ganddi hefyd brofiad eang o fod yn aelod o fwrdd gydag amrywiaeth o sefydliadau a chwmnïau. Mae Helen yn rhugl yn y Cymraeg.

Pan ofynnwyd iddi beth fyddai Helen yn hoffi i Gyrfa Cymru ei gyflawni, dywedodd:

Cefnogi pobl ledled Cymru i gyflawni eu huchelgeisiau."

Cymwysterau

Cymwysterau Helen White yw:

• Baglor yn y Celfyddydau (BA)
• Aelod o'r Sefydliad Tai Siartredig (DU)

Rolau eraill 

Rolau eraill Helen White:

• Prif Weithredwr Tai Taf
• Aelod o Fwrdd TPAS Cymru
• Aelod o Fwrdd Tec Quality
• Aelod o Fwrdd CGGC

Mae Joni Ayn Alexander wedi bod yn Aelod o Fwrdd Gyrfa Cymru ers Ionawr 2023.

Joni yw'r cyfarwyddwr cynorthwyol ar gyfer aelodaeth yn Advance HE. Mae Advance HE yn elusen fyd-eang sydd wedi'i lleoli yn y DU sy'n cefnogi addysg uwch i fod y gorau y gall fod. Mae ganddi gefndir cryf mewn addysg drydyddol a'r cyfryngau.

Mae sgiliau Joni yn cynnwys arwain newid strategol a chyfathrebu mewn rolau gweithredol ac anweithredol. Mae ganddi brofiad amrywiol o weithio ar lefel bwrdd.

Mae Joni'n canolbwyntio ar ddatblygu pobl a sefydliadau sy'n addas ar gyfer cenedlaethau'r dyfodol. Dyma'i denodd hi i Gyrfa Cymru.

Pan ofynnwyd beth fyddai Joni yn hoffi i Gyrfa Cymru ei gyflawni, dywedodd:

Trwy gefnogaeth gynhwysol ac arloesol, rydw i eisiau gweld Gyrfa Cymru ar y cyd yn codi uchelgeisiau, galluoedd a chyfleoedd i bobl Cymru.”

Cymwysterau

Mae cymwysterau Joni yn cynnwys:

• Baglor yn y Celfyddydau mewn Newyddiaduraeth
• Meistr yn y Celfyddydau mewn Newyddiaduraeth Ryngwladol
• Aelod o'r Sefydliad Siartredig Cysylltiadau Cyhoeddus

Mae Nan Williams wedi bod yn aelod o Fwrdd Gyrfa Cymru ers mis Medi 2025.

Mae Nan yn entrepreneur, yn arweinydd busnes rhyngwladol, ac yn gyfarwyddydd anweithredol. Mae ei gyrfa wedi ymestyn dros bedair degawd.

Hi yw sylfaenydd a Phrif Weithredydd y Grŵp Four Agency Worldwide. Mae hwn yn grŵp gwasanaethau marchnata annibynnol gwerth £70+ miliwn gyda swyddfeydd yng Nghymru, Llundain, Sheffield, a'r Dwyrain Canol.

Wedi'i geni yn Ynys Môn a'i magu yn Llanidloes, mae Nan bellach yn byw yn Llundain a Chaerdydd. Mae hi'n cyfuno ei gyrfa fusnes â rolau llywodraethu, economaidd a diwylliannol yng Nghymru.

Mae ei gwaith sydd wedi ei hysbrydoli i hyrwyddo datblygiad gyrfa ac uchelgais yng Nghymru yn cynnwys:

• 'Brain drain' Cymru (GlobalWelsh)
• Addysg (Prifysgol Abertawe)
• Hyrwyddo twf busnes dan arweiniad lleiafrifoedd (Ffocws Cyllid)

Mae hi hefyd yn arbenigwr ym mhŵer economaidd deallusrwydd artiffisial cyfrifol i gyflymu cyfleoedd gyrfa a llwyddiant economaidd.

Mae hi'n siaradwr Cymraeg gydag ymrwymiad dwfn i ehangu cyfleoedd i bobl ifanc, gwella llwybrau sgiliau a harneisio arloesedd er budd Cymru.

Y tu allan i’r gwaith, mae hi'n angerddol am y celfyddydau, hanes Cymru, a rygbi Cymru. Ac mae ei chi bach Cymreig direidus, yn ei chadw ar ei thraed.

Pan ofynnwyd iddi beth fyddai Nan yn hoffi i Gyrfa Cymru ei gyflawni, dywedodd:

Mae cyfleoedd gyrfa yng Nghymru ar drobwynt mor gyffrous. Mae twf Diwydiannau'r dyfodol ledled Cymru, y cyfleoedd a gynigir gan AI i gyflymu sgiliau, a hanes hir o waith caled yn rhoi cyfleoedd gwych i bobl Cymru o bob oed."

Cymwysterau

Cymwysterau Nan yw:

• MA, Ieithoedd Modern a Hanes Celf, Prifysgol Caergrawnt
• MBA, Ysgol Reolaeth Cranfield

Rolau eraill

Rolau eraill Nan:

• Dirprwy Ganghellor Prifysgol Abertawe
• Cadeirydd GlobalWelsh
• Aelod o'r Bwrdd, Canolfan Mileniwm Cymru
• Aelod o’r Bwrdd, Opera Cenedlaethol Cymru
• Aelod o'r Cyngor, Cyngor Celfyddydau Cymru
• Llywydd Canolfan Gymraeg Llundain
• Prif Swyddog Gweithredol y Grŵp Four Agency Worldwide

Mae Natalie Richards wedi bod yn aelod o Fwrdd Gyrfa Cymru ers Mehefin 2024.

Ar hyn o bryd mae Natalie yn Bennaeth ysgol Uwchradd fawr. Cyn hynny bu’n gweithio fel Uwch Arweinydd sy'n gwasanaethu ar draws dwy Ysgol yn Nhrelái, yng Nghaerdydd, rhwng 2016 a 2022. Mae Natalie hefyd wedi bod yn Athrawes Ddrama.

Pan ofynnwyd iddi beth fyddai Natalie yn hoffi i Gyrfa Cymru ei gyflawni, dywedodd:

Rwyf am i Gyrfa Cymru ddod ag uchelgais a ffyniant i bawb, waeth beth fo'u hoedran, ethnigrwydd neu gefndir cymdeithasol."

Cymwysterau

Cymwysterau Natalie yw:

• BA Anrhydedd Drama Theatr a'r Cyfryngau
• TAR Drama gyda Saesneg
• MA Addysg – Arweinyddiaeth a Rheolaeth
• NPQH

Daeth Rhian Roberts yn aelod Cyfetholedig ym mis Mehefin 2024 ac yna'n aelod llawn o’r Fwrdd Gyrfa Cymru ym mis Ngorffennaf 2024.

Mae Rhian wedi bod yn gweithio ym maes Adnoddau Dynol (AD) ers dros 23 mlynedd ac mae ganddi brofiad o ddarparu arweinyddiaeth AD yn y sectorau preifat, cyhoeddus a dielw. Mae hi wedi gweithio'n llwyddiannus gydag uwch arweinwyr i sicrhau bod yr agenda pobl yn flaenoriaeth allweddol mewn prosesau gwneud penderfyniadau.

Mae gan Rhain brofiad o lunio, arwain a gweithredu strategaethau pobl a rhaglenni gwella yn unol ag amcanion sefydliadol.

Pan ofynnwyd iddi beth fyddai Rhian yn hoffi i Gyrfa Cymru ei gyflawni, dywedodd:

Annog a chefnogi pobl i archwilio cyfleoedd dysgu a chyflogaeth. Eu herio o ran tybiaethau anghywir a ganfyddir weithiau ganddynt am eu potensial personol"

Cymwysterau

Cymwysterau Rhian yw:

• MSc Rheoli Adnoddau Dynol
• BA (Anrh) Hanes a Chymdeithaseg
• Aelod Siartredig o'r Sefydliad Personél a Datblygu

Mae Richard Thomas wedi bod yn aelod o Fwrdd Gyrfa Cymru ers mis Chwefror 2020 ac mae hefyd yn aelod o'r Pwyllgor Cyllid, Archwilio a Risg.

Yn dilyn deng mlynedd yn gweithio fel peiriannydd a rheolwr ym maes gweithgynhyrchu, ymgymerodd Richard â gyrfa mewn addysg ac mae wedi gweithio mewn nifer o brifysgolion a cholegau yng Nghymru a Lloegr, mewn rolau sy’n amrywio o Ddarlithydd i Is-Ganghellor Cynorthwyol.

Mae ganddo ddiddordeb arbennig yn y berthynas rhwng sefydliadau addysgol a chyflogwyr, addysg STEM (Gwyddoniaeth, Technoleg, Peirianneg a Mathemateg), goblygiadau gyrfa a sgiliau Diwydiant 4.0 ac yn y rôl y mae addysg yn ei chwarae ym maes datblygu economaidd.

Pan ofynnwyd iddo beth fyddai Richard yn hoffi i Gyrfa Cymru ei gyflawni, dywedodd:

Hoffwn i Gyrfa Cymru ddarparu cyfleoedd ystyrlon ar gyfer arweiniad gyrfaoedd i bobl Cymru - p'un a ydyn nhw’n ifanc neu'n hŷn, p'un a nhw eto i ddechrau gweithio neu'n symud i gyfnod gwahanol o'u bywyd gwaith - gydag effaith gadarnhaol ar fywydau unigolion ac economi Cymru gyfan."

Cymwysterau

Cymwysterau Richard Thomas yw:

• Baglor yn y Celfyddydau (BA)
• Baglor mewn Peirianneg (BEng)
• Athro mewn Gwyddoniaeth (MSc)

Mae Rokib Uddin wedi bod yn aelod o Fwrdd Gyrfa Cymru ers Mehefin 2024.

Mae Rokib yn Syrfëwr Siartredig.

Ar hyn o bryd, ef yw Pennaeth Eiddo Masnachol Grŵp Beacon Cymru, lle mae'n goruchwylio portffolio masnachol y sefydliad ac yn cefnogi gweithgareddau eiddo strategol ehangach.

Pan ofynnwyd iddo beth fyddai Rokib yn hoffi i Gyrfa Cymru ei gyflawni, dywedodd:

Sicrhau bod cwsmeriaid o grwpiau cymunedol anodd eu cyrraedd yn ymwybodol o'r cymorth a'r gefnogaeth sydd ar gael iddynt."

Cymwysterau

Cymwysterau Rokib yw:

• LLB (Anrh) y Gyfraith
• Aelod o Sefydliad Brenhinol y Syrfëydd Siartredig

Mae Sarah Last wedi bod yn aelod o Fwrdd Gyrfa Cymru ers mis Ionawr 2026.

Sarah yw Pennaeth Adnoddau Dynol BBC Cymru Wales. Mae hi'n aelod o dîm gweithredol BBC Cymru ac yn gyfrifol am arwain y strategaeth bobl a gweithio mewn partneriaeth ag uwch arweinwyr i gyfrannu at gyfeiriad strategol y busnes yn y dyfodol. Mae ei meysydd arbenigedd yn cynnwys dylunio sefydliadol, newid a thrawsnewid a datblygu arweinyddiaeth.

Mae gan Sarah brofiad hefyd o weithio yn y timau Gyrfaoedd ym Mhrifysgol De Cymru a Choleg Cerdd Brenhinol Cymru, lle bu'n cefnogi myfyrwyr i sicrhau lleoliadau gwaith. Mae ganddi gefndir cryf mewn recriwtio hefyd, ar ôl gweithio mewn lleoliadau mewnol ac asiantaethol.

Yn wreiddiol o Bort Talbot, mynychodd Sarah Ysgol Gyfun Sandfields. Wedi'i sbarduno gan angerdd i ddysgu'r Gymraeg, aeth ymlaen i astudio'r Gymraeg ym Mhrifysgol Abertawe, gan ddod yn siaradwr Cymraeg rhugl. Yn 2013, enillodd ei chymhwyster Sefydliad Siartredig Datblygiad Proffesiynol (CIPD) ym Mhrifysgol Morgannwg.

Yn hyfforddwr trwyddedig, mae Sarah hefyd yn aelod gwirfoddol o Bwyllgor Pobl a Chydnabyddiaeth Ariannol Cyngor Gweithredu Gwirfoddol Cymru (WCVA).

Pan ofynnwyd iddi beth fyddai Sarah yn hoffi i Gyrfa Cymru ei gyflawni, dywedodd:

Rwy'n gyffrous iawn i ymuno â Gyrfa Cymru. Yr hyn sy'n fy nghymell i yw sicrhau bod pawb, beth bynnag fo'u cefndir, yn gallu cael mynediad at gymorth gyrfa gynhwysol, amserol a phersonol sy'n helpu i lunio’u dyfodol. Mae Cymru’n bwysig iawn i fi, ac rwy eisiau gweld ei phobl a'i heconomi'n ffynnu. Rwyf bob amser wedi bod yn angerddol am helpu eraill i dyfu ac am sicrhau bod cyfleoedd ar gael i bawb. Yn y rôl hon, rwyf am gefnogi Gyrfa Cymru i barhau i wneud gwahaniaeth go iawn i fywydau pobl. Wrth i'r byd gwaith esblygu a'r farchnad lafur newid, rwy wedi ymrwymo i helpu i sicrhau ein bod yn meithrin gweithlu addas yn y dyfodol sy'n barod i gwrdd â'r heriau a'r cyfleoedd sydd o'n blaenau."

Cymwysterau

Cymwysterau Sarah yw:

• Meistr Gwyddoniaeth, Rheoli Adnoddau Dynol
• Baglor yn y Celfyddydau (BA), Cymraeg
• Diploma Lefel 5 mewn Hyfforddi Proffesiynol 

Rolau eraill

Rolau eraill Sarah yw:

• Aelod gwirfoddol o Bwyllgor Pobl a Chydnabyddiaeth Ariannol Cyngor Gweithredu Gwirfoddol Cymru (WCVA)

Mae Tony Smith wedi bod yn aelod o Fwrdd Gyrfa Cymru ers Medi 2021.

Mae Tony yn gyfrifydd cymwysedig ac yn y gorffennol bu mewn nifer o swyddi uwch ym maes cyllid, risg ac archwilio gan ddarparu cydymffurfiaeth fasnachol, ariannol a rheoleiddiol ar draws gwasanaethau manwerthu ac ariannol.

Ar hyn o bryd ef yw Cyfarwyddwr Cyllid Cymoedd i’r Arfordir.

Pan ofynnwyd iddo beth fyddai Tony yn hoffi i Gyrfa Cymru ei gyflawni, dywedodd:

Cael y rhai sydd eisiau gweithio i mewn i waith."

Cymwysterau

Cymwysterau Tony Smith yw:

• LLB (Anrhydedd)
• ACMA
• GCMA

Mae Vivienne Laing wedi bod yn aelod o Fwrdd Gyrfa Cymru ers mis Chwefror 2025.

Mae gan Vivienne Laing brofiad helaeth o weithio yn y trydydd sector ym maes polisi, cyfathrebu a materion cyhoeddus. Mae hi wedi canolbwyntio ar eirioli dros blant a phobl ifanc a'u cefnogi i wireddu eu hawliau a gwella eu hansawdd bywyd a'u canlyniadau. Mae'r profiad hwn yn cael ei ategu gan yrfa gychwynnol o weithio ym meysydd addysgu, addysg bellach, partneriaethau a chynllunio strategol ar y cyd.

Pan ofynnwyd iddi beth fyddai Vivienne yn hoffi i Gyrfa Cymru ei gyflawni, dywedodd:

Hoffwn i weld fod pob disgybl ysgol, y rhai sy'n gadael yr ysgol ac oedolion yng Nghymru yn gallu cael mynediad at gyngor a chymorth gyrfaoedd rhagorol sy'n eu hysbrydoli ac yn eu galluogi i gael gyrfaoedd boddhaus."

Cymwysterau

Cymwysterau Vivienne yw:

• Gradd Baglor mewn Gwyddoniaeth gydag Anrhydedd
• Tystysgrifau TAR mewn Cyfle Cyfartal a Gwasanaethau Plant

Rolau eraill

Rolau eraill Vivienne:

• Ymddiriedolwr Gwenynwyr Gwent
• Llywodraethwr Ysgol Gynradd Lodge Hill Caerllion