Datganiad Hygyrchedd

Mae'r datganiad hygyrchedd hwn yn berthnasol i gyrfacymru.llyw.cymru, a microwefannau a rhaglenni a reolir gan Gyrfa Cymru.

Nid yw'r datganiad hygyrchedd hwn yn cynnwys gwefan Cymru'n Gweithio sydd hefyd yn cael ei rheoli gan Gyrfa Cymru. Mae gan barth cymrungweithio.llyw.cymru ei ddatganiad hygyrchedd ei hun.

Gyrfa Cymru sy'n rheoli gwefan Gyrfa Cymru. Rydyn ni eisiau i gynifer o bobl â phosibl allu defnyddio'r wefan hon. Er enghraifft, mae hynny'n golygu y dylech chi allu:

Llywio rhan fwyaf o'r wefan gan ddefnyddio bysellfwrdd yn unig
Chwyddo’r testun hyd at 300% heb i’r testun ddiflannu oddi ar y sgrin
Gwrando ar y rhan fwyaf o'r wefan gan ddefnyddio rhaglen darllen sgrin
Llywio rhan fwyaf o'r wefan gan ddefnyddio meddalwedd adnabod llais
Newid lliwiau, lefelau cyferbyniad a ffontiau

Er mwyn sicrhau bod hyn yn bosibl, rydyn ni’n ymgysylltu â chwmnïau hygyrchedd allanol i sicrhau bod y gofynion sylfaenol uchod yn cael eu bodloni.

Rydyn ni hefyd wedi gwneud testun y wefan mor hawdd â phosibl i'w ddeall.

Mae cyngor ar AbilityNet (Saesneg yn unig) ar sut i wneud eich dyfais yn haws i'w defnyddio os oes gennych chi anabledd.

Pa mor hygyrch yw'r wefan hon

Nid yw rhai rhannau o wefan Gyrfa Cymru yn gwbl hygyrch. Er enghraifft:

Nid yw'r botwm Rhannu'r dudalen hon yn dangos a yw wedi'i ehangu neu wedi'i leihau
Nid yw'r feddalwedd darllen sgrin yn cyhoeddi canlyniadau wedi'u diweddaru ar ôl dewis hidlo’r botymau chwilio
Nid yw'r troedyn wedi'i dagio'n gywir
Nid yw pob botwm yn ymddangos fel un gweithredol wrth glicio arno
Os yw dewislen wedi'i hehangu, wrth ddefnyddio'r allwedd tab nid yw ffocws y llywio wedi'i ddal
Nid yw negeseuon gwall a llwyddiant bob amser yn cael eu cyhoeddi ar feddalwedd darllen sgrin
Nid yw lleiafrif o PDFs yn gwbl hygyrch i feddalwedd darllen sgrin
Efallai nad oes modd i bobl sy’n defnyddio bysellfwrdd a darllenwyr sgrin ddefnyddio ein map Dod o hyd i ni

Mae Gyrfa Cymru yn defnyddio rhaglen trydydd parti o'r enw Livechat ar gyfer gwasanaethau sgwrs ar-lein. Mae sgwrsio byw yn cydymffurfio â safon WCAG 2.2 AA. Ewch i Livechat (Saesneg yn unig) am fwy o wybodaeth.

Adborth a gwybodaeth gyswllt

Os oes angen gwybodaeth arnoch chi am y wefan hon mewn fformat gwahanol, er enghraifft, PDF hygyrch, print bras, hawdd ei ddarllen, recordiad sain neu braille cysylltwch â ni:

E-bost post@gyrfacymru.llyw.cymru
Ffôn 0800 028 4844
Sgwrs Ar-lein
Drwy'r post: Rheolydd Cynnwys y We, Canolfan Gyrfa Caerdydd, Uned 4, Tŷ Churchill, 17 Ffordd Churchill, Caerdydd, CF10 2HH

Byddwn yn ystyried eich cais ac yn cysylltu â chi o fewn 2 ddiwrnod gwaith.

Os na allwch weld y map, ffoniwch ni ar 0800 028 4844 neu anfonwch e-bost atom ar post@gyrfacymru.llyw.cymru a byddwn yn rhoi cyfarwyddiadau i chi. Mae testun amgen i Ganolfannau Gyrfa a ddangosir ar y map ar gael ar Ein Canolfannau.

Os na allwch ddefnyddio Sgwrs Ar-lein, ffoniwch ni ar 0800 028 4844 neu anfonwch e-bost atom yn post@gyrfacymru.llyw.cymru.

Ymweld â ni yn bersonol

Mae gan Ganolfannau Gyrfa ddolenni sain, neu os byddwch yn cysylltu â ni cyn i chi alw draw, gallwn ni drefnu dehonglydd Iaith Arwyddo Prydain (BSL). Mae ein staff hefyd yn gweithio o amrywiaeth o leoliadau allgymorth. Bydd cyfleusterau'r lleoliadau hyn yn amrywio ac efallai na fydd dolenni sain yno.

Rhoi gwybod am broblemau hygyrchedd gyda'r wefan hon

Rydyn ni eisiau parhau i wella hygyrchedd y wefan hon. Os byddwch yn dod o hyd i unrhyw broblemau nad ydyn nhw wedi'u rhestru ar y dudalen hon, cysylltwch â:

Rheolydd Cynnwys y We, e-bost: gwybodaeth@gyrfacymru.llyw.cymru

Gweithdrefn orfodi

Mae'r Comisiwn Cydraddoldeb a Hawliau Dynol yn gyfrifol am orfodi Rheoliadau Hygyrchedd Cyrff y Sector Cyhoeddus (Gwefannau a Rhaglenni ar gyfer Ffonau Symudol) (Rhif 2) 2018. Os nad ydych yn hapus â'r ffordd rydym yn ymateb i'ch cwyn, cysylltwch â'r Gwasanaeth Cynghori a Chefnogi Cydraddoldeb (EASS) (Saesneg yn unig).

Gwybodaeth dechnegol am hygyrchedd y wefan hon

Mae Gyrfa Cymru wedi ymrwymo i wneud ei wefannau yn hygyrch yn unol â Rheoliadau Hygyrchedd Cyrff y Sector Cyhoeddus (Gwefannau a Rhaglenni Ffonau Symudol) (Rhif 2) 2018.

Statws cydymffurfio

Mae'r wefan hon yn cydymffurfio'n rhannol â safon AA y Canllawiau Hygyrchedd Cynnwys y We fersiwn 2.2 (Saesneg yn unig) oherwydd y diffyg cydymffurfio a restrir isod.

Cynnwys nad yw'n hygyrch

Nid yw'r cynnwys a restrir isod yn hygyrch am y rhesymau canlynol.

Ddim yn cydymffurfio â'r rheoliadau hygyrchedd

PDFs a dogfennau eraill

Nid yw'r PDFs canlynol yn bodloni safonau hygyrchedd:

Pecyn cymorth addysg gyrfaoedd a phrofiadau sy’n gysylltiedig â byd gwaith
Pecyn adnoddau Addysg gyrfaoedd a phrofiadau sy’n gysylltiedig â byd gwaith

Mae’r dogfennau PDF yma’n hanfodol i ddarparu ein gwasanaethau. Maen nhw’n cael eu darparu gan drydydd parti ac nid yw Gyrfa Cymru’n gallu eu golygu. Nid yw rhywfaint o'r testun amgen wedi'i ysgrifennu'n llawn ac mae rhai penawdau'n anghywir. Efallai na fyddan nhw wedi'u strwythuro i fod yn hygyrch i raglen darllen sgrin. Nid yw hyn yn bodloni meini prawf llwyddiant WCAG 2.2 4.1.2 (Enw, gwerth rôl).

Os oes angen i chi gyrchu gwybodaeth yn un o'r dogfennau hyn, cysylltwch â ni a gofynnwch am fformat gwahanol.

Mapiau

Map lleoliad

Mae ein tudalen Cysylltu â Ni yn darparu map rhyngweithiol (Google) i'ch helpu i ddod o hyd i'n canolfannau a'n lleoliadau allgymorth. Pan fydd defnyddiwr yn tabio ar draws elfennau ar y map, nid oes cyhoeddiad gan y feddalwedd darllen sgrin bod marciwr map wedi'i ddewis.

Rydyn ni wedi darparu fersiwn testun amgen yn rhestru ein canolfannau. Rydyn yn gweithio ar ffordd o wneud y map yn hygyrch neu, os nad yw'n bosibl, ffordd arall o restru ein lleoliadau allgymorth.

Map Chwilio am Brentisiaethau

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Ar ôl dewis y botymau poethfan nid yw'r ffocws yn trapio o fewn y ddeialog
Nid yw'r botymau llywio wedi'u labelu'n gywir
Nid yw'r botymau poethfan wedi'u labelu nac yn cael eu darllen

Disgwylir i'r gwaith datblygu ar Map Chwilio am Brentisiaethau ddechrau yn haf 2025.

Microwefan recriwtio Gyrfa Cymru

Mae microwefan recriwtio Gyrfa Cymru wedi'i asesu ac mae'n methu yn erbyn nifer o feini prawf WCAG 2.2 Lefel A a lefel AA. I gael manylion llawn am sut mae'n methu, cysylltwch ag Ymholiadau AD.

Os na allwch chi ddefnyddio'r system a hoffech wneud cais am swydd wag a hysbysebir, anfonwch e-bost at Ymholiadau AD am ffordd arall o wneud cais.

Rydym wedi hysbysu'r darparwr trydydd parti a ddatblygodd y microwefan recriwtio ac rydym yn aros am ymateb ar sut i ymdrin â'r materion a nodwyd.

Materion cyffredinol

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Nid yw botymau'n ymddangos fel rhai gweithredol pan gânt eu pwyso
Nid yw'r botwm Rhannu'r dudalen hon yn dangos a yw wedi'i ehangu neu wedi'i leihau
Os yw'r ddewislen wedi'i hehangu, nid yw ffocws y llywio wedi'i ddal
Nid yw meddalwedd darllen sgrin yn cyhoeddi canlyniadau wedi'u diweddaru wrth ddiweddaru chwiliadau hidlo
Nid yw'r troedynnau wedi'u tagio'n gywir

Mae'r materion uchod wedi'u datrys mewn rhai meysydd o'r wefan. Bydd meysydd eraill yn cael eu datrys erbyn hydref 2025.

Cwis Buzz

Mae'r gymhareb cyferbyniad lliw yn methu ar gyfer y testun o dan y ddolen yn ôl a’r ddolen nesaf. Bydd yr ateb ar gyfer y broblem hon yn cael ei ryddhau erbyn hydref 2025.

Cwis Paru Gyrfa

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Nid yw ffocws y meddalwedd darllen sgrin yn aros ar y dolenni ehangu a lleihau ar ôl clicio arnyn nhw
Wrth lywio ar y tabiau, mae'r ffocws yn symud i frig y dudalen yn hytrach nag yn aros ar yr un tab
Ar ôl clirio'r hidlwyr, mae angen neges ar y meddalwedd darllen sgrin yn cyhoeddi bod yr hidlwyr wedi'u clirio
Nid oes gan y botwm graddio eich sgiliau rôl gywir y botwm

Mae gwaith datblygu i ddatrys y problemau hyn wedi dechrau a disgwylir iddo gael ei gwblhau yn hydref 2025.

Cwis Syniadau Swyddi

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Nid yw'r ffocws yn symud yn ôl i'r botwm Rhowch gynnig ar y cwis ar ôl dewis y botwm cau
Nid yw'r ffocws yn symud yn ôl i destun y cwestiwn sydd â'r gwall ar ôl dewis y dolenni gwall

Mae gwaith datblygu i ddatrys y problemau hyn wedi dechrau a disgwylir iddo gael ei gwblhau yn hydref 2025.

Cwis Pwy Ydw I?

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Nid yw'r ffocws yn symud yn awtomatig i'r cam gweithredol cyn gynted ag y bydd y defnyddiwr yn dewis botymau Nesaf ac Yn Ôl
Nid yw ffocws y bysellau tab a saeth yn symud yn awtomatig i'r cynnwys priodol cyn gynted ag y bydd y defnyddiwr yn dewis dolenni ar yr un dudalen

Disgwylir i'r gwaith datblygu ar y Cwis Pwy Ydw I ddechrau yn haf 2025.

Chwilio am Gwrs

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Darllenir y ddolen rôl ar gyfer y logo ddwywaith wrth lywio gan ddefnyddio'r bysellau saeth
Mae'r botwm Mewngofnodi yn darllen fel "dolen" a "botwm"
Mae'r botwm Rhannu'r dudalen hon yn darllen y botymau sydd wedi'u lleihau heb eu hehangu wrth lywio gan ddefnyddio'r bysellau saeth
Ar y dudalen canlyniadau ni chyhoeddir y cyflwr "wedi'i wirio/heb ei wirio" ar gyfer y blychau gwirio wrth lywio gan ddefnyddio'r allwedd tab
Ar y dudalen canlyniadau nid yw'r elfennau'n darllen o'r chwith i'r dde ar gyfer Trefnu yn ôl a Canlyniadau fesul tudalen
Mae'r tabiau "Gweld y Rhestr" a "Map" yn darllen yn anghywir
Ar y dudalen canlyniadau, mae'r ffocws yn symud i frig y dudalen cyn gynted ag y bydd y defnyddiwr yn dewis dolenni'r un dudalen

Disgwylir i'r gwaith datblygu ar Chwilio am Gwrs ddechrau yn haf 2025.

Sôn am Swyddi

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Trefn darllen anghywir wrth lywio gan ddefnyddio'r bysellau saeth
Mae angen testun disgrifiadol ac unigryw ar gyfer dolenni darllen mwy

Disgwylir i'r gwaith datblygu ar Sôn am Swyddi ddechrau yn haf 2025.

Canfod Cymorth

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Mae testun cyswllt y cysylltiadau Yn ôl ac Nesaf yn cael ei ddarllen yn anghywir
Yn yr adran Cymorth a Gynigir wrth ddewis cyflwr "wedi'i wirio", mae'r ffocws yn symud i frig y dudalen yn lle symud yn ôl i'r blwch ticio
Yn yr adran Canlyniadau, nid yw "Dileu Rhaglen/Dileu o fy mhroffil" yn cyhoeddi'n awtomatig cyn gynted ag y bydd y defnyddiwr yn dewis y botwm "Dewis Rhaglen/Dewis i Fy Mhroffil"
Ni chyhoeddir neges gwall yn awtomatig cyn gynted ag y mae'n ymddangos ar y dudalen
Nid yw ffocws y tab yn symud yn ôl i'r tab a ddewiswyd pan gaiff ei ddewis

Disgwylir i'r gwaith datblygu ar Canfod Cymorth ddechrau yn haf 2025.

Cwis Gwneud Penderfyniadau

Nododd archwiliad 2024-2025 y diffyg cydymffurfio canlynol wrth ddefnyddio meddalwedd darllen sgrin:

Mae null alt text ar goll ar gyfer delwedd y faner
Nid yw'r ffocws yn symud i'r cynnwys perthnasol cyn gynted ag y bydd y defnyddiwr yn dewis dolenni'r un dudalen
Mae eitemau’r rhestr yn cael eu darllen yn anghywir
Nid yw negeseuon gwall yn cael eu cyhoeddi'n awtomatig cyn gynted ag y maen nhw’n ymddangos ar y dudalen

Nododd archwiliad 2024-2025 y diffyg cydymffurfio canlynol wrth ddefnyddio bysellfwrdd yn unig:

Nid yw ffocws y tab yn symud i fotymau radio

Disgwylir i'r gwaith datblygu ar y Cwis Gwneud Penderfyniadau ddechrau yn haf 2025.

Cynnwys nad yw o fewn cwmpas y rheoliadau hygyrchedd

PDFs a dogfennau eraill

Nid yw'r rheoliadau hygyrchedd yn ei gwneud yn ofynnol i ni drwsio PDFs na dogfennau eraill a gyhoeddwyd cyn 23 Medi 2018 os nad ydynt yn hanfodol i ddarparu ein gwasanaethau.

Y PDFs a grëwyd cyn 23 Medi 2018 yw:

Ein cyfrifon statudol (2016, 2017 a 2018)

Os oes angen i chi gyrchu gwybodaeth yn un o'r mathau hyn o ddogfennau, cysylltwch â ni a gofynnwch am fformat gwahanol.

Fideo byw

Mae ffrydiau fideo byw wedi'u heithrio rhag cydymffurfio â'r rheoliadau hygyrchedd (Saesneg yn unig). Byddwn yn adolygu'r hyn sy'n bosibl ar gyfer pob llif byw ar sail y dechnoleg / meddalwedd a ddefnyddir.

Beth rydyn ni’n ei wneud i wella hygyrchedd

Rydyn yn gweithio'n weithredol i ddatrys y problemau a nodwyd, ac mae'r rhan fwyaf yn cael eu datblygu neu i fod i ddechrau cael eu datblygu cyn bo hir. Ein nod yw datrys y materion erbyn diwedd 2025.

Rydyn ni’n gweithio gyda datblygwyr i sicrhau ein bod yn cydymffurfio'n llawn â safon AA y Canllawiau Hygyrchedd Cynnwys y We fersiwn 2.2 (Saesneg yn unig).

Rydym wedi cynnwys canllawiau newydd ar gyfer PDFs a fideos i sicrhau y bydd fideos, PDFs a dogfennau eraill yn y dyfodol yn cydymffurfio'n llawn â Chanllawiau Hygyrchedd Cynnwys y We 2.2 (Saesneg yn unig).

Rydyn ni’n gweithio gyda chwmnïau hygyrchedd allanol i gael asesiad safle llawn ac yn gweithio gyda nhw ar sail ymgynghorol dros ddatblygiadau yn y dyfodol.

Paratoi'r datganiad hygyrchedd hwn

Paratowyd y datganiad hwn ar 10 Chwefror 2020. Cafodd ei adolygu ddiwethaf ar 30 Gorffennaf 2025.

Cynhaliwyd profion hygyrchedd ar gyfer Gyrfa Cymru fel a ganlyn:

2024 / 2025 gan Thornacre – asesiad safle llawn mewn sypiau dros y flwyddyn, gan gynnwys ailasesu problemau wedi'u datrys, a cheisiadau newydd neu wedi'u diweddaru
2023 / 2024 gan Little Forest – Swyddi Dyfodol Cymru a microwefan recriwtio Gyrfa Cymru
2022 / 2023 gan Little Forest a Zoonou - Cyfnewid Addysg Busnes, Cwis Paru Gyrfa a Chwilio am Gyrsiau, Mewngofnodi a Phroffil
2020 / 2021 gan Shaw Trust Accessibility Services – asesiad safle llawn

Mae'r gwaith datblygu yn parhau a bydd y datganiad hygyrchedd hwn yn cael ei ddiweddaru wrth i broblemau gael eu datrys.

Defnyddiwyd y dull hwn i benderfynu ar sampl o dudalennau i’w profi:

Profi Methodoleg

Roedd ein hasesiad hygyrchedd diweddaraf yn cynnwys:

Profion darllenydd sgrin gyda JAWS, NVDA, VoiceOver, a TalkBack
Profion llywio â bysellfwrdd
Dadansoddiad cyferbyniad uchel a chyferbyniad lliw
Profion cydnawsedd y porwr chwyddo
Profi ar draws dyfeisiau a phlatfformau lluosog

Rydyn ni’n defnyddio Adobe Acrobat Reader, Microsoft Word a Microsoft Excel i asesu hygyrchedd dogfennau sydd ar gael i'w lawrlwytho ar ein gwefan.