Cofnodion Bwrdd CCDG 19 Ionawr 2023

Mae Bwrdd Career Choices Dewis Gyrfa (CCDG) yn cyfarfod bob chwarter. Mae'r Bwrdd yn gyfrifol am lywodraethu a chydymffurfio â'r cod llywodraethu corfforaethol. Isod mae cofnodion cyfarfod Bwrdd CCDG a gynhaliwyd ar 19 Ionawr 2023.

Aelodau’r Bwrdd

• Joni Alexander
• Erica Cassin (Cadeirydd Bwrdd CCDG)
• Andrew Clark
• Kate Daubney
• Dave Hagendyk
• Dave Matthews
• Tony Smith
• Richard Thomas
• Helen White

Aelodau Bwrdd Cyfetholedig

Sue Price

Llywodraeth Cymru

• Sam Evans
• Sinead Gallagher

Yn Bresennol

• Emma Blandon, Pennaeth Digidol a Chyfathrebu
• Phil Bowden, Pennaeth Ansawdd a Chynllunio

O Gyrfa Cymru

• Nerys Bourne, Cyfarwyddydd Strategaeth Cwsmeriaid a Datblygu Gwasanaethau
• Nikki Lawrence, Prif Weithredydd
• Ruth Ryder, Cyfarwyddydd Adnoddau a Thrawsnewid

Ysgrifenyddiaeth

Jayne Pritchard

Ymddiheuriadau

• Neil Coughlan
• Aled Griffiths
• Liz Harris
• James Harvey
• Emma Richards
• Mary Van Den Heuvel

1. Datganiadau o Fuddiant

Ni nodwyd unrhyw ddatganiadau pellach o fuddiant

2. Cofnodion Y Cyfarfod Blaenorol – 12 Hydref, 2022

Cymeradwywyd cofnodion y cyfarfod blaenorol.

3. Materion Yn Codi O Gyfarfodydd Blaenorol

3.1 Gwybodaeth am y Warant i Bobl Ifanc i’w hamserlennu ar yr agenda yn y dyfodol. Cytunwyd bod y cam gweithredu hwn wedi’i gwblhau.

3.2 Y Strategaeth Rieni i’w chynnwys fel rhan o adroddiad y Prif Weithredydd mewn cyfarfod Bwrdd yn y dyfodol. Cytunwyd bod y cam gweithredu hwn wedi’i gwblhau.

3.3 Y Bwrdd i ddarparu manylion cyswllt ar gyfer arweinwyr yn y grŵp pwyllgor Cwricwlwm ac Ansawdd a Phrif Swyddog Gweithredol ac Egwyddorion. Cytunwyd bod y cam gweithredu hwn wedi’i gwblhau.

3.4 Creu cynllun cyfarfod ar gyfer pob cyfarfod Bwrdd/Pwyllgor yn y dyfodol ac adolygu’r amser a neilltuir ar eu cyfer (2.5 awr). Cytunwyd bod y cam gweithredu hwn wedi’i gwblhau.

3.5 Trafodaethau yn parhau ynghylch buddsoddiad grant ychwanegol fel cymorth i hybu mentergarwch – gweithgaredd sy’n cael ei arwain ar hyn o bryd gan Busnes Cymru, a chytunwyd bod y cam gweithredu hwn wedi’i gau.

3.6 Archwilio’r posibilrwydd o ddarparu rhagor o bwyntiau mesur amser yn ogystal â’r adolygiadau ddwywaith y flwyddyn. Cytunwyd bod y cam gweithredu hwn wedi’i gau.

3.7 Ystyried ymchwilio ymhellach i sefydlu cost pobl ddi-waith a gwerth atal diweithdra. Cytunwyd bod y cam gweithredu hwn wedi’i gau.

3.8 Ystyried olrhain defnyddwyr gwasanaeth i gasglu adborth am eu taith o sesiwn/cyfweliad cychwynnol Gyrfa Cymru hyd at y pwynt terfyn lle maent wedi cyflawni eu nod/uchelgais. Yr oedd y cam gweithredu hwn wedi’i gau

3.9 Y bwrdd i gael copi o fap rhanddeiliaid Gyrfa Cymru, a chytunwyd bod y cam gweithredu hwn wedi’i gwblhau.

3.10 Papur mapio ynglŷn â chenedlaethau’r dyfodol i’w gyflwyno mewn cyfarfod Bwrdd yn y dyfodol. Cytunwyd bod y cam gweithredu hwn wedi’i gau.

3.11 Cydweithio â’r Principality ar brosiect Cenedlaethau’r Dyfodol, a chytunwyd bod y cam gweithredu hwn wedi’i gwblhau.

3.12 Y Bwrdd i gael copi o ganllawiau prosiect gweithle’r dyfodol. Cytunwyd bod y cam gweithredu hwn wedi’i gwblhau.

4. Diweddariad Y Cadeirydd

Nodwyd y prif bwyntiau canlynol:

Canmolwyd digwyddiadau Gyrfa Cymru: Bu’r Cadeirydd yn canmol y digwyddiadau a gynhaliwyd gan Gyrfa Cymru

Newidiadau yn aelodaeth y Bwrdd: Cafodd dau o aelodau newydd y Bwrdd groeso cynnes i Fwrdd CCDG. Roedd y Cadeirydd yn falch o gyhoeddi bod dau aelod presennol o’r Bwrdd wedi’u hailbenodi a dywedodd fod dau aelod Bwrdd cyfetholedig i fod i adael ym mis Ionawr a mis Mawrth. Dywedodd y Cadeirydd fod aelodau Bwrdd ychwanegol ac un aelod Bwrdd cyfetholedig hefyd yn ymuno, ac y byddai recriwtio pellach yn dechrau cyn gynted â phosibl yn 2023 i gymryd lle aelodau’r Bwrdd sy’n gadael yn ddiweddarach yn y flwyddyn.

Strwythur pwyllgorau sydd i’w adolygu: Roedd y strwythur pwyllgorau presennol ac aelodaeth pob pwyllgor i’w hadolygu yn sgil newidiadau i aelodaeth y Bwrdd.

Ymestyn hyd cyfarfodydd y Bwrdd: Byddai cyfarfodydd y Bwrdd yn cael eu hymestyn i 5.5 awr yn hytrach na chadw at yr hyd presennol, sef 2.5 awr, gan ddechrau o’r flwyddyn fusnes nesaf.

Cyfarfodydd Bwrdd Wyneb yn Wyneb: Dywedwyd y byddai cyfarfodydd Bwrdd chwarter 1 a chwarter 3 yn gyfarfodydd cymysg – gallai aelodau’r Bwrdd ymuno’n rhithwir neu fod yn bresennol wyneb yn wyneb (Caerdydd).

Y cynllun gwaith blynyddol i’w adolygu: Roedd y cynllun blynyddol wedi’i ddrafftio ac wedi’i gynnwys yn y pecyn ar gyfer adborth gan y Bwrdd.

5. Adroddiad Y Prif Weithredydd

Rhoddwyd diolch i aelodau’r Bwrdd am eu hymrwymiadau: diolchwyd i aelodau Bwrdd cyfetholedig am eu cyfraniad i Gyrfa Cymru dros dymor eu haelodaeth.

Cyfarwyddydd Strategaeth Cwsmeriaid a Datblygu Gwasanaeth: roedd penodiad wedi’i wneud ac fe’i croesawyd i’r Bwrdd.

Adroddiad Dangosyddion Perfformiad Allweddol: amlygwyd rhai o sgorau’r dangosyddion perfformiad allweddol er gwybodaeth i’r Bwrdd.

Hawliad Tâl: Daethpwyd i gytundeb gyda’r undeb llafur ar y dyfarniad cyflog ar gyfer 2022-2023.

Cyllid ychwanegol gan Lywodraeth Cymru: nodwyd bod y gyllideb ddangosol gan Lywodraeth Cymru ar gyfer y flwyddyn ariannol nesaf yn cynnwys cynnydd i’r gyllideb graidd o £1 miliwn.

Rolau Llysgenhadol: Pwysleisiwyd pwysigrwydd aelodau’r Bwrdd yn gweithredu fel llysgenhadon.

Cymorth i Weithwyr Gyrfa Cymru

Gofynnodd y Bwrdd a oedd Gyrfa Cymru yn darparu cymorth i’w cyflogeion yn ystod yr argyfwng costau byw. Clywodd yr aelodau bod y cwmni’n cynnig cymorth i’w weithwyr, ac roedd rhai enghreifftiau yn cynnwys y canlynol: cynlluniau aberthu cyflog (benthyciadau ariannol, prydlesu ceir a chynllun beicio i’r gwaith), cymorth i weithwyr sydd â chyfrifoldebau gofalu, a chynlluniau iechyd arian yn ôl.

Amserlen Dyfarniad Cyflog

Gofynnodd y Bwrdd a ellid ystyried amserlen y dyfarniad cyflog gan fod y dyfarniad cyflog i bob pwrpas yn cael ei dalu mewn ôl-daliadau. Eglurwyd bod y cwmni’n ddibynnol ar gyhoeddiadau dyfarniad cyflog Llywodraeth Cymru, a bod codiadau cyflog staff Llywodraeth Cymru hefyd yn dibynnu ar gyhoeddiadau o ddyraniadau cyllid Llywodraeth y DU. Cytunwyd y byddai’r heriau y mae’r oedi hwn yn eu hachosi yn cael eu hadrodd yn ôl i Lywodraeth Cymru.

6. Diweddariad Byr/Llywodraeth Cymru

Egluro Cyllidebau: Pwysleisiwyd pwysigrwydd ariannu Gyrfa Cymru fel corff cwbl weithredol yn ystod y sefyllfa ariannol bresennol.

Cynllun Gweithredu: Roedd y Gweinidog Addysg i fod i gyhoeddi cynllun gweithredu ‘cyflwr y genedl’ ym mis Chwefror a byddai copïau’n cael eu rhannu â Gyrfa Cymru unwaith y byddai ar gael.

Cam Gweithredu 1:Rhannu cynllun gweithredu ‘cyflwr y genedl’ gyda Gyrfa Cymru unwaith y byddai’r cynllun gweithredu ar gael.

Comisiynu Ymchwil ar Brofiad Gwaith: Roedd ymchwil ar brofiad gwaith yn cael ei wneud i sefydlu arferion rhyngwladol da. Y gobaith oedd y byddai canfyddiadau’r ymchwil yn dylanwadu ar ddatblygiadau a pholisïau yn y dyfodol.

Cyflwyniad i Gyrfa Cymru a’r Gwasanaethau a Ddarperir: Canmolwyd uwch-reolwyr Gyrfa Cymru am eu gwaith a’u hymrwymiadau i’r sefydliad. Nodwyd bod yr ystod eang o wasanaethau a ddarperir gan Gyrfa Cymru yn syfrdanol ac yn gynhwysfawr, gyda chyfeiriadau at CrefftGyrfaoedd ac ymgysylltu â rhieni.

Penodi i’r Comisiwn Addysg Drydyddol ac Ymchwil: Roedd Cadeirydd a dirprwy Gadeirydd wedi’u penodi ar gyfer y Comisiwn Addysg Drydyddol ac Ymchwil, ac roedd y broses recriwtio Prif Weithredydd yn parhau. Roedd y Comisiwn i fod i gael ei lansio ym mis Ebrill 2024.

Swydd Gyrfa Cymru o dan y Comisiwn Addysg Drydyddol ac Ymchwil
Roedd y Comisiwn Addysg Drydyddol ac Ymchwil yn dal i gael ei sefydlu, ond byddai angen eglurhad pellach.

Cam Gweithredu 2: Aelodau’r Bwrdd i gael eglurhad ynghylch sefyllfa Gyrfa Cymru o dan y Comisiwn Addysg Drydyddol ac Ymchwil.

Mewnbwn Gyrfa Cymru i Gymwysterau Galwedigaethol
Gofynnodd y Bwrdd pa fewnbwn oedd gan Gyrfa Cymru yn y cymhwyster galwedigaethol. Nodwyd y dylid rhoi’r cyfle i Gyrfa Cymru ymgysylltu â’r tîm sy’n gyfrifol am adolygu cymwysterau galwedigaethol.

Cam Gweithredu 3: Sicrhau bod Gyrfa Cymru yn cael y cyfle i ymgysylltu â’r tîm sy’n gyfrifol am adolygu cymwysterau galwedigaethol.

7. Adroddiad Chwarter 2

Cyflwynwyd crynodeb o ganfyddiadau adroddiad chwarter 2 i’r Bwrdd.

Ffigurau Cyfredol Pobl Nad Ydynt Mewn Addysg, Cyflogaeth neu Hyfforddiant (NEET)
Holodd y Bwrdd ynghylch y ffigurau cyfredol ar gyfer pobl nad ydynt mewn addysg, cyflogaeth neu hyfforddiant, a chredwyd mai 2.4% oedd y ffigur cyfredol. Bu’r Bwrdd yn trafod yr arferion amrywiol ar draws awdurdodau lleol yn eu dull o weithio gyda phobl ifanc a nodwyd fel pobl nad ydynt mewn addysg, cyflogaeth neu hyfforddiant, a hefyd yr heriau o ddiffyg mesur cynhwysfawr, gyda’r model pum haen y mwyaf cywir sydd ar gael.

Trafod yr Adroddiadau Chwarter Ymhellach mewn Pwyllgorau
Cynghorwyd bod yr adroddiadau chwarter yn cael eu trafod yn fanwl yn ystod y pwyllgorau perfformiad ac effaith.

8. Deddf Llesiant Cenedlaethau’r Dyfodol

Rhoddwyd cyflwyniad i’r Bwrdd yn dangos sut roedd Gyrfa Cymru yn cyflawni eu hymrwymiadau i Ddeddf Llesiant Cenedlaethau’r Dyfodol.

Tystiolaeth o Sut Mae Gyrfa Cymru yn Ceisio Dylanwadu ar Ddeddf Llesiant Cenedlaethau’r Dyfodol.

Roedd y Bwrdd yn falch o’r cyflwyniad a rhybuddiwyd rhag canolbwyntio’n ormodol ar feincnodi yn erbyn setiau data allanol cymhleth at ddibenion cymharu. Consensws y Bwrdd oedd bod dull naratif yn defnyddio astudiaethau achos yn gweithio’n dda.

9. Cynnig Ac Adborth Gan Lysgenhadon Y Bwrdd

Cymeradwywyd cynnig Llysgenhadon y Bwrdd gan y Bwrdd.

10. Argymhellion Estyn

Rhoddwyd diweddariad ar arolygiad thematig ESTYN a gynhaliwyd yn 2021. Amlygwyd y chwe argymhelliad i’r Bwrdd gyda diweddariad ar y cynnydd sy’n cael ei wneud yn erbyn pob un.

Dyfodol Thematig ESTYN

Ni threfnwyd cyfarfod adolygu, er mai’r gred oedd y byddai thema ESTYN yn cael ei threfnu yn y flwyddyn fusnes nesaf.

11. Cynllun Gwaith Y Bwrdd

Anogwyd aelodau’r Bwrdd i roi adborth trwy e-bost os oedd ganddynt awgrymiadau ar gyfer unrhyw newidiadau.

12. Adnodd Defnyddiol I Asesu Risg 

Cyflwynwyd yr Adnodd Defnyddiol i Asesu Risg drafft i’r Bwrdd, gan nodi y byddai drafft llawn yn cael ei gyflwyno i’r Pwyllgor Cyllid, Archwilio a Risg i’w drafod yn fanwl. Byddai’r adroddiad gorffenedig wedyn yn cael ei ddwyn yn ôl i gyfarfod Chwarter 4 y Bwrdd.

Cam Gweithredu 4: Y Bwrdd i roi sylwadau ac adborth ynghylch yr Adnodd Defnyddiol i Asesu Risg, a’r Adnodd Defnyddiol i Asesu Risg i’w drafod yn fanylach gan y Pwyllgor Cyllid, Archwilio a Risg ar ran y Bwrdd.

13. Cyfrifon Rheoli

Cyflwynwyd y cyfrifon rheoli ac fe’u cymeradwywyd gan y Bwrdd.

14. Goblygiadau Cyllideb 2023 i 2024

Rhoddwyd diweddariad ar lafar ynghylch goblygiadau’r gyllideb arfaethedig.

Gofynnwyd i’r Bwrdd ddirprwyo awdurdod i’r Pwyllgor Cyllid, Archwilio a Risg i graffu ar y gyllideb ddrafft, a chymeradwyodd y Bwrdd y penderfyniad i ddirprwyo awdurdod i’r Pwyllgor Cyllid, Archwilio a Risg.

Cyfarfodydd Pwyllgorau

15. Y Pwyllgor Cyllid, Archwilio a Risg

• Papur Carbon Sero Net: roedd disgwyl papur diweddaru mewn cyfarfod pwyllgor yn y dyfodol
• Hacio Moesegol: Cytunwyd y byddai’r hacio moesegol yn mynd yn ei flaen yn y flwyddyn ariannol nesaf
• Cyfrifon Rheoli: Amlygwyd y gweithlu sy’n heneiddio fel risg, er y nodwyd bod yr eitem wedi’i thrafod yn Y Pwyllgor Materion Pobl
• Papur yn Mapio Llywodraethu Cenedlaethau’r Dyfodol: Byddai papur mapio yn cael ei gyflwyno i gyfarfod nesaf y pwyllgor.
• Canmoliaeth wedi’i rhannu â’r tîm TGCh: Diolchodd y pwyllgor i’r tîm TGCh am ei waith diogelwch helaeth a gofynnwyd i’r adborth gael ei rannu â’r tîm diogelwch.

16. Perfformiad ac Effaith

• Diweddariad ar Cymru’n Gweithio: Darparwyd diweddariad ar Cymru’n Gweithio. Byddai’r pwyllgor yn cael gwybod am unrhyw newyddion ynglŷn ag unrhyw dueddiadau a fyddai’n dod i’r amlwg mewn perthynas â diswyddiadau.
• Cyflawni ymrwymiadau Profiad Gwaith wedi’i Deilwra: roedd y pwyllgor i fod i gael diweddariadau rheolaidd ynghylch eu hymrwymiadau o ran Profiad Gwaith wedi’i Deilwra.
• Argymhellion ESTYN: Roedd argymhellion ESTYN wedi eu trafod yn fanwl.
• Y Bwrdd Pobl Ifanc: Disgwylid diweddariad ynghylch creu Bwrdd Pobl Ifanc.

17. Materion Pobl

• Absenoldebau a Recriwtio: Darperir diweddariadau yn rheolaidd i’r pwyllgor am absenoldebau a recriwtio
• Gweithle’r Dyfodol: trafodwyd gweithle’r dyfodol yn fanwl gan roi ystyriaeth i ecwiti ac amrywiaeth, risgiau o fewn y prosiect, ymgysylltu â gweithwyr a darparu ar gyfer anghenion gweithwyr.
• Sgiliau digidol: Roedd canfyddiadau’r arolwg sgiliau digidol wedi dod i law.

18. Unrhyw Faterion Eraill

18.1 Adolygiad perfformiad
Gofynnwyd i’r Bwrdd roi unrhyw adborth i’r Cadeirydd ynghylch y Prif Swyddog Gweithredol i’w ddefnyddio fel rhan o’r adolygiad perfformiad.

18.2 Myfyrdodau/adborth yn sgil y cyfarfod
Gofynnodd y Cadeirydd i’r Bwrdd roi unrhyw adborth am y cyfarfod drwy e-bost.

18.3 Sianel Teams
Cynigiwyd bod sianel Teams yn cael ei sefydlu ar gyfer y Bwrdd a bod hyfforddiant yn cael ei ddarparu ar sut i ddefnyddio’r sianel.

Cam Gweithredu 5: Darparu sianel Teams er mwyn i’r Bwrdd gael mynediad at bapurau pwyllgorau ac ati.

18.4 Matrics Sgiliau’r Bwrdd
Roedd y Bwrdd i fod i dderbyn matrics sgiliau/hunanasesiad yn yr wythnosau i ddod.

Cam Gweithredu 6: Y Bwrdd i rannu Asesiad Templed Sgiliau’r Bwrdd gyda’r Cadeirydd.

Dogfennau