Peilot Gwobr Ansawdd Gyrfa Cymru

Cam 1 - Arweinyddiaeth

Mae’r cam hwn yn ymwneud â llunio a chynnal yr ymrwymiad i arwain datblygiad gyrfaoedd a phrofiadau byd gwaith.

Y meini prawf yw:

• Mae’r ysgol wedi gwneud ymrwymiad ffurfiol i ennill Cam 1 Gwobr Ansawdd Gyrfa Cymru ac wedi creu cynllun gweithredu/rhestr wirio ar gyfer ei gyflawni
• Mae gan yr ysgol weledigaeth a strategaeth ar gyfer gyrfaoedd a phrofiadau byd gwaith sydd wedi’u nodi mewn polisi penodol ar ei chyfer
• Mae gan yr ysgol gynllun ar gyfer monitro, adolygu a gwerthuso gyrfaoedd a phrofiadau byd gwaith yn rheolaidd i gefnogi datblygiad parhaus a chyfraniad addysg a phrofiadau o’r fath at welliant cyffredinol yr ysgol
• Mae’r ysgol wedi nodi’r rolau y mae eu hangen i hwyluso datblygiad effeithiol o gyrfaoedd a phrofiadau byd gwaith
• Mae’r ysgol wedi ymrwymo i ddyrannu adnoddau digonol ar gyfer gyrfaoedd a phrofiadau byd gwaith ac i sicrhau eu bod yn cael eu defnyddio’n effeithiold

Cam 2 - Datblygiad

Mae’r cam hwn yn ymwneud â gwireddu gyrfaoedd a phrofiadau byd gwaith yn y cwricwlwm trwy ddysgu proffesiynol, ymgysylltu â rhanddeiliaid, ac addysgu a dysgu effeithiol.

Y meini prawf yw:

• Mae’r ysgol wedi gwneud ymrwymiad ffurfiol i ennill Cam 2 Gwobr Ansawdd Gyrfa Cymru ac wedi creu cynllun gweithredu/rhestr wirio ar gyfer ei gyflawni
• Mae’r ysgol wedi cwblhau archwiliad cynhwysfawr o’i darpariaeth gyfredol o gyrfaoedd a phrofiadau byd gwaith gan ystyried canllawiau cwricwlwm Llywodraeth Cymru a meini prawf y wobr hon
• Mae’r staff sy’n arwain ar gyrfaoedd a phrofiadau byd gwaith yn cynnal ymrwymiad blynyddol i’w dysgu proffesiynol eu hunain, ac mae’r ysgol yn nodi anghenion dysgu staff yn y maes hwn ac yn anelu at eu diwallu’n briodol ac o fewn cyfnod rhesymol
• Mae dysgwyr yn cymryd rhan weithredol yn y gwaith o ddylunio, gweithredu a gwerthuso gyrfaoedd a phrofiadau byd gwaith
• Caiff rhieni a gofalwyr eu cydnabod fel partneriaid yn natblygiad gyrfa dysgwyr a chânt eu cefnogi’n dda gan yr ysgol
• Mae’r ysgol yn cynnal rhwydwaith o gysylltiadau busnes a chymunedol, a chyn-fyfyrwyr pan fo hynny’n briodol, i wella cyfleoedd sy’n gysylltiedig â phrofiad gwaith i ddysgwyr
• Mae’r ysgol yn cydweithio ag ysgolion eraill, colegau addysg bellach, sefydliadau addysg uwch a sefydliadau dysgu seiliedig ar waith, pan fo hynny’n briodol, i ddarparu parhad yn y ddarpariaeth o gyrfaoedd a phrofiadau byd gwaith ac i godi safonau yn y maes hwn ar y cyd
• Mae’r ysgol yn dethol gwybodaeth ac adnoddau sy’n cyfrannu at ddysgu ac addysgu effeithiol ac yn gwneud defnydd effeithiol o adnoddau a gwasanaethau Gyrfa Cymru
• Mae darpariaeth gyrfaoedd a phrofiadau byd gwaith yr ysgol fel a ganlyn:
  • Wedi’i chynllunio gan gyfeirio’n benodol at ganllawiau cwricwlwm Llywodraeth Cymru
  • Yn eang a chytbwys, yn darparu cyfleoedd a phrofiadau dysgu sy’n briodol i oedran a datblygiad i bob dysgwr, yn defnyddio ystod o ddulliau dysgu gyrfa, ac wedi’i hintegreiddio o fewn y cwricwlwm

Cam 3 - Effaith

Mae’r cam hwn yn ymwneud ag arddangos effaith ym maes gyrfaoedd a phrofiadau byd gwaith.

Y meini prawf yw:

• Mae’r ysgol wedi gwneud ymrwymiad ffurfiol i ennill Cam 3 Gwobr Ansawdd Gyrfa Cymru ac wedi creu cynllun gweithredu/rhestr wirio ar gyfer ei gyflawni
• Mae’r ysgol yn sicrhau bod dysgwyr wedi’u paratoi’n dda ar gyfer cyfleoedd dysgu allweddol ym maes gyrfaoedd a phrofiadau byd gwaith er mwyn cael yr effaith fwyaf posibl
• Mae darpariaeth gyrfaoedd a phrofiadau byd gwaith yr ysgol yn gwneud gwahaniaeth amlwg i ddealltwriaeth a sgiliau gyrfa dysgwyr a’u dysgu ar draws y cwricwlwm
• Mae darpariaeth gyrfaoedd a phrofiadau byd gwaith yr ysgol yn mynd i’r afael ag anghenion pob dysgwr a grŵp o ddysgwyr, yn enwedig y rhai sy’n profi stereoteipio, anfantais a gwahaniaethu
• Mae darpariaeth gyrfaoedd a phrofiadau byd gwaith yr ysgol yn galluogi dysgwyr i wneud penderfyniadau gwybodus a phontio’n llwyddiannus i gyrchfannau a werthfawrogir yn bersonol. (Uwchradd yn unig)