Cofnodion Bwrdd CCDG 12 Hydref 2022

Mae Bwrdd Career Choices Dewis Gyrfa (CCDG) yn cyfarfod bob chwarter. Mae'r Bwrdd yn gyfrifol am lywodraethu a chydymffurfio â'r cod llywodraethu corfforaethol. Isod mae cofnodion cyfarfod Bwrdd CCDG a gynhaliwyd ar 12 Hydref 2022.

Yn bresennol

• Erica Cassin (Bwrdd CCDG – Cadeirydd)
• Andrew Clark
• Dave Matthews
• Tony Smith
• Helen White
• Mary Van Den Heuvel
• Richard Thomas
• Sinead Gallagher (Llywodraeth Cymru)
• Sam Evans (Llywodraeth Cymru)
• Tony Smith
• James Harvey
• Emma Richards
• Liz Harris

Yn bresennol

• Emma Blandon - Gyrfa Cymru
• Chris Percy - CSpres
• Sarah Winter - Gyrfa Cymru
• Julian John - Delsion

Yn cynrychioli Gyrfa Cymru:

• Nikki Lawrence
• Ruth Ryder

Ysgrifenyddiaeth

Jayne Pritchard

Ymddiheuriadau

• Dave Hagendyk
• Neil Coughlan
• Susan Price

Yn absennol

Ceri Noble

1. Datganiadau o fuddiant

Ni nodwyd unrhyw ddatganiadau pellach o fuddiant

2. Cofnodion y cyfarfod blaenorol – 16 Mehefin 2022

Cymeradwywyd cofnodion y cyfarfod blaenorol.

3. Materion yn codi o gyfarfodydd blaenorol

3.1 Gwybodaeth am y Gwarant Pobl Ifanc i'w hamserlennu ar yr agenda yn y dyfodol – cytunwyd bod y mater hwn ar waith.

Cam Gweithredu 1: Gwybodaeth am y Gwarant i Bobl Ifanc i’w hamserlennu ar yr agenda yn y dyfodol

3.2 Strategaeth Rieni i’w amserlennu ar gyfer cyfarfod Bwrdd yn y dyfodol fel eitem – cytunwyd bod yr eitem hon ar waith.

Cam Gweithredu 2: Strategaeth Rieni i'w chynnwys fel rhan o adroddiad y Prif Weithredydd mewn cyfarfod Bwrdd yn y dyfodol.

3.3 Sicrhau eglurder pellach i’r ffigurau a gofnodwyd ar gyfer disgyblion Cyfnod Allweddol 4. Cytunwyd bod yr eitem hon wedi'i gwblhau.

3.4 Bwrdd i ddarparu manylion cyswllt ar gyfer arweinwyr yn y grŵp pwyllgor Cwricwlwm ac Ansawdd a Phrif Swyddog Gweithredol ac Egwyddorion. Cytunwyd bod y mater hwn ar waith.

Cam Gweithredu 3: Bwrdd i ddarparu manylion cyswllt ar gyfer arweinwyr yn y grŵp pwyllgor Cwricwlwm ac Ansawdd a Phrif Swyddog Gweithredol ac Egwyddorion.

3.5 Dosbarthu cynigion datblygiad proffesiynol parhaus i aelodau’r Bwrdd i gael eu hadborth. Cytunwyd bod y cam gweithredu hwn yn wedi'i gwblhau.

3.6 Creu cynllun cyfarfod ar gyfer pob cyfarfod Bwrdd/Pwyllgor yn y dyfodol ac adolygu dyraniad amser (2.5 awr). Cytunwyd bod y mater hwn yn barhaus.

Cam Gweithredu 4: Creu cynllun cyfarfod ar gyfer pob cyfarfod Bwrdd/Pwyllgor yn y dyfodol ac adolygu dyraniad amser (2.5 awr).

3.7 Dosbarthu dyddiadau newydd ar gyfer cyfarfod nesaf Bwrdd CCDG wyneb yn wyneb. Cytunwyd bod y cam gweithredu hwn wedi'i gwblhau.

3.8 Bwrdd i drefnu cyflwyniad i'w dîm yn y Principality i drafod y Cynllun Gwelliant Parhaus. Cytunwyd bod y cam gweithredu hwn yn wedi'i gwblhau.

3.9 Cyfarfod pellach rhwng y Cadeirydd ac RR i'w drefnu i drafod y gofynion ar gyfer y dangosfwrdd. Cytunwyd bod y cam gweithredu hwn wedi'i gwblhau. 

3.10 Ystyried creu sianel Teams ar gyfer aelodau’r Bwrdd. Gofynnwyd i'r cam gweithredu hwn gael ei ganslo.

3.11 Cysylltu â chynrychiolwyr Llywodraeth Cymru ynghylch yr adolygiad penodol. Cytunwyd bod y cam gweithredu hwn wedi'i gwblhau.

4. Y Newyddion diweddaraf gan y Cadeirydd

Nodwyd y pwyntiau allweddol canlynol:

Cyfarfodydd â Gweinidogion: Cynhaliwyd nifer o gyfarfodydd â gweinidogion ers cyfarfod diwethaf y Bwrdd.

Cyfrifon Terfynol wedi eu cymeradwyo: Roedd y Cadeirydd yn falch o nodi bod yr adroddiad blynyddol drafft wedi'i gwblhau a'i gymeradwyo.

Diweddariad Bwrdd: Rhagwelwyd y byddai aelodau bwrdd newydd yn cael eu penodi erbyn Ionawr 2023.

Recriwtio aelodau Bwrdd Newydd: Trefnwyd cyfweliadau ar gyfer aelodau newydd y Bwrdd ar gyfer dechrau mis Rhagfyr.

Sesiynau hyfforddi DPP: wedi'u harchebu ar gyfer Tachwedd 2022.

Digwyddiadau Marchnata: Anogwyd aelodau Bwrdd CCDG i hysbysu tîm marchnata a chyfathrebu'r cwmni os oeddent yn bwriadu mynychu unrhyw un o'r digwyddiadau.

Offer TG Gyrfa Cymru: Dywedwyd bod yn rhaid i holl aelodau Bwrdd CCDG ddefnyddio eu hoffer Gyrfa Cymru i gael mynediad at holl bapurau Bwrdd CCDG.

Adolygiadau Perfformiad Blynyddol: Dywedwyd wrth aelodau'r Bwrdd y byddai'r adolygiadau perfformiad blynyddol yn cael eu cynnal ym mis Hydref/Tachwedd 2022.

5. Adroddiad y Prif Weithredydd

Cyfarwyddwr Dros Dro ar gyfer  Strategaeth Cwsmeriaid a Datblygu Gwasanaeth:  Roedd disgwyl i'r rhestr fer gael ei llunio ar 17 Hydref gyda chyfweliadau wedi'u hamserlennu ar gyfer 3 Tachwedd.

Adroddiad ar y Gymraeg: Roedd dolen yn ymwneud â'r adroddiad ar y Gymraeg wedi'i anfon at aelodau'r Bwrdd trwy e-bost. Clywodd yr aelodau fod grŵp gorchwyl a gorffen ar hyn o bryd yn diweddaru cynllun gweithredu'r cwmni yn erbyn safonau'r Gymraeg.

Adroddiad Blynyddol: Dywedwyd bod yr adroddiad blynyddol ar y gweill ac y byddai'n cael ei ddosbarthu'n fuan.

Adroddiad Ch2: Roedd yr adroddiad chwarter i'w gyflwyno yn y pwyllgor perfformiad ac effaith nesaf – Hydref 27, 2022.

Cronfa Ffyniant Gyffredin: Dywedwyd bod nifer o gyfarfodydd wedi'u trefnu gydag awdurdodau lleol i drafod y posibilrwydd o gynnig profiad gwaith wedi'i deilwra gyda chefnogaeth y Gronfa Ffyniant Gyffredin.

Hawliad Tâl: Roedd y cwmni bellach yn ymwybodol o'r codiad cyflog y byddai Llywodraeth Cymru yn ei gynnig. Parhaodd y trafodaethau gydag Unsain a'r Pwyllgor Gwaith

Cyfarfod â’r Gweinidog: Cadarnhawyd bod un cyfarfod rhwng y Prif Weithredydd a'r Cadeirydd wedi'i gynnal a chynghorwyd bod cyfarfodydd misol wedi'u trefnu gyda'r dirprwy gyfarwyddwr addysg uwch a Chyfarwyddwr y Bartneriaeth Gymdeithasol a Gwaith Teg.

Cofrestr Risg: Cyflwynwyd y risgiau lefel uchaf i'r Bwrdd.

Astudiaeth Dichonoldeb Data: Dywedwyd bod disgwyl i ganlyniad yr astudiaeth ddichonoldeb gael ei gyhoeddi'n fuan.

Diweddariad Gyrfa Cymru a Syniadau Mawr Cymru: Cyhoeddwyd bod Busnes Cymru i fod i dderbyn cyllid pellach hyd at 2025, ac oherwydd hyn, roedd Gyrfa Cymru i fod i gael buddsoddiad grant ychwanegol i gefnogi hyrwyddo entrepreneuriaeth mewn ysgolion cynradd a chyflwyno modelau rôl Syniadau Mawr Cymru mewn ysgolion uwchradd.

Cam Gweithredu 5: Trafodaethau i barhau ynghylch buddsoddiad grant ychwanegol i gefnogi hybu entrepreneuriaeth – gweithgaredd sy'n cael ei arwain ar hyn o bryd gan Busnes Cymru

Proffil Oedran y Cwmni: Cyfeiriodd y Bwrdd at adran wyth yr adroddiad a gofynnodd beth oedd proffil oedran y cwmni. Roedd y cwmni'n ymwybodol o risgiau posibl gyda gweithwyr yn debygol o ymddeol o fewn y pum mlynedd nesaf a chynghorwyd bod cynllun yn ei le i ymateb i'r risgiau. Byddai'r Pwyllgor Pobl sy’n Cyfrif yn derbyn amrywiaeth o bapurau yn ymwneud â'r gwahanol feysydd cynllunio olyniaeth y byddai'r cwmni'n eu hystyried ar gyfer lliniaru'r risg hon.

6. Diweddariad byr/Llywodraeth Cymru

Rhoddodd y dirprwy gyfarwyddwr addysg uwch gyflwyniad ffurfiol byr. Clywodd yr aelodau mai prif nod yr adran hon oedd cynyddu cyflogadwyedd yng Nghymru, a dod â'r holl dimau noddi o dan un maes rheoli.  Nodwyd bod yr isadran ar hyn o bryd yn y broses o adolygu ac aildrefnu polisïau strategol.

7. Effaith Gyrfa Cymru ac Adenillion o Fuddsoddi

Cafodd y bwrdd gyflwyniad ar effaith ac adenillion o fuddsoddi ar y gwaith a wnaed gan y cwmni.

Mesur Adenillion o fuddsoddi: Gofynnodd aelodau'r Bwrdd a oedd elfen amser i’r canfyddiadau a gyflwynwyd. Dywedwyd bod adborth yn cael ei gasglu chwe mis ar ôl y sesiwn gychwynnol. Er y nodwyd y gellid archwilio'r maes ymhellach.

Cam Gweithredu 6: Archwilio'r posibilrwydd o ddarparu rhagor o bwyntiau mesur amser yn ogystal â'r adolygiadau ddwywaith y flwyddyn.

Hollti Budd Arferol rhwng Llywodraeth Cymru a San Steffan: Nodwyd bod y data yn dangos bod buddion cyllidol cadarnhaol ac y gellid archwilio hyn ymhellach i ymwneud yn benodol â phobl ddi-waith.  Yn ogystal, roedd y canfyddiadau’n cynnig cyfle hefyd i fesur effaith gymdeithasol atal NEET yng Nghymru ac y gellid archwilio hyn ymhellach hefyd.

Dywedodd y Bwrdd y byddai'r adborth hwn yn ddefnyddiol.

Cam Gweithredu 7: Ystyried ymchwilio ymhellach i sefydlu cost pobl ddi-waith a gwerth atal diweithdra.

Olrhain Defnyddwyr Gwasanaeth Gyrfa Cymru: Gofynnodd y Bwrdd a oedd modd olrhain a derbyn adborth gan ddefnyddwyr gwasanaeth llwyddiannus – o'r cyfweliadau cyntaf ac i'r pwynt terfyn lle maent wedi cyrraedd eu nod yn llwyddiannus.

Cam Gweithredu 8: Ystyried olrhain defnyddwyr gwasanaeth i gasglu adborth am eu taith o sesiwn/cyfweliad cychwynnol Gyrfa Cymru hyd at y pwynt terfyn lle maent wedi cyflawni eu nod/uchelgais.

8. Polisi Tegwch, Amrywiaeth a Chynhwysiad

Cyflwynwyd y polisi tegwch, amrywiaeth a chynhwysiant drwy gyflwyniad a gwahoddwyd aelodau'r Bwrdd i roi adborth a gofyn cwestiynau.

Gwreiddio’r polisi tegwch, amrywiaeth a chynhwysiant
Gofynnodd y Bwrdd sut y byddai'r polisi'n cael ei ymgorffori yn y fframwaith ymddygiad. Dywedwyd wrth y Bwrdd bod y tîm ar hyn o bryd yn gweithio gydag AD i ymgorffori'r polisi tegwch, amrywiaeth a chynhwysiant fel rhan o'r fframwaith ymddygiad. Nodwyd bod gwaith ychwanegol ar ymddygiad a diwylliant yn mynd rhagddo, ac y byddai hyn yn cael ei gynnwys fel rhan o'r gwaith gwerthuso. Nodwyd hefyd y byddai'r polisi tegwch ac amrywiaeth yn cael ei gyflwyno i'r pwyllgor Pobl sy’n Cyfrif nesaf mewn cyfarfod yn y dyfodol.

Polisi Mewnol/Allanol
Gofynnodd y Bwrdd a oedd y polisi yn bolisi mewnol neu allanol, nodwyd bod y polisi yn bolisi mewnol/allanol, a chydnabuwyd y gallai fod angen newid y polisi ymhellach er mwyn dangos hyn.

Mesur Canlyniadau
Gofynnodd y Bwrdd sut y byddai'r cwmni'n nodi canlyniadau dymunol a sut y byddai'r cwmni'n mesur y canlyniadau. Dywedwyd y byddai'r cwmni'n mapio'r ymrwymiadau ac yn nodi meysydd i'w gwella. Byddai'r cwmni hefyd yn lansio arolygon gweithwyr, y gyfradd ymateb gyfredol oedd 30%, y gobaith oedd cynyddu'r gyfradd ymateb i 100% gan y byddai'n orfodol. Byddai data yn dilyn yr arolwg yn cael ei gadw yn y system Pobl newydd.

Adolygu Iaith Polisi 
Anogodd y Bwrdd y cwmni i adolygu'r iaith yn y polisi ac i ymdrin â'r polisi â mwy o uchelgais.

Llywodraeth Cymru – Polisi Tegwch, Amrywiaeth a Chynhwysiant
Nododd y Bwrdd fod Llywodraeth Cymru wedi diweddaru ei pholisi Tegwch, Amrywiaeth A Chynhwysiant yn ddiweddar.

Cyhoeddi'r Polisi Tegwch, Amrywiaeth a Chynhwysiant
Cadarnhawyd y byddai'r polisi Tegwch, Amrywiaeth a Chynhwysiant yn ddogfen gyhoeddus ac y byddai'n cael ei chyhoeddi ar y rhyngrwyd.

9. Aelodau'r Bwrdd fel llysgenhadon

Cafwyd trafodaeth agored ynglŷn â rôl aelodau'r Bwrdd fel llysgenhadon, cynigiwyd nifer o awgrymiadau megis mynychu swyddfeydd Gyrfa Cymru yn bersonol a'u cynnwys mewn fideos Gyrfa Cymru.

Map Rhanddeiliaid Gyrfa Cymru 
Dywedwyd y byddai'r Bwrdd yn derbyn copi o fap rhanddeiliaid Gyrfa Cymru.

Cam Gweithredu 9: Y Bwrdd i dderbyn copi o fap rhanddeiliaid Gyrfa Cymru

Cylchlythyrau wedi'u teilwra ar gyfer aelodau'r Bwrdd
Awgrymwyd y gallai aelodau'r Bwrdd dderbyn cylchlythyrau wedi'u teilwra gan y dywedwyd bod staff mewnol eisoes yn derbyn cylchlythyrau (Linc).

Diwrnod y Rheolwyr
Bu’r cwmni’n ystyried gwahodd aelodau’r Bwrdd i’r diwrnod Rheolwyr a drefnwyd ar gyfer Chwefror 28.

10. Cenedlaethau dyfodol

Rhoddwyd diweddariad i'r Bwrdd ynghylch eu huchelgeisiau/strategaeth sero net.

Y Strategaeth Sero Net
Dywedodd y cwmni wrth y Bwrdd y byddai eu strategaeth sero net yn cael ei hadolygu gan yr uwch dîm rheoli (UDRh) a chynghorwyd y byddai papur yn mapio ymrwymiadau Gyrfa Cymru i lesiant Deddf Cenedlaethau’r Dyfodol yn cael ei gyflwyno mewn cyfarfod Bwrdd yn y dyfodol.

Cam Gweithredu 10: Papur yn mapio Cenedlaethau'r Dyfodol i'w gyflwyno mewn cyfarfod Bwrdd yn y dyfodol.

Cydweithio â Phartneriaid allanol
Cynigiodd y Bwrdd gysylltu â phartneriaid allanol, megis y Principality o ran rhannu syniadau a pholisïau.

Cam Gweithredu 11: Cydweithio â’r Principality ar brosiect Cenedlaethau’r Dyfodol

Gyrfa Cymru: Allyriadau Mwyaf
Y ddau allyriad mwyaf oedd staff yn teithio a dwy ystafell weinyddion – roedd un ystafell weinyddion eisoes wedi cwblhau ei thrawsnewidiad i'r cwmwl ac roedd y llall yn disgwyl i gael ei symud i'r cwmwl.

Rhannu Arferion Da rhwng y Bwrdd a Gyrfa Cymru
Anogwyd y Bwrdd i rannu arferion da â Gyrfa Cymru ac i'r gwrthwyneb. Roedd diweddariad pellach i'w gyflwyno yng nghyfarfod nesaf y pwyllgor Perfformiad ac Effaith.

11. Diweddariadau pwyllgor

11.1 Pwyllgor Cyllid, Archwilio a Risg
Derbyniodd y Bwrdd ddiweddariad yn dilyn cyfarfod y pwyllgor cyllid, archwilio a risg. Y prif bwyntiau a amlygwyd oedd y derbyniwyd adroddiad barn ddiamod gan Archwilio Cymru. Rhagwelir mantoli’r cyfrifon ar gyfer y flwyddyn gyfredol. Nodwyd y risg ariannol fwyaf arwyddocaol i'r cwmni fyddai’r setliad codiad cyflog.

11.2 Perfformiad ac Effaith
Nodwyd pwyntiau allweddol o'r pwyllgor hwn sef bod strategaeth rieni wedi ei hystyried gyda'r cynllun gweithredol, adroddiad ESTYN a thrafodwyd yr astudiaeth hydredol.

11.3 Pobl sy’n Cyfrif
Dywedodd cadeirydd y Pwyllgor mai’r prif feysydd a drafodwyd oedd cadw staff ac olyniaeth a chanlyniadau cyfweliadau aros, yn ogystal â’r canllawiau cyffredinol a chanllawiau myfyrio ar gyfer prosiect Ein Gweithle yn y Dyfodol. Gofynnodd yr aelodau i'r canllawiau gweithle gael eu dosbarthu i'r Bwrdd cyfan.

Cam Gweithredu12: Bwrdd i dderbyn copi o ganllawiau prosiect gweithle'r dyfodol.

Dogfennau