Amgylchedd

Mae Careers Choices Dewis Gyrfa (CCDG) yn cydnabod bod ei ystod eang o weithgareddau a gwasanaethau yn cael effaith bositif a negyddol ar yr amgylchedd ac mae’n awyddus i reoli a lleihau’r rhain pan fo’n bosibl.

Perfformiad amgylcheddol

Mae ein strategaeth amgylcheddol wedi'i hategu gan ein hamcan i gyflawni targed Llywodraeth Cymru o gael sector cyhoeddus carbon sero net erbyn 2030. 

Mae'r canllawiau'n rhoi pwyslais cryf ar:

• Datgarboneiddio caffael
• Lleihau ynni ystadau
• Trafnidiaeth carbon isel
• Cynhyrchu ynni adnewyddadwy

Mae ein hegwyddorion amgylcheddol cyffredinol wedi'u manylu arnynt yn ein polisi amgylcheddol ac yn cael eu gweithredu a'u monitro gan ddefnyddio system rheoli amgylcheddol sy'n cael ei harchwilio'n flynyddol. Fe wnaethon ni gynnal Safon Amgylcheddol Lefel 4 y Ddraig Werdd, sydd wedi'i hachredu gan Wasanaeth Achredu'r Deyrnas Unedig, yn y flwyddyn ariannol hon.

Sut rydym yn rheoli'r broses

Rydym wedi ymrwymo i wella'n barhaus sut rydym yn lleihau ein heffaith amgylcheddol. Rydym wedi sefydlu dau bwyllgor sy’n goruchwylio gofynion y gwaith monitro ac adrodd yn ein strwythur llywodraethu. Mae gan Grŵp Safleoedd a'r Amgylchedd, dan gadeiryddiaeth ein prif weithredwr, gyfrifoldeb am osod y cyfeiriad strategol ac adolygu cynnydd yn erbyn targedau. Mae’r tîm cyfleusterau yn gyfrifol am oruchwylio’r gwaith o archwilio a chynhyrchu’r data monitro ac am sicrhau bod y penderfyniadau strategol ar gyfer y flwyddyn yn cael eu gweithredu.

Ôl troed carbon

Rydym yn gweithio i leihau ein hôl troed carbon cymaint â phosibl erbyn 2030, yn dilyn canllawiau a gyhoeddwyd gan Lywodraeth Cymru.

Rhan allweddol o'n strategaeth yw lleihau maint ystad ein swyddfeydd ac archwilio cyfleoedd i rannu safleoedd â phartneriaid wrth barhau i ddarparu gwasanaethau lleol. Ein nod yw creu gweithleoedd modern a charbon isel sy'n cefnogi gweithio hybrid ac yn gwneud y defnydd gorau o dechnoleg. Er mwyn bodloni gofynion y strategaeth genedlaethol ‘Ffyniant i Bawb’, byddwn yn sicrhau bod ein portffolio ystadau yn mynd i’r afael ag anghenion y gymuned yr ydym yn gweithredu ynddi.

Er mwyn helpu i leihau ein hallyriadau carbon, byddwn yn parhau i wella ein systemau rheoli amgylcheddol a gwneud defnydd gwell o ddata monitro i osod targedau ac olrhain cynnydd bob blwyddyn.

Mae'r data amgylcheddol yn y tabl isod wedi'i gasglu o'r 24 swyddfa sydd o dan ein rheolaeth yn llwyr a lle rydym yn cael anfonebau'n uniongyrchol gan y cyflenwr ynni, neu anfonebau manwl gan y landlord lle nad ydym ar gyflenwad a rennir. Mae 46 un ar ddeg o'r swyddfeydd hyn â gwres canolog nwy wedi’i osod. Ein bwriad yw cael gwared ar nwy o'n hystad erbyn 2029. Yn ogystal ag adrodd ar ddata amgylcheddol sydd wedi'i gynnwys yn yr adroddiad hwn, rydym hefyd yn adrodd yn flynyddol ar wybodaeth amgylcheddol ychwanegol i Lywodraeth Cymru.

Mae'r adroddiad hwn yn cynnwys amcangyfrif o allyriadau kgCO2 ar gyfer gweithio gartref (57,613 yn ystod y flwyddyn adrodd hon o'i gymharu â 103,884 yn y flwyddyn flaenorol), milltiroedd teithio i'r gwaith (315,239 o'i gymharu â 247,994 yn y flwyddyn flaenorol) ac allyriadau'r gadwyn gyflenwi (677,694 o'i gymharu â 1,059,682 yn adroddiad y flwyddyn flaenorol).

Mae'r ffigurau uchod yn cynrychioli'r defnydd o ynni ar draws busnes Gyrfa Cymru. Yn 2025 i 2026, roedd ein holl swyddfeydd yn gwbl weithredol ac roedd cynnydd yn nifer y staff a oedd yn gweithio o swyddfa; fodd bynnag, rydym yn parhau i weithredu model gweithio hybrid. Yn ystod y flwyddyn, fe wnaethon ni adnewyddu ein swyddfa yn y Barri, gan osod ffenestri sy'n effeithlon o ran ynni, a thynnu'r cyflenwad nwy o'n swyddfa yn Nghastell-nedd. Byddwn yn parhau i fuddsoddi i wella perfformiad amgylcheddol cyffredinol ein swyddfa drwy gael gwared ar foeleri nwy a chynnal mesurau effeithlonrwydd ynni ar draws yr ystad gyfan a, lle bo'n bosibl, trwy osod ynni solar.

Yn y flwyddyn ariannol sydd i ddod, rydym yn bwriadu lleihau ein portffolio ystadau ymhellach drwy roi’r gorau i lesoedd ac rydym yn y broses o werthu swyddfeydd nad ydynt bellach yn diwallu ein hanghenion. Byddwn hefyd yn rhoi mwy o bwyslais ar leihau ein hôl troed carbon mewn perthynas â’n cadwyn gyflenwi drwy gydweithio’n agos â’n cyflenwyr i ddeall yn well pa gyfran o’u hallyriadau gwirioneddol y gellir ei dyrannu i’n cyfrifiadau allyriadau carbon. Mae ein holl dendrau yn cynnwys cwestiynau ar gynlluniau lleihau carbon a chynaliadwyedd amgylcheddol.

Polisi Amgylcheddol