Mae gwahodd cyflogwyr i'r ystafell ddosbarth yn cyfoethogi'r cwricwlwm ac yn dod â dysgu'n fyw.
Pam ymgysylltu â chyflogwyr?
Mae manteision ymgysylltu â chyflogwyr yn cynnwys:
- Helpu disgyblion i ddatblygu eu sgiliau, eu gwybodaeth a'u hyder
- Cynyddu ymwybyddiaeth o gyfleoedd gyrfa a gwaith
- Meithrin dyheadau gyrfa
- Adnabod a herio stereoteipiau
- Nodi rhwystrau a ffyrdd o'u goresgyn
- Rhoi cyd-destun i bynciau gan wneud iddynt deimlo'n fwy perthnasol
- Helpu'r rhai sy'n dylanwadu ar benderfyniadau pwnc a gyrfa plant (athrawon, rhieni a gofalwyr) i ddeall mwy am lwybrau gyrfa a chyfleoedd cyfredol
Pa weithgareddau neu gymorth y gall cyflogwyr eu cynnig?
Gall cyflogwyr gynnig:
- Ymweliad dosbarth gan fodel rôl, naill ai yn bersonol neu drwy alwad fideo
- Gweithdai neu wersi sy'n ymwneud â byd gwaith
- Prosiectau menter neu weithgareddau ar thema gwaith
- Ymweliadau disgyblion â gweithleoedd lle gallant gwrdd â phobl wrth eu gwaith
- Cymorth i ddarparu gweithgareddau allgyrsiol, fel Clwb Codio
Syniadau i helpu i ddechrau ymgysylltu â chyflogwyr.
Canfod a recriwtio cyflogwyr
Gall ysgolion ddod o hyd i gyflogwyr sy'n barod i gefnogi eu disgyblion drwy gysylltu â:
- Llywodraethwyr a'r Gymdeithas Rhieni ac Athrawon
- Rhieni a gofalwyr
- Sefydliadau cymunedol a grwpiau gwirfoddol lleol
- Busnesau lleol, mawr a bach
Mae sawl ffordd o gysylltu â chyflogwyr. Er enghraifft, gallai disgyblion ysgrifennu at fusnesau lleol y maent yn eu gweld ar daith gerdded gymunedol neu gellid gwneud apêl drwy ddefnyddio sianeli cyfryngau cymdeithasol yr ysgol i gyn-ddisgyblion ymuno â chymuned cyn-fyfyrwyr.
Paratoi ar gyfer ymweliad gan gyflogwr â'r ysgol
Er mwyn paratoi ar gyfer ymweliad gan gyflogwyr, bydd angen i ysgolion ddarparu’r canlynol i gyflogwyr:
- Enw cyswllt a manylion athro
- Dyddiad y gweithgaredd
- Amser cyrraedd a hyd y gweithgaredd
- Nifer y myfyrwyr, eu hoedran a'u lefel gallu gan gynnwys unrhyw anghenion dysgu ychwanegol
- Nodau ac amcanion y gweithgaredd
- Gwybodaeth am y pwnc neu'r gweithdy
- Cyfarwyddiadau, gwybodaeth am barcio a ble i adrodd wrth gyrraedd
Cynnal ymweliad gan gyflogwr
I gynnal ymweliad gan gyflogwr bydd angen i ysgolion ddarparu:
- Lle addas i gynnal gweithgareddau
- Staff i gefnogi grwpiau o ddysgwyr
- Cyfleusterau fel socedi pŵer, gliniadur a bwrdd gwyn, lle bod angen
- Gwybodaeth am ddiogelu ac asesiadau risg, lle bod angen
- Lluniaeth