Diddordeb mewn gemau cyfrifiadurol? Dysgwch am y sgiliau sydd eu hangen arnoch, a'r cyfleoedd gyrfa mewn e-chwaraeon.
Gemau fideo cystadleuol yw e-chwaraeon (chwaraeon electronig). Mae gan e-chwaraeon chwaraewyr proffesiynol, dyfarnwyr (a elwir hefyd yn weinyddwyr) ac asiantau fel unrhyw gamp. Ond mae llawer o gyfleoedd eraill ar gyfer gyrfaoedd a gwirfoddoli hefyd.
Mae mwyafrif y bobl yn dechrau drwy ymuno â chymuned ar-lein ar gyfer gêm fideo. O'r fan honno cewch wybod am gystadlaethau, cynghreiriau a thwrnameintiau.
Y sgiliau rydych yn eu hennill drwy gymryd rhan mewn e-chwaraeon
Drwy gymryd rhan mewn e-chwaraeon byddwch yn ennill sgiliau gwerthfawr a all drosglwyddo i lawer o wahanol swyddi. Gallwch ychwanegu eich sgiliau e-chwaraeon neu eich sgiliau chwarae gemau fideo a'ch profiad ar eich CV a'ch ffurflenni cais. Gallwch siarad am y sgiliau rydych wedi'u hennill drwy e-chwaraeon a chwarae gemau fideo mewn cyfweliadau swydd.
Dyma rhai o'r sgiliau rydych chi'n eu hennill o e-chwaraeon:
- Gwaith tîm
- Cyfathrebu
- Datrys problemau
- Gwneud Penderfyniadau
- Sgiliau TG
- Sgiliau arwain
- Gallu meddwl ac ymateb yn gyflym
- Yn gallu arsylwi, dysgu gwybodaeth newydd, craffu, dod o hyd i batrymau, a chymhwyso'r hyn rydych chi'n ei wybod - sgiliau dadansoddol
- Dyfalbarhad a hunanddisgyblaeth i ymarfer a gwella
- Dysgu bownsio'n ôl o fethiant - gwydnwch
- Defnyddio'ch dwylo'n fedrus - deheurwydd â llaw
- Asesu sefyllfa'n glir a gallu meddwl a chynllunio ymlaen - meddwl yn strategol
- Aml-dasgio
Cyfleoedd gyrfa e-chwaraeon
Mae e-chwaraeon yn tyfu'n gyflym ledled y byd ac yn y DU. Tyfodd y sector e-chwaraeon yn y DU o 8.5% rhwng 2016 a 2019. (Ffynhonnell - dolen Saesneg: UKIE). Nid chwaraewyr proffesiynol yn unig sy'n gallu cael gyrfa yn y diwydiant e-chwaraeon.
Isod mae rhai o'r rolau gyrfa sydd ar gael mewn e-chwaraeon:
Technoleg Gwybodaeth
Mae gyrfaoedd TG mewn e-chwaraeon yn cynnwys:
Busnes
Mae rolau busnes mewn e-chwaraeon yn cynnwys:
Marchnata
Mae gyrfaoedd marchnata mewn e-chwaraeon yn cynnwys:
Y cyfryngau a chreadigol
Mae gyrfaoedd yn y cyfryngau mewn e-chwaraeon yn cynnwys:
Minecraft: Education Edition
Athrawon a disgyblion, dysgwch am gystadlaethau e-chwaraeon yn Minecraft: Education Edition
Gwybod mwy am CrefftGyrfaoedd, adnodd addysg gyffrous ac arloesol sydd ar gael ar Minecraft.
Dolenni defnyddiol
(Mae rhai o'r dolenni hyn yn Saesneg yn unig.)
Esports Wales - Cyngor a Gwybodaeth gan gynnwys dolenni i leoliadau chwarae gemau fideo yng Nghymru
Hwb - Gwybodaeth am Academi E-chwaraeon Minecraft Cymru ac yn paratoi i fod yn rhan o Gynghrair Minecraft E-chwaraeon Cymru
British Esports Association - Cyngor a gwybodaeth
Hitmarker - Safle swyddi chwarae gemau fideo ac e-chwaraeon