Menter i ddysgwyr cynradd

Mae gweithgareddau menter yn meithrin y sgiliau a’r meddylfryd sy’n angenrheidiol i wneud y gorau o gyfleoedd.

Mae gennym syniadau, offer ac adnoddau i genfogi gweithgareddau menter mewn lleoliadau cynradd.

Banc Syniadau Mentrus

Mae’r Banc Syniadau Mentrus ar gael i’w lawrlwytho o’r ystorfa adnoddau ar Hwb.

Datblygwyd yr adnodd hwn mewn cydweithrediad â modelau rôl entrepreneuraidd o rwydwaith Syniadau Mawr Cymru. Mae’n cynnwys syniadau i ysbrydoli, cefnogi ac annog addysg entrepreneuriaeth gyda dysgwyr iau.

Mae’r syniadau a’r cynnwys wedi’u cynllunio i ddarparu man cychwyn i ysbrydoli athrawon.

Cystadleuaeth y Criw Mentrus

Gyrfa Cymru sy’n rheoli Cystadleuaeth y Criw Mentrus. Rydym wedi rhoi contract i Cazbah Ltd i gyflwyno hyn mewn ysgolion cynradd ledled Cymru.

Bwriad Cystadleuaeth Y Criw Mentrus yw ysbrydoli creadigrwydd plant, eu sgiliau datrys problemau a gweithio mewn tîm a hynny mewn awyrgylch hwyliog.

Eleni, gall ymgeiswyr hefyd ennill £2,500 i'w hysgol.

Y 3 phrif gategori gwobrau yw:

• Gwobr ECO/Effaith Cynaliadwyedd
• Gwobr Creadigrwydd/Arloesedd
• Gwobr Effaith Cymdeithasol/Cymunedol

Pwy sy’n gymwys?

Mae’r gystadleuaeth yn agored i holl ysgolion cynradd Cymru.

Rhaid i’r ceisiadau fod yn weithgaredd a arweinir gan ddisgyblion ac yn seiliedig ar waith tîm.

Rhaid i’r busnesau cymwys fod wedi bod yn weithredol yn ystod unrhyw adeg rhwng Ionawr 2024 a’r dyddiad cau, sef 16 o Fehefin 2025.

Rhagor o wybodaeth

Ewch i Syniadau Mawr Busnes Cymru i gofrestru a chael mynediad at adnoddau i’ch cynorthwyo gyda’ch cais. Rhaid cyflwyno’r holl geisiadau erbyn 4pm ar 16 o Fehefin 2025.

E-bostiwch ycriwmentrus@cazbah.cymru i gael rhagor o wybodaeth am y gystadleuaeth.

Efallai y byddech hefyd yn hoffi