Rhaglen Gyrfaoedd yn Eich Cwricwlwm

Mae’r Rhaglen Gyrfaoedd yn Eich Cwricwlwm yn paratoi ymarferwyr i ymgorffori addysg gyrfaoedd a phrofiadau cysylltiedig â byd gwaith ar draws y cwricwlwm.

Mae addysg gyrfaoedd a phrofiadau cysylltiedig â byd gwaith yn thema trawscwricwlaidd yn y Cwricwlwm i Gymru. Mae hyn yn golygu bod yn rhaid i ysgolion a lleoliadau eraill roi sylw i’r cynnwys hwn ar draws pob Maes.

Ar gyfer pwy mae'r rhaglen hon

Mae'r rhaglen hon ar gyfer athrawon mewn:

• Ysgolion cynradd
• Ysgolion uwchradd
• Ysgolion arbennig
• Unedau Cyfeirio Disgyblion

Byddwn yn darparu rhaglenni cynradd ac uwchradd ar wahân i sicrhau bod y deunyddiau'n addas ar gyfer pob lefel. Nid yw'r rhaglen hon wedi'i hachredu.

Mae Cymhwyster Arweinyddiaeth Gyrfaoedd Lefel 6 gennym hefyd.

Beth mae'r rhaglen yn ei gynnwys

Mae'r rhaglen yn darparu hyfforddiant i gefnogi cynllunio, dylunio ac arwain ar yrfaoedd a phrofiadau byd gwaith.

Y tri phrif bwnc yw:

1. Pwysigrwydd gyrfaoedd a phrofiadau byd gwaith yn y cwricwlwm
2. Gyrfaoedd a phrofiadau byd gwaith yn ymarferol
3. Gwireddu gyrfaoedd a phrofiadau byd gwaith yn eich cwricwlwm

Mae'r rhaglen yn cefnogi:

• Creu rhaglen addysg gyrfaoedd a phrofiadau cysylltiedig â byd gwaith sy'n helpu pob dysgwr i lwyddo
• Ymarferwyr i fod â gweledigaeth glir ar gyfer gyrfaoedd a phrofiadau byd gwaith yn y cwricwlwm
• Datblygu sgiliau, gwybodaeth a phrofiadau
• Effaith a gwelliant parhaus gyrfaoedd a phrofiadau â byd gwaith
• Gweithio gydag athrawon eraill i rannu gwybodaeth ac arferion gorau

Pryd a sut mae'r rhaglen yn cael ei chyflwyno

1 diwrnod llawn, wedi'i gyflwyno'n ddigidol.

Cynradd - dewis o sesiynau ar 23 Ionawr neu 4 Mehefin 2025

Uwchradd - dewis o sesiynau ar 22 Ionawr neu 5 Mehefin 2025

Os ydych chi'n Uned Cyfeirio Disgyblion neu'n Ysgol Arbennig, gallwch ddewis pa gwrs bynnag rydych chi'n teimlo fydd fwyaf addas i'ch anghenion. Os oes gennych unrhyw gwestiynau am hyn, e-bostiwch y tîm cwricwlwm.

Archebu lle

Bydd dolen i archebu lle ar gyfer y digwyddiad hwn ar gael yn fuan.

Mwy o wybodaeth

Am fwy o wybodaeth, anfonwch e-bost at y tîm cwricwlwm.

Gweler Digwyddiadau Dysgu Proffesiynol am fanylion ein cyrsiau eraill.

Efallai y byddech hefyd yn hoffi