Syniadau Mawr Cymru

Rhaglen gan Lywodaeth Cymru sy'n annog pobl ifanc i ddatblygu sgiliau menter yw Syniadau Mawr Cymru.

Mae Gyrfa Cymru yn cyflwyno’r rhaglen model rôl i ddysgwyr 11 i 16 oed. Cyflwynir y rhaglen drwy weithdai model rôl. Mae'r gweithdai yn galluogi dysgwyr ac athrawon i gyfarfod a rhyngweithio ag entrepreneuriaid a pherchnogion busnes.

Gweithdai modelau rôl

Mae modelau rôl Syniadau Mawr Cymru yn ymweld ag ysgolion i gyflwyno eu gweithdai. Mae'r gweithdai yn addas ar gyfer unrhyw grŵp blwyddyn.

Mae'r gweithdai yn dal dychymyg pobl ifanc. Maent yn annog dysgwyr i agor eu meddyliau i syniadau newydd ac entrepreneuriaeth.

Nid oes dim byd gwell na chwrdd â model rôl yn bersonol, ond gallwn hefyd drefnu sesiynau digidol.

Darllenwch fwy am fanteision cysylltu â chyflogwyr ar ein tudalen cymorth i ysgolion gan gyflogwyr.

Y modelau rôl

Mae rhwydwaith mawr o fodelau rôl Syniadau Mawr Cymru ledled Cymru. Maent yn dod o wahanol gefndiroedd, diwylliannau a sectorau busnes. Mae gan bob un ohonynt y nod cyffredin o ysbrydoli pobl ifanc.

Mae modelau rôl Syniadau Mawr Cymru i gyd wedi sefydlu a rhedeg eu busnesau eu hunain.

Yn ystod gweithdy maent yn:

• Cyfathrebu'n onest am realiti bod yn fos arnyn nhw eu hunain
• Trosglwyddo eu hangerdd am greadigrwydd a llwyddiant
• Helpu pobl ifanc i feddwl yn gadarnhaol am eu dyfodol eu hunain

Maen nhw'n bobl ysbrydoledig ac mae ganddyn nhw straeon anhygoel i'w rhannu. Darllenwch fwy am eu straeon ar safle Busnes Cymru.

Trefnu gweithdy i'ch dysgwyr

E-bostiwch ni i ddysgu mwy a bydd un o'n tîm mewn cysylltiad.

Canllaw ymarferol ar ddechrau busnes i bobl ifanc 12 i 16 oed

Mae gan ein llyfryn, ‘Felly, rydych chi am fod yn entrepreneur?’ (Syniadau Mawr Cymru), wybodaeth ac adnoddau i helpu pobl ifanc 12 i 16 oed i archwilio pob agwedd ar sefydlu eu busnes eu hunain.

Mae gennym hefyd ganllaw i helpu athrawon, rhieni a gofalwyr (Syniadau Mawr Cymru) i gefnogi person ifanc sydd am ddechrau busnes.

Efallai y byddech hefyd yn hoffi