Mae cyflogi prentis yn ffordd gost-effeithiol i chi recriwtio staff newydd. Gallwch adeiladu gweithlu gyda'r sgiliau sydd eu hangen ar eich busnes.
Mae busnesau o bob maint yng Nghymru yn gymwys.
Mae gan Gymru ei rhwydwaith ei hun o ddarparwyr hyfforddiant dan gontract sy’n darparu ac yn gweinyddu prentisiaethau.
Y Rhaglen Brentisiaethau yng Nghymru
Mae gan wefan Busnes Cymru wybodaeth am brentisiaethau i gyflogwyr.
Mae'r offer a'r wybodaeth yn cynnwys:
- Ffurflen mynegi diddordeb
- Manylion cyswllt ar gyfer darparwyr hyfforddiant Rhaglen Brentisiaethau Llywodraeth Cymru ledled Cymru
- Pecyn cymorth i gyflogwr
Recriwtio prentis
Mae canllawiau recriwtio prentis ar wefan Llywodraeth Cymru.
Mae'n cynnwys:
- Y manteision
- Cyllid a chymhwystra
- Lefelau a fframweithiau prentisiaeth
- Yr Ardoll Brentisiaethau
- Sut i recriwtio – Gwasanaeth Prentisiaethau Gwag
Hysbysebu prentisiaeth
Gall cyflogwyr ddefnyddio'r Gwasanaeth Prentisiaethau Gwag i hysbysebu cyfleoedd prentisiaeth. Mae cyflogwyr sy'n cynnig prentisiaethau yn cael eu hannog i lanlwytho crynodeb o'u sefydliad.
Prentisiaethau Gradd
Gall cyflogwyr gynnig prentisiaeth gradd mewn partneriaeth â phrifysgol yng Nghymru. Gallant fod mewn TG, peirianneg neu weithgynhyrchu uwch. Mae gan wefan Busnes Cymru wybodaeth am brentisiaethau gradd. Mae yna hefyd ffurflen mynegi diddordeb.
Efallai y byddech hefyd yn hoffi
Dysgu am reoliadau ar gyfer cyflogi pobl ifanc gan gynnwys oriau gwaith, oedran a chyflog.
Mae prentisiaeth yn swydd lle rydych chi'n ennill cymwysterau cydnabyddedig tra byddwch chi'n gweithio. Dysgwch am gymhwysedd, cyflog, gwybodaeth am hyfforddiant a'r amrywiaeth o brentisiaethau sydd ar gael.
Dysgwch am brentisiaethau gradd yng Nghymru ac archwiliwch y cyfleoedd sydd ar gael.