Prentisiaethau gradd

Beth yw prentisiaethau gradd?

Mae prentisiaethau gradd yn gweithio'n wahanol ar draws y DU. Mae'r dudalen hon yn trafod prentisiaethau gradd yng Nghymru.

Mae prentisiaeth gradd yng Nghymru yn rhoi'r cyfle i gyfuno gweithio gydag astudio rhan-amser yn y brifysgol.

Gall cyflogwyr yng Nghymru gynnig prentisiaeth gradd mewn bartneriaeth â phrifysgol yng Nghymru. Mae'r cyflogwr yn talu cyflog y prentis gyda Medr yn ariannu'r ffioedd dysgu yn llawn.

Mae prentisiaid gradd yn gweithio ochr yn ochr â gweithwyr profiadol er mwyn ennill sgiliau ymarferol a phrofiad wrth astudio i ennill eu gradd.

Pa mor hir yw prentisiaeth gradd?

Bydd prentisiaeth gradd yn para o leiaf tair blynedd ac fel arfer hyd at uchafswm o bum mlynedd. Mae prentisiaid gradd yn cael eu cyflogi a'u talu drwy gydol y cwrs.

Mae'r prentisiaethau'n rhedeg drwy gydol y cwrs gradd gyda phrentisiaid yn treulio rhan o'u hamser yn y brifysgol a'r gweddill gyda'u cyflogwr.

Beth yw'r manteision i brentisiaid gradd?

Mae prentisiaid gradd:

• Yn cael eu cyflogi
• Yn cael cyflog
• Yn ennill gradd neu gymhwyster lefel uwch arall
• Ddim yn talu ffioedd cwrs
• Yn dysgu gan gydweithwyr a staff addysgu
• Yn gallu cymhwyso eu dysgu ar unwaith
• Yn datblygu gwybodaeth, profiad a sgiliau gwerthfawr

Pwy sy'n gallu gwneud cais?

Mae angen i ymgeiswyr:

• 18 oed neu drosodd – nid oes terfyn oedran uchaf
• Bod yn gweithio yng Nghymru am 51% neu fwy o'u hamser
• Wedi cael ei recriwtio i, neu mewn swydd sy'n briodol i'r brentisiaeth
• Cwrdd â gofynion mynediad y brifysgol ar gyfer y brentisiaeth radd

Fel arfer byddai gan y prentis gradd gymhwyster lefel 3 neu gyfwerth er mwyn bod yn gymwys ar gyfer prentisiaeth gradd. Gwiriwch gyda'r brifysgol am ofynion mynediad prentisiaeth gradd.

Gallwch wneud prentisiaeth os oes gennych radd neu gymhwyster arall.

Ni allwch ddechrau prentisiaeth os ydych yn dal i fod mewn addysg llawn amser neu ran-amser.

Am ragor o wybodaeth am wneud cais am brentisiaeth gradd, cysylltwch â ni yn Gyrfa Cymru neu cysylltwch â'r prifysgolion yn uniongyrchol.

Prentisiaethau gradd sydd ar gael yng Nghymru

Gall cyflogwyr yng Nghymru gynnig prentisiaeth gradd mewn TG, peirianneg, adeiladu, neu weithgynhyrchu uwch drwy bartneriaeth â phrifysgol yng Nghymru.

Ewch i dudalen prentisiaethau gradd pob prifysgol i gael gwybodaeth fanwl am y cyrsiau sydd ar gael:

• Prifysgol Abertawe
• Prifysgol Bangor
• Prifysgol Caerdydd – Yr Ysgol Peirianneg
• Prifysgol Cymru y Drindod Dewi Sant
• Prifysgol De Cymru
• Prifysgol Glyndŵr Wrecsam
• Prifysgol Metropolitan Caerdydd (dolen Saesneg)
• Y Brifysgol Agored yng Nghymru (dolen Saesneg)

Dewch o hyd i brentisiaethau lefel uwch neu radd eraill

Mae cyfleoedd ar gyfer prentisiaethau uwch neu brentisiaethau gradd ar gael mewn ystod eang o feysydd pwnc ledled Cymru a'r DU.

Network75

Mae gan Brifysgol De Cymru raglen Rhwydwaith75. Mae hwn yn lleoliad gwaith cyfunol a llwybr astudio rhan-amser i radd. Telir ffioedd dysgu myfyrwyr Rhwydwaith75 yn llawn ac maent yn cael bwrsariaeth.

Cyflogwyr sy'n cynnig Prentisiaethau

Archwiliwch ein rhestr o gyflogwyr sy'n cynnig prentisiaethau lefel uwch a gradd.

Rydych yn gwneud cais am brentisiaeth gradd gyda chyflogwr yn yr un ffordd ag y byddech am swydd arferol. Bydd swyddi gwag prentisiaeth gradd yn cynnwys manylion am sut i wneud cais.

Lloegr, yr Alban a Gogledd Iwerddon

Mae prentisiaethau gradd yn gweithio'n wahanol ar draws y DU:

• Lloegr – ewch i wefan Prospects (dolen Saesneg) i ddysgu mwy am y mathau o brentisiaethau gradd sydd ar gael
• Yr Alban – yn yr Alban gelwir prentisiaethau gradd yn brentisiaethau graddedig. Ewch i Apprenticeships.Scot (dolen Saesneg) i ddysgu mwy
• Gogledd Iwerddon – yng Ngogledd Iwerddon gelwir prentisiaethau gradd yn Brentisiaethau lefel uwch. Ewch i nidirect (dolen Saesneg) i ddysgu mwy

Gallwch hefyd ddod o hyd i wybodaeth ar wefan UCAS (dolen Saesneg).

Beth yw’r manteision i gyflogwyr?

Mae prentisiaethau gradd yn hyblyg – gellir eu cynllunio o amgylch anghenion y cyflogwr.

Gall manteision i gyflogwyr gynnwys:

• Lenwi bylchau sgiliau
• Dod o hyd i dalent newydd
• Costau recriwtio is
• Help gyda thwf busnes

Gall busnesau o unrhyw faint yng Nghymru gymryd prentisiaid gradd. Gall cyflogwyr ddysgu mwy a chofrestru eu diddordeb ar wefan Busnes Cymru.

Archwilio