Gwella'r sgiliau a'r cryfderau sydd gennych, a chynyddu eich cyfleoedd i gael swydd, dyrchafiad neu newid gyrfa.
8 ffordd o wella'ch sgiliau
1. Ennill profiad
Mae gwneud profiad gwaith, neu wirfoddoli yn rhoi cyfle i chi wella'ch sgiliau ac i ddysgu sgiliau newydd.
2. Dilyn cyrsiau hyfforddi
Chwiliwch am hyfforddiant sy'n seiliedig ar sgiliau neu ewch ati i ddilyn cyrsiau am eu bod o ddiddordeb i chi. Gall dilyn cyrsiau wella eich sgiliau ymchwil, a’ch hunan-gymhelliant i astudio a dysgu.
3. Ymarfer
Ymarfer defnyddio'ch sgiliau. Er enghraifft, os ydych chi am wella'r ffordd rydych chi'n siarad ar y ffôn, ffoniwch bobl yn amlach.
4. Dysgu gan eraill
Dewch o hyd i bobl sy'n dda yn y sgil rydych chi am ei gwella. Arsylwch a gwrandewch arnynt wrth eu gwaith. Gofynnwch iddyn nhw eich mentora neu eich addysgu.
5. Bod yn agored i adborth ac awgrymiadau
Weithiau gall fod yn anodd gwrando ar feirniadaeth, ond cadwch feddwl agored gan ddysgu o’r adborth y mae eraill yn ei cynnig.
6. Rhoi cynnig ar her newydd
Rhowch gynnig ar rywbeth newydd i ddysgu sgiliau newydd neu i brofi’ch sgiliau. Er enghraifft, beth am ddechrau hobi newydd, rhoi cynnig ar chwaraeon newydd, neu ddysgu iaith.
7. Dod o hyd i gyfleoedd dysgu yn y gwaith
Os ydych mewn gwaith, cadwch lygad am gyfleoedd hyfforddi. Efallai yr hoffech ofyn am y cyfle i gysgodi yn y gwaith, neu cael eich mentora i gynyddu eich sgiliau os yw'n briodol i'ch amgylchedd gwaith.
8. Canolbwyntio ar y cadarnhaol
Mae gennych sgiliau a chryfderau’n barod. Rhaid i chi gofio yr hyn rydych chi'n ei wneud yn dda. Bydd hyn yn eich helpu wrth i chi ganolbwyntio ar wella a dysgu sgiliau.
Os nad ydych chi’n siŵr beth yw eich sgiliau a'ch cryfderau, dysgwch sut i adnabod eich sgiliau a'ch cryfderau.
Gallwch roi cynnig ar y Cwis Paru Gyrfa. Ar ôl cwblhau’r Cwis Paru Gyrfa, gallwch raddio eich sgiliau i weld beth yw’ch cryfderau, a beth sydd angen i chi wella.
Efallai y byddech hefyd yn hoffi
![](/sites/default/files/styles/3_2/public/2022-07/Thumbnail%20skills%20and%20strengths%20employers%20want.jpg?itok=8IEA8ct1)
Cynyddwch eich cyfle o gael gwaith trwy baru eich sgiliau a'ch cryfderau â'r hyn y mae cyflogwyr eisiau.
![](/sites/default/files/styles/3_2/public/2022-07/Thumbnail%20identify%20your%20skills%20and%20strengths.jpg?itok=6szu4mb1)
Ffyrdd o ddarganfod eich sgiliau a'ch cryfderau. Bydd adnabod eich sgiliau a'ch cryfderau yn cynyddu eich hyder, ac yn gymorth i gael swydd.
![](/sites/default/files/styles/3_2/public/2019-01/Howto-Get-Experience.jpg?itok=6qKMVp2w)
Mae cyflogwyr yn gwerthfawrogi profiad. Cewch wybod sut mae ei gael, gan gynnwys drwy brofiad gwaith, gwirfoddoli ac interniaeth.