Stori JCB

Mae JCB yn un o’r tri gwneuthurwr offer adeiladu gorau yn y byd. Mae’r cwmni wedi ysbrydoli llawer o bobl ifanc i ddilyn gyrfa ym maes adeiladu.

Gweithio gyda Gyrfa Cymru

Mae JCB wedi cefnogi llawer o weithgareddau gan gynnwys:

• Sgyrsiau prentisiaid
• Ffug gyfweliadau
• Digwyddiadau Dewiswch Eich Dyfodol
• Rhwydweithio ymhlith cyflogwyr
• Diwrnod canlyniadau ffug
• Sgyrsiau cyn-fyfyrwyr

Mae JCB hefyd yn Bartner Ysgol Gwerthfawr gydag Ysgol y Grango.

Gweithio gyda’r ysgol

Mae gan JCB ystafell ddosbarth bwrpasol ar gyfer dysgwyr. Craig Weeks yw Rheolwr Cyffredinol JCB Transmissions yn Wrecsam. Mae’n siarad â grwpiau disgyblion cyn ac ar ôl iddynt fynd ar daith o amgylch y cyfleuster gweithgynhyrchu.

Mae JCB hefyd wedi rhoi lluniau mawr o’u hoffer ar gyfer ystafelloedd dosbarth peirianneg mewn ysgolion. Maen nhw’n gobeithio y bydd y delweddau’n hybu ac yn ysbrydoli gyrfaoedd mewn peirianneg.

Enillwyr Gwobrau

Cyflwynwyd Gwobr Partner Gwerthfawr i JCB gan Gyrfa Cymru ym mis Tachwedd 2023. Enillon nhw yn y categori Newydd-ddyfodiad Gorau. Roedd hyn yn cydnabod ymgysylltiad a phartneriaeth ddiweddar y cwmni â Gyrfa Cymru.

Mae cynghorydd ymgysylltu busnes Gyrfa Cymru, Lesley Lloyd, yn gweithio’n agos gyda Craig a JCB. Dywedodd hi: “Mae’r gefnogaeth gan JCB wedi bod yn wych.

Mae ymrwymiad Craig i ysbrydoli pobl ifanc wedi bod heb ei ail.” “Mae eisiau creu partneriaethau ystyrlon a hirhoedlog gydag ysgolion. Mae’n frwd dros ysbrydoli pobl yn Wrecsam i weld JCB fel cyflogwr o ddewis.”

Dywedodd Craig Weeks: “Dyma ddechrau taith i ni. Rydym wedi ein syfrdanu gyda’r wobr hon, ac ni allaf aros i barhau â’r gwaith gyda Gyrfa Cymru yn y dyfodol.”

Archwilio