Gallwch helpu pobl ifanc i ddysgu mwy am fyd gwaith fel eu bod yn barod i fod yn weithwyr i chi yn y dyfodol. A allech chi roi amser i siarad â phobl ifanc?
Sut mae Gyrfa Cymru yn helpu?
Mae'r Bartneriaeth Addysg Busnes @ Gyrfa Cymru yn dod ag ysgolion a busnesau ynghyd i hysbysu, ysbrydoli a chymell pobl ifanc am eu cyfleoedd gyrfaol.
Ein nod yw sicrhau bod gan bob ysgol bartneriaeth effeithiol gyda chyflogwyr.
Pam cymryd rhan?
Fel partner i ysgol, gallwch roi cymhelliant, ysbrydoliaeth, gwybodaeth a phrofiadau i bobl ifanc er mwyn eu helpu i gyflawni eu potensial.
Mae ymchwil gan y Tasglu Addysg a Chyflogwyr yn dangos bod cymryd rhan mewn gweithgareddau gyda chyflogwyr yn:
-
Newid agweddau disgyblion at addysg
-
Dylanwadu ar gynlluniau gyrfa a dewisiadau pwnc disgyblion
- Cymell disgyblion i astudio'n galetach
- Helpu disgyblion i gael graddau gwell
Drwy gymryd rhan, byddwch hefyd yn help:
- I ddiogelu eich busnes ar gyfer y dyfodol
- I gefnogi economi Cymru
- I godi proffil eich busnes
Pa weithgareddau y gallai ei gynnwys?
Mae yna amrywiaeth o ffyrdd y gallech chi gymryd rhan mewn ysgol. Gallai gynnwys:
- Cyflwyno gweithdy neu ddosbarth meistr i ddisgyblion
- Cynnal ymweliadau â'ch cwmni ar gyfer athrawon/myfyrwyr
- Cynnig profiad gwaith
- Cynnal sesiynau blasu
- Rhoi cyngor a chymorth
- Mynd i ffeiriau gyrfaoedd
Sut mae cymryd rhan
Gall Gyrfa Cymru eich helpu i wneud y cyswllt cyntaf hwnnw ac adeiladu partneriaethau gydag ysgolion. Efallai y bydd hynny'n dechrau drwy gofrestru eich manylion ar y Gyfnewidfa Addysg Busnes (CAB) i roi gwybod i ysgolion y gallwch neilltuo rhywfaint o amser i helpu.
Mae’r Gyfnewidfa Addysg Busnes (CAB) yn gronfa ddata o gyflogwyr ledled Cymru sy’n awyddus i weithio gydag ysgolion mewn amrywiaeth o wahanol ffyrdd. Gall ysgolion chwilio am gyflogwyr yn eu hardal a gofyn am eich cefnogaeth drwy Gyrfa Cymru.
E-bostiwch ni i gael gwybod mwy ac i ddechrau arni.
Lawrlwytho
Edrychwch ar y fideo i wybod mwy am sut mae'r Gyfnewidfa Addysg Busnes yn gweithio
Menter Partneriaid Gwerthfawr Ysgolion
Dysgwch ragor am Fenter Partneriaid Gwerthfawr Ysgolion.
Astudiaethau Achos Cyflogwr
RWE Renewables yn dod yn bartner gwerthfawr ysgol drwy gefnogi gweithgareddau addysg busnes ym Mhort Talbot, gan dynnu sylw at gyfleoedd yn y sector ynni adnewyddadwy yn y dyfodol.
Drwy ddatblygu partneriaeth werthfawr gydag ysgolion yn Wrecsam, gall DTCC ddiogelu eu busnes ar gyfer y dyfodol, cefnogi economi Cymru a chodi proffil ei fusnes.
Mae Griffiths yn gweithio mewn partneriaeth â Gyrfa Cymru i godi ymwybyddiaeth o yrfaoedd yn y diwydiannau Peirianneg Sifil ac Adeiladu.
Llwyddodd Taylor i gael prentisiaeth peirianneg gyda Wales & West Utilities oherwydd ei hoffter o bynciau STEM.
Mae Kim Jones, Rheolwr Manwerthu’r Gangen yn HSBC Llandrindod, yn annog cyflogwyr i gymryd rhan yng Nghyfnewidfa Addysg Busnes Gyrfa Cymru.
Mae Elin Aaron yn rhedeg bwyty a thŷ llety teuluol bach wrth odre’r Wyddfa ac mae’n credu mewn cefnogi ysgolion lleol. Dyma’i hanes...
Mae Celtic Horizons wedi cael cydnabyddiaeth am y gwaith mae’n ei wneud mewn ysgolion er mwyn ysbrydoli pobl ifanc i gael gyrfa yn y diwydiant adeiladu.
I ddathlu Diwrnod Rhyngwladol Menywod mewn Peirianneg, dyma stori Anik Cartwright sy’n dangos sut mae’n ysbrydoli’r genhedlaeth nesaf o beirianwyr benywaidd.
Hysbysiadau preifatrwydd
Mae Career Choices Dewis Gyrfa Ltd (“Gyrfa Cymru”) yn is-gwmni sy'n eiddo llwyr i Lywodraeth Cymru.
Mae'r hysbysiadau preifatrwydd hyn yn egluro sut mae Gyrfa Cymru (fel rheolwr data) yn cydymffurfio â deddfau amddiffyn y Deyrnas Unedig a chanllawiau gan Swyddfa'r Comisiynydd Gwybodaeth (“ICO”). Mae hyn yn cwmpasu'r wybodaeth sydd gennym amdanoch chi (gan gynnwys cynnwys fideo), sut rydym yn ei ddefnyddio a'r sefydliadau rydym yn rhannu'r wybodaeth â nhw.
Mae'r hysbysiadau preifatrwydd yn berthnasol i wasanaethau ymgysylltu â chyflogwyr Gyrfa Cymru, lle rydym yn hwyluso cysylltiadau rhwng cyflogwyr neu gyn-fyfyrwyr ac ysgolion. Bydd unrhyw newidiadau i'r hysbysiadau preifatrwydd yn cael eu postio yma ac rydym yn awgrymu eich bod yn ailedrych ar yr hysbysiadau wrth i chi ddefnyddio gwasanaethau Gyrfa Cymru dros amser:
Efallai y byddech hefyd yn hoffi
Gwybod mwy am y cyllid i brentisiaethau yng Nghymru a sut i hysbysebu swyddi gwag.
Rhaglen ddysgu ar gyfer pobl ifanc rhwng 16 ac 18 oed yw hyffordeiaethau. Cefnogwch berson ifanc trwy roi profiad gwaith i hyfforddeiaeth yn eich busnes.