Dyddiau agored mewn prifysgolion

Mae dyddiau agored yn ffordd wych o ddysgu mwy am brifysgolion a’r cyrsiau y maent yn eu cynnig.

Paratoi cyn y diwrnod agored

Gwnewch ychydig o waith cartref o flaen llaw. Mae’n wastraff braidd pan fyddwch chi’n cyrraedd yno heb wybod beth ydych chi eisiau wybod.”
Aimee, myfyriwr blwyddyn 1af

Os am gael y gorau o’r diwrnod, dylech ystyried yr hyn hoffech chi ei ddysgu a’i weld cyn i chi fynd:

Meddyliwch pa gyrsiau sydd o ddiddordeb i chi
Edrychwch ar wefan y brifysgol, ac argraffwch fap o’r campws i ddod yn gyfarwydd â’r lle
Edrychwch ar ddewisiadau o ran llety, a pha rai yr ydych chi eisiau eu gweld
Dysgwch pa mor bell yw’r brifysgol o’r ddinas neu’r dref
Trefnwch apwyntiad i ymweld â gwasanaethau myfyrwyr i wybod pa gymorth y gallant ei gynnig i chi
Cynlluniwch eich diwrnod. Trefnwch eich cynlluniau teithio yn fuan
Nodwch pa gwestiynau hoffech chi eu gofyn

Gwneud y gorau o’r diwrnod pan fyddwch chi yno

Ewch i gymaint o sgyrsiau ac ymweliadau adran ag sy’n bosibl.”
George, myfyriwr 2il flwyddyn

Beth i’w ofyn a ble i ymweld:

Dysgwch bopeth y gallwch ynglŷn â’r cwrs
- Sut caiff y cwrs ei ddysgu?
- Beth yw’r modiwlau?
- Sut fyddwch chi’n cael eich asesu?
- Sawl darlith sydd bob wythnos?
Ewch ar daith tywys o gwmpas y campws er mwyn gweld pa gyfleusterau sydd yno
Ewch i edrych ar lety myfyrwyr a dysgu sut i ymgeisio. Mae bod yn fodlon gyda’ch llety yn rhan bwysig iawn o fwynhau eich profiad yn y brifysgol
Ymwelwch â'r gwasanaethau myfyrwyr i wybod am y gefnogaeth y gallant ei gynnig
Ewch i’r undeb myfyrwyr ac i gyfleusterau eraill fel y ganolfan chwaraeon. Pa glybiau hoffech chi ymuno?
Ewch i weld y dref neu’r ddinas agosaf. Ystyriwch lle gallech chi gael swydd ran-amser
Os na allwch chi weld popeth mewn un ymweliad, trefnwch un arall