Stori Castell Howell

Dros y 10 mlynedd diwethaf mae Bwydydd Castell Howell wedi rhoi llawer o gyfleoedd i ddysgwyr ddod i wybod am fyd gwaith.

Mae Bwydydd Castell Howell yn un o brif ddarparwyr gwasanaethau bwyd y Deyrnas Unedig. Mae nhw wedi cefnogi Gyrfa Cymru ac ysgolion ers degawd.

Maent wedi cefnogi gweithgareddau sy’n cynnwys:

• Ffug gyfweliadau
• Cyflwyniadau prentisiaeth
• Cyfoethogi’r cwricwlwm
• Ymweliadau safle i fyfyrwyr yn eu prif swyddfa a warws

Her Gyrfaoedd Blasus

Helpodd Bwydydd Castell Howell i gychwyn yr Her Gyrfaoedd Blasus yng Ngorllewin Cymru.

Roedd yr her hon yn cynnwys 14 o ysgolion a mwy na 900 o fyfyrwyr. Roedd yn gofyn i ddysgwyr wneud prydau iach gan ddefnyddio cynhyrchion lleol.

Nod y gystadleuaeth oedd amlygu cyfleoedd yn y diwydiant bwyd. Roedd hefyd yn helpu dysgwyr i ddatblygu sgiliau pwysig.

Ymunodd Bwydydd Castell Howell â busnesau lleol. Gyda’i gilydd, fe wnaethon nhw ddarparu gwobrau a noddi rownd derfynol yr Her Gyrfaoedd Blasus.

Wedi’r cystadlu, bu’r cwmni’n cydweithio ag ysgol Maes Y Gwendraeth. Gwnaethon nhw ddatblygu’r cynnyrch buddugol a’i ychwanegu at y cynnyrch sydd ganddynt i’w cynnig.

Enillwyr Gwobrau

Cyflwynodd Gyrfa Cymru Wobr Dengmlwyddiant Cyflawniad Eithriadol i Bwydydd Castell Howell.

Roedd y wobr yn cydnabod eu hymrwymiad eithriadol i gefnogi pobl ifanc yn eu cymuned.

Dywedodd Ed Morgan, Rheolydd Grŵp Cyfrifoldeb Cymdeithasol Corfforaethol a Hyfforddiant yn Castell Howell, “Mae’n anrhydedd gwirioneddol ennill Gwobr Partner Gwerthfawr Gyrfa Cymru. Mae cynifer o gwmnïau yn gwneud pethau gwych iawn, ac rydym yn un o lawer. Rydyn ni’n teimlo’n ffodus iawn i ennill.”

Mae cynghorydd ymgysylltu busnes Gyrfa Cymru, Aled Evans, yn gweithio gyda Bwydydd Castell Howell.

Dywedodd, “Does neb mwy haeddiannol fel enillydd y Wobr Dengmlwyddiant Cyflawniad Eithriadol na Bwydydd Castell Howell. Dros y blynyddoedd maent wedi croesawu newidiadau a phrosiectau newydd. Maen nhw hefyd yn annog busnesau eraill i weithio gyda ni i gefnogi ysgolion a dysgwyr.”

Archwilio