Llythyr cais enghreifftiol - Newid gyrfa

Bwrdd Iechyd Prifysgol Caerdydd a'r Fro
Parc Heath
Caerdydd
CF14 4XW

19 Mawrth 2021

Jack Neill
11 Stone House Court
Porth
CF1 5SD
Rhif ffôn: 01995 387621
Ffôn symudol: 07800 0001111
E-bost: jackneill@esiamplebost.co.uk

Annwyl Syr/Fadam,

Hoffwn wneud cais am y swydd Rheolwr Gwasanaeth Iechyd yr ydych wedi'i hysbysebu ar eich gwefan.

Mae gen i 8 mlynedd o brofiad o weithio fel Nyrs Iechyd Meddwl ac yn fwyaf diweddar fel rheolwr safle adeiladu yn gweithio ar amrywiaeth o brosiectau adeiladu yn amrywio o byllau nofio, ysgolion ac adeiladau uchel. Yn ystod y 10 mlynedd diwethaf rwyf wedi gweithio ar brosiectau ledled Cymru, y DU ac Ewrop ac wedi delio ag amrywiaeth o wahanol bobl i sicrhau bod prosiectau wedi'u cwblhau. Mae gen i sgiliau cyfathrebu a threfnu arbennig ac rwy'n gweithio'n eithriadol o dda o dan bwysau.

Teimlaf fy mod wedi cyflawni'r hyn a allaf yn y diwydiant adeiladu. Rwyf bob amser wedi bod â diddordeb yn y sector iechyd a byddwn wrth fy modd yn gallu dychwelyd a defnyddio fy mhrofiad rheoli. Credaf y byddai fy sgiliau presennol yn amhrisiadwy i'r swydd hon. Yn fy rôl bresennol, rwy'n gyfrifol am reoli rhwng 10 a 150+ o dimau adeiladu, yn amserlennu eu gwaith, yn arolygu gwaith, yn cefnogi’r gwaith o gynllunio prosiectau ac yn ysgrifennu gweithdrefnau iechyd a diogelwch ar gyfer y safleoedd adeiladu. Rwyf hefyd yn gweithio gydag amrywiaeth o wahanol staff a buddsoddwyr. Mae'r sgiliau rwyf wedi'u datblygu fel rheolwr yn y diwydiant adeiladu yn addas iawn ar gyfer y swydd hon.

Rwy'n hyderus bod gen i'r sgiliau, y rhinweddau a'r profiad i fod yn Rheolwr Gwasanaeth Iechyd llwyddiannus. Amgaeaf fy CV/cais sy’n cynnwys rhagor o wybodaeth am fy nghymwysterau a’m sgiliau.

Diolch am ystyried fy nghais. Gobeithiaf glywed gennych yn fuan.

Yn gywir,

Jack Neill