Llythyr cais enghreifftiol - newid gyrfa

Mr Peter Jones
33 Stryd John
Pen-y-bont ar Ogwr
CF31 9ZZ
Ffôn: 01656 777444
Ebost: peter.jones657@mail.com

25 Medi 2022

FAO Jimmy Bloggs
Rheolydd Personél
Welsh Water Meter Reading Services Ltd
Uned 33 Enterprise Walk
The Enterprise Estate
Caerdydd
CF25 7PD

Annwyl Mr Bloggs

CYF: Swydd Darllenydd Mesurydd (cyfeirnod 556027)

Rwy'n ysgrifennu i wneud cais am swydd Darllenydd Mesurydd gyda Dŵr Cymru, ar ôl colli fy swydd wedi 16 mlynedd o brofiad gyda fy nghyflogwr blaenorol. Gwelais y swydd yn cael ei hysbysebu ar wefan Indeed.

Fel y gwelwch o fy CV sydd wedi ei atodi, mae gennyf brofiad helaeth o weithio ym myd diwydiant, yn yr awyr agored ac mewn rolau ymarferol.

Rwy'n gyfarwydd â gweithio mewn amgylchedd lle mae gwaith tîm a thargedau yn chwarae rhan bwysig yn y drefn ddyddiol. Fel arweinydd tîm mewn ffatri leol, defnyddiais fy sgiliau negodi a threfnu i wella cynhyrchiant ein tîm 30 y cant.

Dwi'n addasadwy ac yn hyblyg, yn barod ac yn awyddus i ddysgu, ac yn dysgu sgiliau newydd yn gyflym. Wrth ddechrau rôl goruchwyliwr CNC, dysgais sut i reoli offer cyfrifiadurol newydd o fewn wythnos, er mwyn gallu hyfforddi cydweithwyr.

Yn ogystal, rwy'n teimlo fy mod yn hynod o dda am wneud i eraill deimlo'n gyfforddus, ac rwyf bob amser yn siriol, yn gwrtais ac yn ddibynadwy, gan gyfathrebu'n effeithiol ag eraill.

Rwy'n teimlo y byddai'r cyfuniad o fy sgiliau a fy mhrofiad yn fy ngwneud yn ymgeisydd delfrydol ar gyfer swydd yn eich sefydliad a'r heriau newydd a ddaw yn ei sgil.

Edrychaf ymlaen at glywed gennych yn fuan ac rydw i ar gael ar gyfer cyfweliad unrhyw bryd.

Yr eiddoch yn gywir

Peter Jones