Bydd y dudalen hon yn eich diweddaru ar Ddeddf Anghenion Dysgu Ychwanegol a’r Tribiwnlys Addysg Cymru 2018
Beth yw testun y Ddeddf?
Cafodd y Ddeddf ei chyflwyno er mwyn:
- Gwneud darpariaeth ar gyfer fframwaith statudol newydd i gefnogi plant a phobl ifanc ag anghenion dysgu ychwanegol (ADY)
- Creu proses gydweithredol, integredig o asesu, cynllunio a monitro sy’n hwyluso ymyriadau cynnar, amserol ac effeithiol
- Creu system deg ac agored er mwyn darparu gwybodaeth a chyngor, ac er mwyn datrys pryderon ac apeliadau
Mae mwy o wybodaeth am y Ddeddf ar gael ar llyw.cymru.
Pryd bydd y Ddeddf yn cael ei gweithredu?
Cafodd y Ddeddf ei hoedi am flwyddyn ond bydd yn dechrau cael ei gweithredu nawr o fis Medi 2021. Bydd y cyfnod gweithredu yn para 3 blynedd. Ar hyn o bryd mae Llywodraeth Cymru wedi cynhyrchu canllaw ar gyflwyno’r Ddeddf i bobl ifanc o oedran ysgol gorfodol. Mae hyn yn datgan pryd y bydd pobl ifanc hyd at 16 oed yn symud i’r system newydd. Cewch wybod mwy am y System anghenion dysgu ychwanegol (ADY): canllaw i rieni ar llyw.cymru.
Mae cynlluniau ar y gweill i gynhyrchu cynllun gweithredu ar gyfer pobl ifanc 16+ oed sydd mewn addysg. Mae’r wybodaeth ddiweddaraf am y Ddeddf ar gael ar llyw.cymru.
Sut fydd hyn yn effeithio ar fy mhlentyn?
Mae Llywodraeth Cymru wedi cynhyrchu taflen ffeithiau ar y Ddeddf Anghenion Dysgu Ychwanegol a'r Tribiwnlys Addysg (Cymru) i esbonio sut y bydd y ddeddf yn effeithio ar bobl ifanc ag ADY.
Efallai i chi hefyd hoffi
Dewch i wybod am y gefnogaeth sydd ar gael gan Gyrfa Cymru i'ch helpu chi a'ch plentyn i gynllunio ar gyfer y dyfodol.
Dewch i wybod am y gwahanol asiantaethau sydd ar gael i gefnogi pobl ifanc sydd ag Anghenion Dysgu Ychwanegol (ADY) a'u teuluoedd.
Dewch i wybod am y pethau y dylech feddwl amdanynt er mwyn helpu eich plentyn i gynllunio tuag at y dyfodol.
Dewch i wybod am yr opsiynau sydd ar gael i'ch plentyn pan fyddent yn gadael yr ysgol.
Dewch i wybod mwy am gyfarfodydd cynllun trosglwyddo a sut y gallwch chi baratoi orau amdanynt.