Pan fydd diwrnod eich cyfweliad wedi cyrraedd efallai y byddwch yn teimlo'n nerfus ond yn gyffrous hefyd. Mae hyn yn naturiol.
Beth ddylwn i wneud ar ddiwrnod fy nghyfweliad?
Cofiwch:
Wisgo yn smart. Gwnewch yn siŵr eich bod yn lân ac yn daclus
Osod eich larwm i wneud yn siŵr eich bod yn deffro mewn pryd
Wneud yn siŵr eich bod yn caniatáu digon o amser i gyrraedd y cyfweliad
Fynd â rhestr o'r cwestiynau rydych chi am eu gofyn i'r cyflogwr
Beth ddylwn i wneud yn y cyfweliad?
Fe ddylech chi:
Gyflwyno’ch hunan gan edrych ar y person rydych chi'n siarad ag ef
Drio eistedd yn llonydd a pheidiwch â symud gormod
Wneud yn siŵr eich bod yn gwrando'n ofalus ar y cwestiynau sy'n cael eu gofyn. Os nad ydych chi’n deall cwestiwn, gofynnwch i’r cyfwelydd egluro beth mae nhw’n meddwl
Ateb y cwestiynau'n glir a cymryd eich amser
Efallai y bydd y cyflogwr yn gofyn i chi ar ddiwedd y cyfweliad os hoffech chi ofyn unrhyw gwestiynau iddyn nhw. Mae'n dda gofyn cwestiynau oherwydd mae'n dangos i'r cyflogwr eich bod yn awyddus i wybod mwy am y swydd.
Gallech ofyn:
- Pa hyfforddiant gallen nhw gynnig i chi i'ch helpu i ennill sgiliau a chymwysterau newydd
- Pryd fyddai'r swydd newydd yn dechrau pe byddech chi'n cael cynnig y swydd
- Pryd byddan nhw’n rhoi gwybod i chi os i chi wedi bod yn llwyddiannus ai peidio
Gofyn am adborth
Os na chewch chi’r swydd byddai’n syniad da i chi ffonio’r cwmni a gofyn pam. Gofyn am adborth yw hyn. Bydd hyn yn eich helpu i wybod sut i wella ar gyfer eich cyfweliad nesaf.
Efallai y byddech hefyd yn hoffi
Edrychwch ar rai o'n hawgrymiadau da i'ch helpu i baratoi ar gyfer cyfweliad
Edrychwch ar rai enghreifftiau o gwestiynau cyfweliad