Pobl ifanc nad ydynt mewn addysg, cyflogaeth na hyfforddiant (NEET)
- Yn 2023, roedd 1,107 o'r rhai sy’n gadael yr ysgol o Flwyddyn 11, 12 ac 13 y gwyddys eu bod yn NEET yng Nghymru, sef 2.0% o gyfanswm y garfan
- Fel mewn blynyddoedd blaenorol, parhaodd carfan Blwyddyn 13 i fod â chanran uwch o NEET (3.6% - 375 o unigolion) o gymharu â charfannau Blwyddyn 11 (2.0% - 670 o unigolion) a Blwyddyn 12 (0.5% - 62 o unigolion)
- Canran y cwsmeriaid Blwyddyn 11 oedd yn methu â mynd i mewn i Gyflogaeth, Addysg neu Hyfforddiant (EET) oherwydd salwch, gofalu am eraill neu feichiogrwydd oedd 1.3%. Yn yr un categori, roedd canran cwsmeriaid Blwyddyn 12 a Blwyddyn 13 yn 0.3% a 2.2% yn y drefn honno
- Roedd canran y merched NEET Blwyddyn 11 nad ydynt yn gallu mynd i mewn i addysg cyflogaeth nac hyfforddiant eleni yn uwch nag ar gyfer bechgyn NEET (71.0% o ferched NEET a 60.5% o fechgyn NEET)
Parhau mewn Addysg Amser Llawn
- Mae parhau mewn addysg amser llawn yn parhau i fod y dewis mwyaf poblogaidd o blith hynt disgyblion ym mhob un o'r tri grŵp blynyddoedd
- Dewisodd canran uwch o ferched na bechgyn ar draws y tair carfan barhau mewn addysg amser llawn
| Carfan | Bechgyn | Merched | Gwahaniaeth |
|---|---|---|---|
| Blwyddyn 11 | 84.6% | 89.0% | 4.4 pwynt canran |
| Blwyddyn 12 | 92.9% | 94.2% | 1.3 pwynt canran |
| Blwyddyn 13 | 70.4% | 79.6% | 9.2 pwynt canran |
Roedd cyfran uwch o'r rhai sy'n parhau mewn addysg amser llawn ar ôl Blwyddyn 11 wedi dewis Addysg Bellach dros chweched dosbarth ysgolion, o 21.6 pwynt canran.
- Chweched Dosbarth 39.2%
- Coleg AB 60.8%
Yn 2023, o’r rhai a ddosbarthwyd fel rhai sy’n parhau mewn Addysg llawn Amser, roedd mynd i addysg bellach (AB) yn llwybr mwy poblogaidd i fechgyn ac i ferched fel ei gilydd. Roedd y gwahaniaeth yn fwy ar gyfer bechgyn (62.4% yn mynd i AB, o gymharu â 37.6% yn aros yn yr ysgol) nag ar gyfer merched (59.2% yn mynd i AB, o gymharu â 40.8% yn aros yn yr ysgol).
Ym Mlwyddyn 11, Blwyddyn 12 a Blwyddyn 13, roedd canran uwch o'r rhai mewn grwpiau ethnig lleiafrifol yn parhau mewn addysg llawn amser o gymharu â'r rhai sy’n wyn.
| Carfan | Gwyn | Lleiafrifoedd Ethnig |
|---|---|---|
| Blwyddyn 11 | 86.2% | 92.6% |
| Blwyddyn 12 | 93.3% | 95.5% |
| Blwyddyn 13 | 74.2% | 83.8% |
Ymuno â’r Farchnad Lafur – Llwybrau Gwaith a Hyfforddiant
- Roedd canran y bobl ifanc a aeth i mewn i hyfforddiant a gwaith a gefnogir gan y Llywodraeth (statws Cyflogedig ac Anghyflogedig) ar ei huchaf ar gyfer y rheini ym Mlwyddyn 11 ar 5.8% (1,930 o unigolion). Aeth 1.5% (171 o unigolion) o garfan Blwyddyn 12 a 3.6% (375 o unigolion) o garfan Blwyddyn 13 i mewn i un o’r opsiynau hyn
- Canrannau’r bobl ifanc a aeth yn syth i gyflogaeth oedd 3.2% ar gyfer Blwyddyn 11, 2.5% ar gyfer Blwyddyn 12 a 13.0% ar gyfer Blwyddyn 13
- Roedd mynd i mewn i’r farchnad lafur (naill ai hyfforddiant yn y gweithle neu gyflogaeth) yn ddewis mwy poblogaidd ymhlith y bechgyn na'r merched ar draws pob un o’r tair carfan yn 2023
| Carfan | Bechgyn | Merched |
|---|---|---|
| Blwyddyn 11 | 10.7% | 7.3% |
| Blwyddyn 12 | 4.5% | 3.6% |
| Blwyddyn 13 | 19.9% | 13.6% |
Aeth canran llawer llai o'r rhai mewn grwpiau ethnig lleiafrifol i mewn i'r farchnad lafur (cyflogaeth neu hyfforddiant seiliedig ar waith) na'r rhai sy’n wyn.
| Carfan | Gwyn | Lleiafrifoedd Ethnig |
|---|---|---|
| Blwyddyn 11 | 9.6% | 3.6% |
| Blwyddyn 12 | 4.3% | 2.1% |
| Blwyddyn 13 | 17.6% | 8.4% |
Cyfradd Dim Ymateb
Roedd y 'Dim Ymateb' cyffredinol yn 1.7%. Roedd y ganran ar gyfer y gyfradd 'Dim Ymateb' ar ei huchaf ar gyfer carfan Blwyddyn 13, sef 3.9% (408 o unigolion).
| Blwyddyn 11 | 1.2% |
|---|---|
| Blwyddyn 12 | 1.3% |
| Blwyddyn 13 | 3.9% |
Gweld hynt disgyblion yn ôl grwpiau blwyddyn
Gweld ffigurau cyffredinol hynt disgyblion Blwyddyn 11 o ysgolion yng Nghymru 2023.
Gweld ffigurau cyffredinol hynt disgyblion Blwyddyn 12 o ysgolion yng Nghymru 2023.
Gweld ffigurau cyffredinol hynt disgyblion Blwyddyn 13 o ysgolion yng Nghymru 2023.