Beth yw clirio?

Mae prifysgolion a cholegau yn defnyddio'r Broses Glirio er mwyn llenwi unrhyw lefydd gwag sydd ar gael ar eu cyrsiau. Proses a gynhelir gan UCAS (Universities and Colleges Admissions Service) yw'r broses glirio.

Gallai'r broses glirio fod yn addas i chi os:

• Nad oedd eich canlyniadau yr hyn yr oeddech chi’n eu disgwyl
• Nad oes gennych unrhyw gynigion gan brifysgolion neu golegau

Daeth 67,990 o fyfyrwyr o hyd i le drwy’r system Glirio yn 2023"

Newyddion UCAS: Y nifer uchaf erioed o'r myfyrwyr a dderbyniwyd drwy’r system glirio, 2023

Galla i wneud cais a phryd?

Mae'r broses glirio ar agor rhwng 5 Gorffennaf a 21 Hydref.

Gallwch wneud cais drwy ddefnyddio’r broses glirio os nad oes gennych gynnig eisoes gan brifysgol neu goleg, a bod lleoedd ar y cwrs o hyd.

Gallwch ddefnyddio’r Broses Glirio os:

• Ydych chi’n gwneud cais ar ôl 30 Mehefin
• Na chawsoch unrhyw gynigion (neu ddim yr oeddech am ei dderbyn)
• Na wnaethoch fodloni amodau eich cynigion
• Os ydych wedi gwrthod lle a gadarnhawyd (dolen Saesneg i UCAS). Darllenwch fwy ar wefan UCAS gan fod angen i chi fod yn glir ynghylch sut mae hyn yn effeithio ar eich cynigion a'ch opsiynau eraill

Sut ydwi'n defnyddio'r Broses Glirio?

Os nad ydych eisoes wedi gwneud cais, mae angen i chi gofrestru gydag UCAS a gwneud cais.

Mae un ffi gwneud cais o £27.50. Mae rhai myfyrwyr yn gymwys i gael hepgor eu ffi ymgeisio. Y ffi ar gyfer 2025 fydd £28.50.

Ewch i ddiwrnod Canlyniadau a Chlirio UCAS (dolen Saesneg) i ddysgu mwy am y system Glirio a sut i wneud cais.

Sut allwn ni eich helpu

Gall ddysgu nad ydych wedi cael lle yn eich dewis prifysgol cadarn achosi straen mawr. Mae'n bwysig peidio â chynhyrfu a rhuthro i wneud penderfyniad. Ond, bydd angen i chi benderfynu beth i'w wneud nesaf er mwyn sicrhau nad ydych chi’n colli allan ar gyfleoedd.

Mae'r broses glirio yn golygu mwy na chael lle ar gwrs ar bob cyfrif. Mae'n parhau i fod yn fater o ddewis ynghylch ble byddwch chi'n treulio blynyddoedd nesaf eich bywyd.

Mae pawb yn wahanol. Gall ein cynghorwyr arbenigol, diduedd, eich helpu i ystyried eich opsiynau. Byddan nhw'n edrych ar eich sefyllfa ac yn rhoi cymorth personol i chi.

Efallai eich bod yn ystyried:

• Newid cwrs
• Dewis prifysgol wahanol
• Cymryd blwyddyn i ffwrdd
• Opsiynau eraill

Byddant yn darparu cyngor a chanllawiau yn rhad ac am ddim i'ch helpu i wneud penderfyniad sy'n addas i chi.

Gallant ddarparu gwybodaeth am y farchnad lafur. Gall hyn fod o fudd i archwilio'r opsiynau cyflogaeth y gallai cwrs eu cynnig yn y dyfodol.

Cysylltwch â ni am gymorth.

Dyma gyngor i baratoi ar gyfer Clirio

Cofiwch fod prifysgolion a cholegau eisiau myfyrwyr. Bydd timau derbyn yn hapus i helpu.

Cael help a gwybodaeth

Dylech chi:

• Siarad ag un o'n cynghorwyr, eich athrawon, tiwtoriaid neu bennaeth y chweched dosbarth. Gallant eich helpu i ystyried a chynllunio eich camau nesaf. Mae ganddyn nhw brofiad o'r broses Clirio
• Ddefnyddio gwefan UCAS i fanteisio ar y broses glirio (dolen Saesneg)
• Chwilio a gweld lleoedd gwag drwy’r broses glirio ar safle UCAS (dolen Saesneg). Mae nifer o brifysgolion yn dechrau hysbysebu eu lleoedd gwag o fis Gorffennaf ymlaen.

Byddwch yn barod i wneud galwadau Clirio

Gallwch baratoi i wneud galwadau Clirio drwy sicrhau fod y canlynol gyda chi:

• Eich ID UCAS neu eich Rhif Clirio
• Eich canlyniadau. Cyfrifwch eich UCAS Tariff points (dolen Saesneg)
• Copi o'ch datganiad personol er mwyn cyfeirio ato
• Rhifau’r Llinellau Cymorth Clirio ar gyfer y prifysgolion sydd o ddiddordeb i chi
• Cwestiynau yr ydych am eu gofyn i brifysgolion am y cyrsiau a’r lleoedd gwag sydd ar gael

Bydd y canlynol o gymorth hefyd:

• Dewch o hyd i le tawel i wneud y galwadau
• Gwnewch yn siŵr bod eich ffôn wedi'i wefru a bod gennych dderbyniad da. Mae'n syniad da i gadw'ch gwefrydd gyda chi
• Bydd angen beiro a llyfr nodiadau wrth law

Edrychwch ar brif gynghorion UCAS ar gyfer galw prifysgolion yn ystod y broses glirio (dolen Saesneg)

Efallai y byddech hefyd yn hoffi