Prentisiaethau yng Nghymru yw swyddi sy’n gadael i chi weithio tuag at ennill cymhwyster a chael eich talu ar yr un pryd.
Gwyliwch y fideo
O'r Ysgol i Brentisiaeth
Gwyliwch y fideo i weld beth sydd gan berson ifanc i'w ddweud am ei brentisiaeth.
Lefelau Prentisiaeth
Mae tair lefel o Brentisiaeth:
Prentisiaeth Sylfaen - byddech yn gweithio tuag at gymhwyster Lefel 2 (yr un lefel â TGAU)
Prentisiaeth – byddech yn gweithio tuag at gymhwyster Lefel 3 (yr un lefel â Safon Uwch/Lefel A)
Prentisiaeth Uwch / Prentisiaeth Gradd – byddech yn gweithio tuag at gymhwyster Lefel 4 ac uwch. Gallai hyn fod yn HNC/HND neu’n radd
Beth sydd ei angen arnaf i wneud Prentisiaeth?
Mae’n rhaid i chi fod yn 16 oed neu’n hŷn
Mae’n rhaid i chi wneud cais am Brentisiaeth fel unrhyw swydd arall. Bydd y cyflogwr yn dweud pa gymwysterau a sgiliau fydd eu hangen arnoch chi
Mae llawer o bobl eisiau gwneud Prentisiaeth. Bydd angen i chi gael CV da a ffurflen gais dda pan fyddwch yn gwneud cais
Pa mor hir mae Prentisiaeth yn para?
Fel arfer, mae Prentisiaethau yn para 2 – 3 blynedd ond bydd prentisiaethau lefel uwch yn cymryd mwy o amser
Pa gymorth y byddaf yn ei gael yn ystod Prentisiaeth?
Ar Brentisiaeth:
- Os oes gennych anabledd, efallai y cewch gymorth ar gyfer offer a thrafnidiaeth
- Os bydd angen, dylai eich cyflogwr newid rhannau o’ch swydd er mwyn gwneud yn siŵr eich bod yn gallu eu gwneud
- Os ydych yn y coleg fel rhan o’ch prentisiaeth, gallan nhw gefnogi eich dysgu
Gwyliwch fideo gan Engage To Change ar YouTube am fwy o wybodaeth am Brentisiaethau.
A fyddaf yn cael fy nhalu ar Brentisiaeth?
Mae isafswm cyflog cenedlaethol ar gyfer prentisiaid ond efallai y bydd cyflogwyr yn talu mwy na hyn. Dysgwch fwy am yr isafswm cyflog cenedlaethol i brentisiaid ar gov.uk (dolen Saesneg).
Sut y gallaf ddod o hyd i Brentisiaeth?
Mae 3 prif ffordd o ddod o hyd i gyfleoedd prentisiaeth:
- Chwiliwch am brentisiaethau ar Chwilio am Brentisiaethau
- Dewch o hyd i gyflogwyr sy’n cynnig prentisiaethau
- Ewch ar wefannau cyflogwyr
- Gwybod mwy am Brentisiaethau Cynhwysol: Cynllun Gweithredu ar Anabledd ar gyfer Prentisiaethau 2018-2021