Os yw cyflogwr yn meddwl y gallech fod yn addas ar gyfer y swydd, byddant yn eich gwahodd i gyfweliad.
Beth yw cyfweliad?
Cyfarfod yw cyfweliad. Mae'r cyflogwr eisiau cwrdd â chi a gweld os mai chi yw'r person iawn ar gyfer y swydd
Mae cyfweliad yn rhoi'r cyfle i chi ddweud wrth y cyflogwr pam y byddech chi'n dda ar gyfer y swydd
Beth yw’r gwahanol fathau o gyfweliadau?
Mae cyflogwyr yn cynnal cyfweliadau mewn gwahanol ffyrdd.
Gallech chi gael cyfweliad:
Gydag un aelod o staff
Gyda mwy nag un aelod o staff
Ar y ffôn. Bydd y cyflogwr yn eich ffonio chi am sgwrs ac yn gofyn cwestiynau i chi
Dros alwad fideo. Mae'r cyflogwr yn eich ffonio chi dros alwad fideo i gynnal y cyfweliad. Byddech yn gwneud hyn ar liniadur
Beth sy’n digwydd mewn cyfweliad?
Cyn eich cyfweliad, bydd y cyflogwr yn dweud wrthych chi beth fydd yn digwydd.
Efallai bydd eich cyfweliad yn:
- Sgwrs syml amdanoch chi a'ch sgiliau
- Set o gwestiynau y mae angen i chi eu hateb
Weithiau efallai y bydd yn rhaid i chi wneud tasg ychwanegol, i ddangos eich bod chi'n gallu gwneud rhan o'r gwaith. Tasgau fel:
Teipio ar gyfrifiadur
Ateb y ffôn
Sôn am bwnc
Beth sy'n digwydd ar ddiwedd cyfweliad?
Ar ddiwedd y cyfweliad bydd y cyflogwr yn:
- Rhoi gwybod i chi fod y cyfweliad drosodd
- Gofyn os oes gennych unrhyw gwestiynau
- Dweud wrthych a ydych chi wedi cael y swydd, neu sut a phryd y byddan nhw'n rhoi gwybod i chi
Fe ddylech:
- Ddiolch i'r cyflogwr am eu hamser
- Gofyn unrhyw gwestiynau sydd gennych chi
Cofiwch
Hyd yn oed os na chewch y swydd, bydd cael cyfweliad yn rhoi profiad i chi a fydd yn eich helpu i baratoi ar gyfer cyfweliadau eraill yn y dyfodol.
Efallai y byddech hefyd yn hoffi
Edrychwch ar ein hawgrymiadau da i'ch helpu ar ddiwrnod eich cyfweliad
Edrychwch ar rai o'n hawgrymiadau da i'ch helpu i baratoi ar gyfer cyfweliad
Edrychwch ar rai enghreifftiau o gwestiynau cyfweliad