Opsiynau ar gyfer newid gyrfa

Gall newid gyrfa deimlo fel cam mawr, ond mae llawer o bobl yn llwyddo i symud i rolau newydd bob blwyddyn.

P'un ai ydych chi'n chwilio am yrfa hollol newydd, yn dychwelyd i'r gwaith, neu'n ansicr o'ch camau nesaf, mae yna lawer o opsiynau a chefnogaeth ar gael. Gall ein cynghorwyr gyrfa a'n hanogyddion cyflogadwyedd eich cefnogi trwy'r broses o newid gyrfa. Gallwn eich helpu i:

• Archwilio syniadau gyrfa newydd
• Dod o hyd i hyfforddiant a chyllid
• Adnabod eich sgiliau a'ch cryfderau

Rhesymau pam mae pobl eisiau newid gyrfa

Dyma rai enghreifftiau yn unig o pam mae pobl eisiau newid eu gyrfa.

Rwyf eisiau newid gyrfa

Efallai y byddwch yn gallu defnyddio'ch sgiliau presennol mewn swydd newydd neu hyfforddi ac ennill cymwysterau newydd ar gyfer gyrfa hollol wahanol. Dechreuwch drwy:

• Ddeall eich sgiliau a'ch cryfderau presennol â’u cyfateb i'r sgiliau y mae cyflogwr yn chwilio amdanyn nhw. Edrych ar Sgiliau a chryfderau
• Defnyddio Gwybodaeth am Swyddi i ddarganfod unrhyw hyfforddiant a chymhwyster y gallai fod eu hangen arnoch ar gyfer gyrfa newydd
• Cymryd y Cwis Paru Gyrfa a'r Cwis Buzz i baru eich sgiliau a'ch diddordebau i swyddi addas
• Edrych ar Gyfrifon Dysgu Personol i weld a allwch gael cefnogaeth i ennill sgiliau newydd, hyfforddi ar gyfer sectorau blaenoriaeth a chael mynediad at fwy o gyfleoedd swyddi
• Chwilio am gyrsiau sydd ar gael yng Nghymru ar Chwilio am Gwrs
• Gweld pa swyddi sydd ar gael nawr. Defnyddiwch Chwilio am Swydd

Rwyf wedi colli fy swydd

Os ydych wedi colli eich swydd, gall ailhyfforddi eich helpu i feithrin sgiliau newydd, archwilio gwahanol opsiynau a symud i waith sy'n addas i chi.

Edrychwch ar Opsiynau ar ôl colli swydd am wybodaeth a chefnogaeth i wneud cais am gyllid ReAct+.

Mae rhaid i mi newid gyrfa oherwydd rhesymau iechyd

Os yw'ch iechyd yn golygu nad yw'ch swydd bresennol bellach yn addas i chi, efallai y bydd rolau, patrymau gweithio neu opsiynau hyfforddi eraill sy'n gweddu'n well i'ch anghenion.

Mae gan gyflogwyr ddyletswydd gofal cyfreithiol i ddiogelu iechyd, diogelwch a lles gweithwyr. Rhaid iddyn nhw wneud addasiadau rhesymol i ganiatáu i weithwyr barhau i weithio iddyn nhw. Weithiau, nid yw hyn bob amser yn bosibl ond mae'n bwysig gwybod beth yw’ch eich hawliau a'ch opsiynau. Dylech:

• Siarad â Cyngor ar Bopeth i gael rhagor o wybodaeth a chefnogaeth
• Edrych ar Addasiadau rhesymol i weithwyr ag anableddau neu gyflyrau iechyd ar GOV.UK

Cysylltu â ni am help gyda chwilio am waith, hyfforddiant a chefnogaeth.

Rwyf eisiau ennill mwy o arian

Os ydych chi eisiau ennill mwy o arian, gallai newid gyrfa eich helpu i ddod o hyd i rolau gyda chyflog gwell, mwy o gynnydd neu gyfleoedd hyfforddi newydd. Gallech chi:

• Edrych ar Gyfrifon Dysgu Personol i weld a allwch gael cefnogaeth i ennill sgiliau newydd, hyfforddi ar gyfer sectorau blaenoriaeth a chael mwy o gyfleoedd gwaith
• Deall y galw am swyddi yng Nghymru drwy edrych ar Swyddi Dyfodol Cymru i archwilio rhanbarthau a diwydiannau a dysgu pa swyddi y gallech eu gwneud nawr ac yn y dyfodol 
• Ennill cymwysterau newydd fel y gallwch wneud cais am fwy o swyddi, gan gynnwys rolau gyda chyflog uwch. Edrychwch ar Chwilio am gwrs a Canfod Cymorth
• Ystyried swyddi sydd ar gael yn ôl y cyflog yr hoffech ei ennill. Edrych ar Chwilio am Swydd a Gwefannau Swyddi a Prentisiaethau a all arwain at swyddi sy'n talu'n dda

Rydyn ni yma i helpu

Rwyf angen help i ddod o hyd i swydd

Gall gwybod ble i edrych eich helpu i ddod o hyd i swyddi sy'n cyfateb â'ch sgiliau, eich diddordebau a'ch nodau. Mae yna wahanol ffyrdd o chwilio am waith ac mae cefnogaeth ar gael os oes angen help arnoch. Dylech:

• Edrych ar Cael swydd i ddod o hyd i wybodaeth ar wefannau swyddi, dod o hyd i swyddi ar-lein, gwaith asiantaeth recriwtio a llawer mwy
• Chwilio am 'Swyddi yng Nghymru' gan ar ein tudalen Chwilio am Swydd

Meddyliwch am sut mae'r farchnad lafur yn newid ac ystyriwch swyddi y mae galw amdanyn nhw. Edrychwch ar Dyfodol Gwaith yng Nghymru i gael rhagor o wybodaeth.

Rwyf angen help gyda fy CV a thechnegau cyfweld

Mae cadw'ch CV yn gyfredol yn golygu y byddwch chi'n barod i wneud cais pan fyddwch chi'n dod o hyd i swydd rydych chi ei eisiau. Cofiwch gynnwys eich swydd, eich sgiliau a’ch profiad diweddaraf. Cymerwch olwg ar Creu CV i gael cyngor ar beth i'w gynnwys ac enghreifftiau i'ch helpu i ddechrau arni.

Gall paratoi ar gyfer cyfweliadau eich helpu i deimlo'n fwy hyderus a rhoi'r cyfle gorau i chi gael y swydd. Edrychwch ar ein cyngor ar Dechnegau cyfweld.

Efallai y byddech hefyd yn hoffi