Paratoi am gyfweliad

Darllenwch y disgrifiad swydd i ddysgu am y sgiliau y mae'r cyflogwr yn chwilio amdanynt. Yna, meddyliwch am sut y gallwch chi ddangos bod y sgiliau hynny gyda chi. Edrych ar Sgiliau a beth maen nhw'n ei olygu

Dysgwch am y cwmni. Bydd hyn yn dangos i'r cyflogwr eich bod wedi gwneud ymdrech i ddysgu amdanyn nhw. Bydd gan y rhan fwyaf o gwmnïau adran o’r enw ‘Amdanom ni’ neu ‘Cwrdd â’r Tîm’ ar eu gwefannau. Bydd eu cyfrifon cyfryngau cymdeithasol hefyd yn rhoi syniad i chi o'r hyn y mae nhw’n ei wneud

Meddyliwch pam y byddech chi'n dda am wneud y swydd. Gallech chi ymarfer dweud wrth rywun pam rydych chi eisiau'r swydd a pham y byddech chi'n dda yn ei gwneud. Edrychwch ar rai enghreifftiau o gwestiynau cyfweliad

Cynlluniwch ar gyfer y diwrnod. Meddyliwch am:

• Sut fyddwch chi’n cyrraedd
• Beth fyddwch chi’n gwisgo
• Beth i chi am ofyn iddyn nhw

Ffoniwch neu e-bostiwch y cyflogwr cyn y cyfweliad i ddweud wrthynt os oes angen cymorth ychwanegol arnoch. Gall cyflogwyr wneud newidiadau i gyfweliad er mwyn sicrhau ei fod yn deg i berson ag anabledd. Bydd llawer o gyflogwyr yn gofyn a oes angen unrhyw help ychwanegol arnoch chi ar y ffurflen gais. Edrychwch ar Pa gymorth sydd ar gael i mi mewn gwaith? i wybod mwy am yr help sydd ar gael.