Enghraifft o CV newid gyrfa

Enghraifft o CV - Peter

Byddai'r CV hwn yn ddefnyddiol wrth wneud cais am swydd newydd mewn gyrfa newydd. Mae'n amlygu:

• Sgiliau a chyflawniadau perthnasol
• Eich sgiliau trosglwyddadwy mwyaf perthnasol. Sgiliau trosglwyddadwy yw’r sgiliau rydych chi wedi’u datblygu mewn gwahanol feysydd o’ch bywyd

Peter Jones

peter.jones657@mail.com
Ffôn: 01656 77744 Symudol: 07882654321

Datganiad Personol

Unigolyn llwyddiannus, sy'n canolbwyntio ar y cwsmer ac sy’n llawn cymhelliant. Meddu ar un mlynedd ar bymtheg o brofiad mewn rôl oruchwylio/rheoli o fewn y diwydiant gweithgynhyrchu. Yn bwriadu adeiladu ar sgiliau gwasanaeth cwsmeriaid a chyfathrebu presennol trwy ddod yn Gynghorydd Gwasanaeth Cwsmer, yn dilyn diswyddiad diweddar. Yn canolbwyntio ar dargedau, gan ddefnyddio sgiliau trafod a threfnu i wella perfformiad tîm o 30%. Yn cyfathrebu'n effeithiol â chydweithwyr a chwsmeriaid ac wedi defnyddio'r sgiliau hyn i esbonio prosesau cynhyrchu newydd i aelodau'r tîm, gan arwain at y tîm mwyaf llwyddiannus yn 2023-24. Yn edrych ymlaen at weithio mewn sefydliad sy'n canolbwyntio ar y cwsmer.

Sgiliau Allweddol

• Yn darparu gwasanaeth cwsmeriaid ardderchog
  • Wedi defnyddio sgiliau trafod a pherswadio yn ogystal â sgiliau gwrando effeithiol i wella perthynas â chwsmeriaid, gan arwain at gadw’r cwsmer hwnnw a chynnydd o 30% mewn archebion y flwyddyn ganlynol
• Yn cyfathrebu'n effeithiol mewn amrywiaeth o arddulliau sy'n addas i wahanol gynulleidfaoedd, er enghraifft cwsmeriaid a chydweithwyr
  • Yn egluro sut roedd peiriannau CNC newydd yn gweithio i aelodau'r tîm a dyfeisio llawlyfrau hyfforddi i gyfeirio atynt. Gwellodd hyder y tîm a chynyddodd lefelau cynhyrchu 10%
• Defnyddiwr medrus o feddalwedd TGCh ac yn gallu dysgu defnyddio systemau/meddalwedd newydd yn gyflym
  • Gallu defnyddio Microsoft Office 365, gan gynnwys Word, PowerPoint ac Excel
  • Wedi dysgu sut i reoli offer cyfrifiadurol newydd o fewn wythnos a datblygu deunyddiau hyfforddi er mwyn hyfforddi tîm o recriwtiaid newydd. Roedd y tîm yn weithredol ac yn gynhyrchiol o fewn amser byr
• Yn gweithio'n annibynnol, gan ddefnyddio dyfeisgarwch eu hun
  • Cynllunio a gweithredu rhaglen foderneiddio mewn ffatri leol trwy gyrchu peiriannau newydd a threfnu hyfforddiant staff. Roedd amser segur wedi lleihau ac roedd yr allbwn wedi gwella 15%
• Rhoi sylw i fanylion ym mhob agwedd o’r gwaith
  • o Wedi sylwi ar ostyngiad graddol mewn cynhyrchiant o fewn y tîm a llwyddodd i ynysu'r broblem i beiriant penodol. Wedi canfod nam technegol a threfnu datrysiad, gan arwain at welliant mewn lefelau cynhyrchu

Hanes Cyflogaeth

Goruchwylydd CNC, gan symud ymlaen i Reolwr Cynhyrchu, Tollgate Productions Ltd, Anytown, 2008 – presennol

• Sefydlu a gweithredu amrywiaeth o beiriannau CNC fel peiriannau cydosod ceir ac offer robotig, gan gynhyrchu cynhyrchion o ansawdd uchel
• Defnyddio offer mesur manwl i archwilio cynhyrchion i sicrhau eu bod yn bodloni safonau ansawdd
• Canfod diffygion offer a chyfathrebu'n effeithiol â'r tîm i wneud atgyweiriadau amserol a phriodol
• Datblygu rhaglenni rheoli rhifiadol effeithiol sy’n lleihau costau cynhyrchu 15%
• Goruchwyliaeth effeithiol a chefnogol o dîm o weithredwyr CNC gan gynnwys creu rotâu staff a chynllunio datblygiad personol
• Darparu hyfforddiant i staff ar faterion fel iechyd a diogelwch a chodi a chario Gweith

Gweithredydd Cynhyrchu ac yna Arweinydd Tîm, Jopling Fabrications, Anytown, 2001 – 2008

• Gweithredu ystod o turnau â llaw ac a reolir yn rhifiadol a pheiriannau eraill i gynhyrchu metel ac uniadau i safon uchel
• Dod o hyd i ddiffygion a thrwsio peiriannau yn effeithiol
• Cynnal archwiliad o gynhyrchion i sicrhau eu bod yn bodloni manylebau ansawdd ISO
• Goruchwylio tîm o weithredwyr cynhyrchu gan gynnwys cynllunio sifftiau a hyfforddi'r tîm i ddefnyddio peiriannau CNC newydd

Labrwr Cyffredinol, safleoedd adeiladu amrywiol, Anytown ac ar draws Cymru a'r DU, 1996 – 2001

• Codi a symud offer trwm a deunyddiau adeiladu yn ôl y cyfarwyddyd
• Cloddio ac adeiladu sylfeini
• Cadw safleoedd yn lân ac yn daclus a storio deunyddiau adeiladu yn briodol
• Dilyn gofynion iechyd a diogelwch a defnydd priodol o offer amddiffynnol personol

Addysg/Cymwysterau

Ysgol Gyfun Bigworth, 1991 – 1996

• TGAU gan gynnwys Mathemateg C, Saesneg C, Gwyddoniaeth Dyfarniad Dwbl CC, Gwaith Coed B, a gyflawnwyd yn 1996

Hobïau a diddordebau

• Beicio mynydd
• Gwneud addurniadau pren fel coed a ffigurynnau

Geirdaon ar gael ar gais.

Dogfennau

Gweld mwy