Ers 2021-2022 bu cynnydd o 11% yn nifer y bobl sy'n dysgu Cymraeg. Dysgwch am y cymorth sydd ar gael i'ch helpu ar eich taith i ddysgu'r iaith.
Manteision dysgu Cymraeg
Mae gan Lywodraeth Cymru uchelgais i filiwn o bobl allu mwynhau siarad a defnyddio'r Gymraeg erbyn 2050. Nid oes amser gwell i ddechrau dysgu. Dysgwch fwy am Cymraeg 2050 Llywodraeth Cymru.
Mae gan lawer o lefydd yng Nghymru draddodiad Cymraeg cryf. Gall dysgu a siarad Cymraeg eich helpu i archwilio ac ymgysylltu â'ch cymuned leol. Gallwch fwynhau teledu, radio, chwaraeon, cerddoriaeth a llenyddiaeth Gymraeg.
Dyma beth sydd gan un aelod o staff Gyrfa Cymru i'w ddweud am ei phrofiad o ddysgu Cymraeg:
Dechreuais ddysgu Cymraeg 4 blynedd yn ôl mewn dosbarthiadau nos i oedolion. Mae'n deimlad gwych symud ymlaen o adnabod ambell air ar y teledu neu'r radio i allu deall cryn dipyn o'r hyn sy'n cael ei ddweud. Mae wedi bod yn wych cwrdd â dysgwyr eraill yng Nghymru a thu hwnt - mae'n gymuned hyfryd i fod yn rhan ohoni."
Sam, Caerffili
Profiadau bywyd go iawn o ddysgu Cymraeg
Mae rhai o'n gweithwyr yn dysgu Cymraeg. Dewch i wybod mwy am eu profiadau.
Mae James yn un o'n Cynghorwyr Gyrfa. Dewch i wybod beth yw prif awgrymiadau James i ddysgu Cymraeg.
Mae Lauren yn Gynghorydd Gyrfa sy'n dysgu Cymraeg. Dewch i wybod sut mae hi'n cael 'mlaen.
Mae Luisa yn Gydlynydd Dysgu a Datblygu gyda Gyrfa Cymru. Dewch i wybod prif awgrymiadau Luisa i ddysgu'r Gymraeg.
Mae Nathalie yn rhannu ei phrofiadau o ddysgu Cymraeg a'i hawgrymiadau ar gyfer dysgwyr eraill.
Darganfyddwch sut a pham mae’r Gymraeg yn bwysig i fusnes, cymuned a chwsmeriaid Dewi.
Rhyddhau eich potensial gyda'r Gymraeg
Sut y gallaf ddysgu Cymraeg?
P’un a ydych newydd ddechrau neu eisiau gwella eich Cymraeg, mae llawer o opsiynau ar gael i chi. Oeddech chi'n gwybod:
- Mae 44% o ddysgwyr Cymraeg yn dysgu'n rhithwir trwy gyrsiau ar-lein. (Ffynhonnell: Dysgu Cymraeg)
- Roedd bron i 17,000 o bobl yn dilyn cyrsiau Cymraeg gyda’r rhaglen Dysgu Cymraeg yn 2022-2023, cynnydd o 11% ers 2021-2022
Byddwch yn ymwybodol y gall rhai o'r cyrsiau isod olygu costau. I’ch helpu i ddysgu Cymraeg gallech chi:
- Ddod hyd i gyrsiau Dysgu Cymraeg yn eich ardal chi. Gallech ddysgu o gartref gydag opsiynau dysgu ar-lein. Edrychwch ar wefan Dysgu Cymraeg am fwy o wybodaeth
- Rhoi cynnig ar Say Something in Welsh
- Defnyddio wefan neu ap Duolingo
- Chwilio am 'dysgu Cymraeg' ar Chwilio am Gwrs am wahanol gyrsiau sydd ar gael yn eich ardal
- Chwilio am eich Menter Iaith leol ar Y Mentrau Iaith Cryfhau'r Gymraeg yn y Gymuned. Mae Menter Iaith yn helpu pobl i fwynhau defnyddio'r Gymraeg yn eu cymunedau
- Ymweld â'r Eisteddfod Genedlaethol a chael profiad o Faes D (Dysgwyr)
- Edrych ar y cyrsiau Cymraeg yn Nant Gwrtheyrn
- Edrych ar y cyrsiau rhad ac am ddim sydd ar gael os ydych rhwng 18 a 25 ar Dysgu Cymraeg
Cymraeg yn y gweithle
Roedd 19,362 o bostiadau swyddi ar-lein yn sôn yn benodol am y Gymraeg fel sgil gofynnol, naill ai’n ddymunol neu’n hanfodol. (Ffynhonnell: Lightcast Ebrill 2023 - Mai 2024)
Siarad Cymraeg yn y gweithle
Gall meddu ar sgiliau Cymraeg arwain at fwy o gyfleoedd gwaith oherwydd:
- Mae rhai swyddi a hysbysebir yng Nghymru yn aml yn gofyn am y Gymraeg fel sgil hanfodol neu ddymunol
- Rhaid i bob sefydliad yn y sector cyhoeddus yng Nghymru ddarparu gwasanaethau Cymraeg. Mae gwasanaethau cyhoeddus Cymru yn annog gweithwyr i ddysgu Cymraeg drwy ddatblygiad proffesiynol parhaus (DPP)
- Gall sgiliau’r Gymraeg fod yn hanfodol ar gyfer rhai swyddi mewn sectorau fel Iechyd, Gwasanaethau Cymdeithasol a Gofal Cymdeithasol, Addysg, Gwasanaethau Cyhoeddus a'r diwydiannau Creadigol
- Bydd angen i bobl siarad neu fod yn barod i ddysgu lefel ‘cwrteisi’ sylfaenol o’r Gymraeg i gael swyddi gyda Llywodraeth Cymru. Mae Llywodraeth Cymru yn annog pob aelod o staff i ddysgu drwy raglenni hyfforddi
Mae Dysgu Cymraeg yn cynnig cyrsiau Cymraeg am ddim i'r gweithlu addysg.
Mae Cynnig Cymraeg yn wythnos i ddathlu busnesau ac elusennau sy'n ymfalchïo yn y Gymraeg drwy gynnig gwasanaethau Cymraeg i'r cyhoedd. Canfu eu harolwg diweddar fod:
- 94% o siaradwyr Cymraeg yn teimlo bod darparu gwasanaeth Cymraeg yn helpu cwmni i wneud argraff dda
- Mae 86% o boblogaeth Cymru yn teimlo bod y Gymraeg yn rhywbeth i ymfalchïo ynddi
Darllenwch rai o'r blogiau mae cyflogwyr fel Lidl a'r Principality wedi ysgrifennu am gael eu cydnabod gyda Cynnig Cymraeg Comisiynydd y Gymraeg am gynnig gwasanaethau i'r cyhoedd yn Gymraeg. Gweld blogiau Cynnig Cymraeg(gwefan allanol) ar wefan Comisiynydd y Gymraeg.
Cymorth i gyflogwyr
Edrychwch ar rai o'r gwahanol ffyrdd y gall cyflogwyr gefnogi eu gweithwyr i ddysgu Cymraeg:
- Mae Cymraeg Gwaith yn rhaglen sydd wedi'i chynllunio i gryfhau sgiliau Cymraeg yn y gweithle. Mae Cymraeg Gwaith yn cynnig hyfforddiant amrywiol, hyblyg sydd wedi ei ariannu'n llawn. Dysgwch fwy ar Cymraeg Gwaith Work Welsh ar wefan Dysgu Cymraeg.
- Mae Helo Blod yn wasanaeth cyfieithu a chynghori Cymraeg cyflym a chyfeillgar sy’n cynnig cyfieithu Cymraeg yn rhad ac am ddim i’ch busnes. Mynnwch gip ar wefan Helo Blod ar Fusnes Cymru.
- Mae’r Cynnig Cymraeg yn gydnabyddiaeth gan y Comisiynydd a roddir i sefydliadau sy'n parchu'r iaith Gymraeg drwy gynnig gwasanaeth drwy gyfrwng y Gymraeg i'r cyhoedd. Cewch wybod mwy am y Cynnig Cymraeg ar wefan Comisiynydd y Gymraeg.
Gwyliwch y fideo
Cymraeg yn y gweithle
Gwyliwch y fideo i wybod mwy am Cymraeg yn y gweithle a sut mae'r Gymraeg yn cael ei ystyried fel sgil.
Efallai y byddech hefyd yn hoffi
Archwilio rhai o'r opsiynau swyddi sydd ar gael pan fyddwch chi'n astudio'r Gymraeg.
Defnyddiwch ein chwiliad cyrsiau i ddod o hyd i gwrs sy'n iawn i chi. Mae'n cynnwys cyrsiau rhan-amser, cyrsiau byrion a dysgu yn y gymuned. (Saesneg yn unig)
Archwilio opsiynau ariannu ar gyfer cyrsiau yng Nghymru.
Cewch wybod rhagor am yr hyn sydd ynghlwm wrth addysg gymunedol ac addysg i oedolion, a ble i ganfod cyrsiau.
Dewch o hyd i ddarparwyr dysgu o bell ac ar-lein sy'n cynnig cyrsiau rhad ac am ddim a rhai y telir amdanynt. Gwybod am fanteision ac anfanteision astudio ar-lein a gweld ai dyma'r opsiwn iawn i chi.