Dod o hyd i swyddi ar-lein

Y ffordd amlwg i ddod o hyd i swyddi gwag yw defnyddio gwefannau swyddi ar-lein (bydd rhai o'r rhain yn ddolenni Saesneg yn unig), fel Indeed, Reed, Monster ac Find a job, gweld ein tudalen gwefannau swyddi i weld mwy o safleoedd swyddi.

Ond gallwch hefyd ddefnyddio gwefannau swyddi ar-lein i’ch mantais hyd yn oed os na allwch ddod o hyd i swydd sy’n addas i chi. Gwnewch nodyn o enwau a manylion cyflogwyr y mae gennych ddiddordeb ynddyn nhw. Yna, gallwch gysylltu’n uniongyrchol â nhw gyda’ch CV ac e-bost/llythyr yn egluro eich sgiliau a’ch profiad. Os ydyn nhw’n hysbysebu un swydd, mae’n bosibl y bydd ganddyn nhw swyddi sydd heb eu hysbysebu.

Mae nifer o gyflogwyr yn dal i recriwtio drwy eu gwefannau eu hunain. Felly, mae angen i chi wybod sut i’w canfod.

Mae peiriannau chwilio am swyddi ar-lein yn ffordd dda o ganfod cyflogwyr a’u gwefannau. Mae cyflogwyr mawr fel y GIG a Chynghorau hefyd yn hysbysebu ar eu gwefannau eu hunain.

Mae Cyfeiriaduron Busnes Ar-lein yn aml ar gael ar wefannau cynghorau ac mae eraill ar gael ar wefannau ar wahân.

Gall Cyfeiriaduron Busnes Lleol Ar-lein roi rhestrau i chi o’r cwmnïau yn eich ardal leol, gan roi mynediad i chi i’w manylion cyswllt, fel y gallwch gysylltu â nhw i ofyn am swydd.

Dechreuwch chwilio ar Cyfeiriadur Busnes Ar-lein Busnes Cymru.

Wrth edrych am yrfa benodol mewn diwydiant penodol, mae defnyddio gwefannau sefydliadau a masnach yn ffordd wych o ganfod cyflogwyr posibl. Cewch wybodaeth am yrfaoedd penodol, gan gynnwys dolenni i rai o sefydliadau a chymdeithasau sectorau ar Gwybodaeth am Swyddi.

Gallwch hefyd chwilio am sefydliadau sy’n gysylltiedig â math penodol o grefft neu ddiwydiant drwy’r rhyngrwyd: y geiriau allweddol i’w defnyddio yn y peiriant chwilio - ‘Sector’ + ‘Sefydliad neu Ffederasiwn neu Gymdeithas’ + DU, er enghraifft - Peirianneg + Sefydliad + DU. Bydd hyn yn rhoi rhestrau o Sefydliadau Peirianneg i chi. Bydd gan rai o’r gwefannau hyn fynediad am ddim i gyfeiriaduron o’u haelodau. Gallwch gysylltu â’r cwmnïau yr hoffech weithio iddyn nhw, neu weld eu gwefannau ar gyfer unrhyw swyddi sy’n cael eu hysbysebu. Os nad ydych chi'n siŵr pa fath o swydd sydd o ddiddordeb i chi eto rhowch gynnig ar ein Cwis Paru Gyrfa i gael syniadau.

Mae hyn yn ffordd wych o ganfod pa gwmnïau sy’n ehangu yn eich ardal, neu sy’n symud i’ch ardal. Mae’n bosibl i chi hyd yn oed ganfod enw cyswllt mewn erthygl bapur newydd er mwyn gwybod pwy i gysylltu â nhw. Yna gallwch ddefnyddio’r chwiliadur ar-lein i ganfod mwy am y cwmni neu i weld a oes ganddo unrhyw swyddi ar ei wefan.

Yna gallwch gadw cofnod o’r rheini sydd o ddiddordeb i chi a dychwelyd atyn nhw yn ddiweddarach.

Mae’r enghreifftiau o wefannau arbenigol yn cynnwys:

• Fast Growth 50 sy’n rhestru’r 50 cwmni sy’n tyfu gyflymaf yng Nghymru. Gan eu bod yn gwmnïau sy’n tyfu, mae’n bosibl y byddan nhw’n recriwtio a gallech ddechrau eich e-bost/llythyr eglurhaol atyn nhw gan ddweud sut wnaethoch chi ddod o hyd i’r cwmni neu’r swydd wag (dolen Saesneg yn unig)
• Gofalwn.Cymru - swyddi gwag mewn gofal
• FE jobs – swyddi mewn colegau ledled y DU (dolen Saesneg yn unig)

Gall y Cyfryngau Cymdeithasol fod yn ffordd wych o wneud cysylltiadau a chanfod gwaith.

Gofynnwch am gyngor ar sut i ddod o hyd i waith drwy wefannau cyfryngau cymdeithasol fel LinkedIn, Facebook a Twitter. Dysgwch sut i gael y presenoldeb cywir ar y cyfryngau cymdeithasol.

Mae nhw hefyd yn hysbysebu drwy wefannau swyddi ar-lein mawr. Darganfyddwch fwy am asiantaethau recriwtio.

Ceir amrywiaeth o leoedd i chwilio am swyddi i raddedigion:

• Hysbysfyrddau swyddi prifysgolion – cysylltwch â gwasanaeth gyrfaoedd eich prifysgol
• Gwefannau swyddi i raddedigion
• Gwefannau swyddi ar-lein
• Gwefannau cyflogwyr – os ydych yn gwybod am gyflogwr yr hoffech weithio iddo, edrychwch ar ei wefan a chwiliwch am gyfleoedd i raddedigion
• Civil Service (dolen Saesneg yn unig)

Ceir 3 prif ffordd o ganfod prentisiaethau gwag:

• Defnyddio Chwilio am Brentisiaeth
• Chwiliwch am Gyflogwyr sy’n cynnig Prentisiaethau a mynd yn uniongyrchol i’w gwefannau
• Mae gwefannau swyddi ar-lein hefyd yn hysbysebu rhai prentisiaethau